吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 想請大家評下理！！教下我應該點做

懷孕前後今日: 2|主題: 329748

收藏本版

發帖

返回列表

跳至頁

查看: 2281 | 回覆: 13

想請大家評下理！！教下我應該點做 [複製鏈接]

Jessica_Rocus

大宅

積分: 4195

1^#

發表於 17-6-7 22:35 |只看該作者 |倒序瀏覽 |打印

九龍醫院精神科係咪痴線架？！

我今日生完個仔第三日，原本心情同身體都好好，因為終於知道個仔無事，中午可以落返嚟病房之後真係好開心！就喺呢個時候，突然嗰個所謂九龍醫院精神科嘅護士嚟左搵我..(交代少少，我之前有產後產前抑鬱&焦慮症，呢啲係心理病而唔係精神病！所以之前有去開覆診，但醫生一直覺得我其實無咁嚴重，亦都無開過藥畀我)
佢一嚟到，就介紹自己係九龍醫院精神科嘅護士，我已經心知不妙..佢一開始就大大聲喺病房講哂我啲背景出嚟，當時病房裡係有另外兩個媽媽的！我嗰下有點尷尬，佢咁樣大大聲講我啲私人嘢出嚟，我覺得我好似除哂衫畀人睇咁！佢仲要大大聲話：'咁你而家有無覺得思覺失調呀？有幻覺呀之類咁？'
佢係咪痴線架？？我無精神失常過，何來有思覺失調、有幻覺？？？我當時真係超尷尬！！
呢個時候佢電話響，佢就喺個病房入面大大聲講左起碼5分鐘電話！嚴重騷擾隔離床每一個媽媽休息！我聽到隔離有媽媽jip左幾下添！當時係中午3點幾，係產後媽媽瞓緊晏覺嘅時候，佢究竟識唔識咩叫職業道德和操守？！
佢講完個電話，我已經黑哂面！佢繼續講：'咁你係餵人奶？其實我建議你餵奶粉，普通人餵人奶都有機會會搞到情緒低落，你有呢方面問題就更加會令你情緒有困擾，所以你都係餵返奶粉啦！'

0 0 0

私人傳訊

Jessica_Rocus

大宅

積分: 4195

2^#

發表於 17-6-7 22:35 |只看該作者

我開始好唔耐煩：'其實你地想點？之前覆診時你地都已經求求其其，覆左咁多次診都無關心過我，而家呢個時候先嚟講呢啲你想點？'
佢又話：'你覆診見嗰個係醫生喎！唔係我！我唔知之前係發生咩事架喎！只係呢度嘅產科醫生見你有底，所以先轉介我地嚟睇下你有無咩問題，會唔會照顧唔到個BB咁樣囉！一係咁啦！因為私隱問題，我地無你家人電話，你而家畀你家人電話我，我同佢地傾下先啦！'
我真係開始發脾氣：'咩底呀？我有案底呀而家？？你打畀我屋企人做咩呀？嚟緊我都去覆診架啦！點解硬係要而家呢一刻呢一度做呢啲嘢呀？你都識講私隱啦！你喺呢度講哂我啲嘢出嚟，咁你有無顧及我私隱呀？'
佢跟住就走返出去，又大大聲同啲姑娘講我壞話，話我痴線！！之後佢走左無耐後我要量血壓，我血壓突然高左好多！其實講真如果佢無嚟到，我真係好平靜，身體復原得唔錯添！但佢咁樣嚟一嚟，反而令我血壓高左，而且仲見暈，傷口又痛返..

佢地嚟到其實係想幫我定想害我？我可以去邊度投訴佢地？

私人傳訊

清jojo

複式洋房

積分: 204

3^#

發表於 17-6-7 23:28 |只看該作者

回覆樓主

係病房大大聲講你既情況，真係比較離譜！你剛剛生完無耐，跟住講埋曬呢d野，都唔知邊個有問題拉

私人傳訊

Jessica_Rocus

大宅

積分: 4195

4^#

發表於 17-6-7 23:53 |只看該作者

清jojo 發表於 17-6-7 23:28
係病房大大聲講你既情況，真係比較離譜！你剛剛生完無耐，跟住講埋曬呢d野，都唔知邊個有問題拉
...

其實佢一定要了解我狀況，佢可以約我去一啲約見房單獨傾，佢一嚟就喺我病房入面咁大聲講我啲嘢，根本就有損佢職業操守，無保障我私隱，我可唔可以告佢？！

私人傳訊

aprilpolly

別墅

積分: 591

5^#

發表於 17-6-8 04:33 |只看該作者

回覆樓主：

本帖最後由 aprilpolly 於 17-6-8 04:35 編輯

可以向該醫院病人聯絡組投訴的。
個醫生咁嘅態度，一定要投訴！

私人傳訊

Jessica_Rocus

大宅

積分: 4195

6^#

發表於 17-6-8 07:12 |只看該作者

aprilpolly 發表於 17-6-8 04:33
可以向該醫院病人聯絡組投訴的。
個醫生咁嘅態度，一定要投訴！

多謝你畀資料我！

私人傳訊

violetsky

複式洋房

積分: 312

7^#

發表於 17-6-8 11:12 |只看該作者

加油。吾好比佢搞亂自己心情。注意休息。

私人傳訊

macmac2017

別墅

積分: 891

8^#

發表於 17-6-8 11:45 |只看該作者

一定要向醫院病人聯絡組投訴佢。
雖然住大房好似無私隱咁,但唔代表佢可以咁做。
d巡房醫生又係咁,大大聲講病人的病歷, 成間房的人都聽到, 根本就係因為無人出聲,佢地就肆無忌憚。

私人傳訊

bearbmama

大宅

積分: 2300

9^#

發表於 17-6-8 13:34 |只看該作者

回覆樓主：

本帖最後由 bearbmama 於 17-6-8 13:35 編輯

1.唔應該大大聲有其他人在場講，話哂叫病歷，有私隱問題。
2.佢問d問題字眼唔係用得洽當。講真，産前抑鬱好普遍，冇必要如臨大敵咁對妳，問下有咩情況妳有冇情緒上波動或低落，再俾妳講下自己情況，已經好足夠，因為之前醫生都唔係話妳嚴重。
3.講電話同其他同事講妳是非，非常唔專業，不過得罪講句，香港好多醫護人員又有幾好禮貌修養，同妳講專業操守，佢肯定係求其打份工嗰種。

以上全構成投訴必要，不過最緊要出左院先，點知d人點對妳。同埋保持心情平靜，bb最重要。呢d唔專業兼無禮貌嘅閒人，嬲都太俾面佢了。

私人傳訊

蜜菲小兔

禁止訪問

積分: 54

10^#

發表於 17-6-8 13:41 |只看該作者

提示: 作者被禁止或刪除內容自動屏蔽

私人傳訊

艾森

子爵府

積分: 11164

11^#

發表於 17-6-8 23:07 |只看該作者

回覆樓主：

本帖最後由艾森於 17-6-8 23:13 編輯

本帖最後由艾森於 17-6-8 23:09 編輯

呢個護士好過份！好無禮貌亦好唔尊重你既私穩！仲有佢到底有無專業知識？完全無了解過你產後情緒就叫你「餵奶粉啦！」
餵母乳更有效減少產後抑鬱，佢唔識又要亂up，仲要佢職責係要了解媽媽產後情緒，佢日日不停散播錯誤訊息，我都支持你向醫院/甚至醫管局反映！

研究顯示，母乳餵養有利於刺激女性激素的分泌，並且，寶寶的吸吮和與媽媽的皮膚接觸，這種親子交流和幸福感，有利於幫助媽媽完成母親這個角色的轉變，有效地減少產後抑鬱的發生。

私人傳訊