吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› 分享台北抽脂隆乳

美容扮靚今日: 7|主題: 136646

收藏本版

發帖

返回列表

跳至頁

樓主: cssmandy

2 345 6

積分: 4272

61^#

發表於 17-7-2 19:44 |只看該作者

BBG520 發表於 17-7-2 18:20
勁呀，睇到你d字就感覺好痛。

唔知係我忍得痛定生過兩件，真係唔係太痛，起碼同我想像中相差好遠！

私人傳訊

BBG520

男爵府

積分: 8627

62^#

發表於 17-7-2 20:10 |只看該作者

cssmandy 發表於 17-7-2 19:44
唔知係我忍得痛定生過兩件，真係唔係太痛，起碼同我想像中相差好遠！
...

我剛睇完同c6講佢都話你勇呀，之後佢問我係咪想做，我話怕痛咪攪

私人傳訊

cssmandy

大宅

積分: 4272

63^#

發表於 17-7-3 00:28 |只看該作者

回覆樓主

2/7 抽脂後第十四日

抽脂兩星期，不知不覺，d瘀退左大半，酸痛感同崩緊嘅情況都好得7788，我相信腫都退左大半掛！有時坐硬嘅野例如廁所板都會有d酸痛，太大太快嘅動作有時都有d扯住！

懶，無點按摩，其實拆線後每日着12個鐘緊身衣就得，不過我覺得ok唔辛苦所以除左沖涼之外我全日都着住，仲淘左條落黎替換，大佬開郎褲唔方便呀，黎M點搞？所以淘左條legging甘嘅落黎，幾好着，我比較鐘意哩條，又靚d，不過焗d！人仔200，平過診所嗰條幾倍！
我覺得腿唔係瘦左好多，老公話其實係明顯瘦左好多，只不過無抽我在意嘅馬鞍位所以我自己睇落去都係會肥！又係喎，唔講唔覺，一講就知問題所在，唉，真失策，仲要腿瘦左馬鞍就更加覺眼！唉唉唉，雖然我唔怕，亦唔太痛，不過呢，我無錢再抽！嗚嗚！着返條褲遮一遮馬鞍位應該會好d！着住緊身衣照鏡都唔太覺馬鞍位，腳係瘦嘅！
個胸呢，仲有d瘀，細過啱啱做完手術嗰陣，退腫了，唔硬喇，真係一對好柔軟嘅胸，梗係，始終植入嘅係脂肪，而家有B掛我估，我AA開，而家有哩個size都滿意，始終手術後半年先會定到個size，希望唔好細落去啦！手術後3個月先可以帶有wire或緊嘅bra，而家hea帶住運動bra先！個胸形都幾自然，係唔夠集中，遲d帶矯形bra睇下得唔得，同埋左邊嘅北半球比右邊嘅北半球脹d，我老公話一做完嗰陣佢就係甘樣同我講，嗰陣我覺得仲腫，睇唔清楚，而家睇到喇！我一向都右邊細dd，可能醫生無留意到，無幫我打多d落右邊？
我終於明白護士點解話哩個手術有好多人會做兩次，又有d blogger抽完一次好快又抽多次，原來唔係因為上癮，係想修正返第一次手術未完善嘅地方！但短時間內我都未有再做嘅打算嘅，無錢呀，問都唔敢問老公支唔支持

私人傳訊

cssmandy

大宅

積分: 4272

64^#

發表於 17-7-4 03:49 |只看該作者

回覆樓主

4/7 抽脂後第十六天

尋日無意間發現，我patpat唔知點解兩邊唔balance，一高一低一大一小，個胸大細邊又好似明顯左，已經有d失落！

今朝wechat問診所有關patpat唔balance，姑娘話醫生出國，要6號先返台灣，叫我唔好擔心，現階段仍然水腫未睇得清！個胸本身我唔係甘在意，左胸個size唔大又唔太細個感覺自然都唔錯，右邊都ok，不過兩邊胸拍埋一齊就見到明顯分別，對比上右胸唔夠飽滿，個胸形都有少少唔同甘！
唉，我就下午上網周圍睇，好多人都做兩次，有d人當減肥抽完一度又抽另一度，有d人有C都仲想上E，有d人係想做修正！有至少兩人講過個胸兩個月後會自己大返少少，真係會甘神奇？
諮詢時醫生透過姑娘話唔建議我抽環腿，因為怕我胸去唔到我理想cup數之後無脂肪做第二次，我當時無在意佢講乜，因為我着重抽脂多過隆胸，而家明白，其實唔係大細嘅問題，係修正問題！好似本木倒置左，但又好似合理，因為始終每人脂肪吸收率都唔同，因人而異！
屎忽一高一低係咩玩法？甘係咪逼我做第二次？真係要最少一個月先退晒水腫睇得清楚？丫，係咪要儲錢做多次呀？

而家半夜，心情同出面天氣一樣，落下雨又打下雷，雖然有預計唔到嘅事(pat pat唔balance)唔知點解甘出現左，不過我都係無後悔，只係覺得同醫生溝通得唔好！快d過一個月啦！

私人傳訊

curryricetasty

複式洋房

積分: 130

65^#

發表於 17-7-4 16:00 |只看該作者

cssmandy 發表於 17-7-4 03:49
4/7 抽脂後第十六天

尋日無意間發現，我patpat唔知點解兩邊唔balance，一高一低一大一小，個胸大細邊又好 ...

冇事既, 始終未定形又未消晒水腫, 唔好太擔心

私人傳訊

superya

大宅

積分: 3456

66^#

發表於 17-7-4 19:18 |只看該作者

回覆樓主：

本帖最後由 superya 於 17-7-5 17:46 編輯

本帖最後由 superya 於 17-7-5 17:46 編輯

你好勇敢

等完全康復再算啦，真係要再做、而家驚泥都冇用。比啲時間自己

私人傳訊

Snoopy_Mom

男爵府

積分: 5456

67^#

發表於 17-7-5 13:23 |只看該作者

回覆樓主:

我遲你幾日喺日本做，25/6做的, 又係自體抽脂隆乳，不過無係你咁好心機紀錄

我都想淘塑身衣，可唔可以比條link我? thanks

私人傳訊

cssmandy

大宅

積分: 4272

68^#

發表於 17-7-5 14:31 |只看該作者

curryricetasty 發表於 17-7-4 16:00
冇事既, 始終未定形又未消晒水腫, 唔好太擔心

多謝你

私人傳訊

cssmandy

大宅

積分: 4272

69^#

發表於 17-7-5 14:33 |只看該作者

superya 發表於 17-7-4 19:18
你好勇敢等完全康報再算啦，真係要再做、而家驚泥都冇用。比啲時間自己
...

多謝你，我打算暫時唔好成日理個patpat，唔好照，滿月後先再算！

私人傳訊

cssmandy

大宅

積分: 4272

70^#

發表於 17-7-8 01:01 |只看該作者

回覆樓主

7/7 抽脂後第十九日

醫生終於返左國，覆左我，話而家疤痕收縮嘅高峰期，要等術後2-3個月軟化返先睇到patpat，但當時無抽patpat位，仲預告黎緊會摸到有d地方會硬硬的！我即刻諗起我其實真係太懶，無乜按摩，會唔會出事架？其實哩兩日我都有見到兩邊patpat已經無甘唔balance，希望越來越好啦！
個胸大細邊就仍然發生緊，我係好右手嘅人，乜都用右手，又成日揹重袋揹右邊，個仔又長期訓我右邊，所以右邊吸收多d應該係正常掛？！
黎左幾日M，M巾+緊身衣搞到有d尿布疹甘，醃親，直頭想搵呀仔以前d patpat膏黎搽！今日着返開朗嗰條緊身衣，發現好鬆，legging甘，仲發揮到緊身衣功效咩？樓下街市呀姐應該好難改到窄，唉！
已經膽粗粗同老公講左想做多次，佢反應就係:"如果接到abc或xyz哩個job咪去囉！"
我再問:"如果接唔到呢？"
佢答我:"甘咪遲d先去囉！"
e..甘係咪有機呀？我老公係咪即係批准呀？嘻嘻！

私人傳訊

skye_0409

別墅

積分: 829

71^#

發表於 17-7-9 22:54 |只看該作者

回覆樓主:

樓主好勇!我都想學樓主去台灣整, 香港太貴了

私人傳訊

cssmandy

大宅

積分: 4272

72^#

發表於 17-7-14 10:57 |只看該作者

回覆樓主

14/7 抽脂後第26天

哩幾日對腳痛喎，好似扯住甘，有一下小朋友係甘意撞到我，衝力唔大嘅，但係就痛到我大叫，好似俾針吉左一下甘，然後爆左少少微絲血管，好鬼誇張，好似撞爆左我條line of weakness要火山爆發甘！相信係入面傷口癒合緊所以扯住，哩個時候應該努力按摩拉筋，但係老母親我呢就懶過鬼，係我老公有時突襲我對腳幫我按摩下，我好憎俾人掂嗰d人，又好唔受得力，唔享受俾人massage，所以就靠晒我老公，佢對肉肉手永遠都幫我按得好爽皮，不過按抽完脂嘅腳就係好鬼痛架！好喇，其實我想講，懶人靠懶人，按摩進度係慢過蝸牛嘅！多謝老公幫我按腳，每次按完等二日d瘀痕都會突然退左撻嘅！
睇返以前未做嘅相，原來都已經有少少高低patpat，只係對腳瘦左所以會突顯左我個高低pat，但大小pat以前都無嘅，希望有機會做第二次抽脂的話可以修正返！
尋日見到對腳嘅所有瘀痕都終於退晒喇！
原本大約10日就可以一日只穿12小時緊身衣，但我自虐狂，打算最少着一個月23小時啦！為左慶祝對腳退晒瘀，我啱啱就除低緊身衣換條短褲去湊小朋友返學同食早餐，打算下午去上家長班都唔着緊身衣，當作一個小解放啦！
大腿而家情況好搞笑，將小腿分開上中下三份的話，中及下係瘦左嘅，上就係仍然痴埋嘅，即係企直合腳的話，會見到中下位留左條隙嘅，但上就...仲係痴埋囉！今日除左緊身衣行路，上係仲會動L嘅！
至於個胸，左胸仍然大過右胸嘅，就算着左衫都睇得出，雙手抖住胸就最feel到，差半個cup吧？右胸仲有瘀痕！仍然係希望個胸唔好再細落去啦！好想快d去買bra！
近日勁食，之前減肥成功嘅我食野學到好節制，但近日唔減得，減左會無胸，又要養住個胸，唔知係咪真係養到，不過試下先，最多遲d減返肥！

第一張企歪左少少所以有d大細腳假象，主要係大腿根痴埋一齊同我座馬(emoji)山好奇凸。另一張就睇到3份嘅最上嗰份有幾唔合群地有d肥肉吱左出黎！

私人傳訊

cssmandy

大宅

積分: 4272

73^#

發表於 17-7-14 11:03 |只看該作者

回覆樓主

近日同過d做過自體脂肪隆乳嘅jm傾計，更加覺得揀醫生好重要，亦都好困難，究竟點先係好醫生？出名就好？多人搵佢做就好？
我之前諗過搵某出名醫師，但見到佢話無論幾瘦都適合做自體脂肪隆乳，有common sense嘅都知啦，要抽幾多個部位先夠脂訪做呢？唔係應該係抽走多餘脂訪去整架咩？我上網搵答案，然後搵到嘅係唔應該嘅，好多專家及醫生亦都唔認同！各執一詞時，我就用自己理性分析，直接DQ左佢！
又有諗過搵喺各個forum主要hk jm都搵嘅某醫師，之前睇醫師嘅blog同jm喺forum嘅回覆，話佢收得平，又打好多落胸，所以大家好鐘意搵佢，我一聽到佢打400ml落一邊胸，我呆左，抽幾多就可以打幾多落去？最後淨低成為真正胸部嘅唔多，由A打到E最後都係得返B！我有d懷疑個做法，又上網搵答案！原來專家建議每邊打100-200ml架咋，甘先可以令打入去嘅脂肪生存到，同打太多入去會增加左鈣化風險！我就放棄搵佢！直至前排同一個jm傾開，佢嗰陣情況好慘，做完入面發炎，又好多鈣化令到個胸好多粒粒，我聽完佢講個價錢同埋打入去ml數就8掛問下係咪哩個醫生，原來真係佢！佢話佢識人做完無大過仲搞到成胸粒粒，好慘，唔知邊個醫生做！
其實而家我都未睇到我個醫師好唔好，我send相去網路諮詢時對方已經話我抽兩part，我話想環抽，佢就話一次升唔到上C所以可能要分兩次，如果我環抽就會唔夠脂肪做第二次，去到再俾醫生評估下！當時我無乜為意，心諗，我腰都大把脂肪啦！到做完發現我最介意嘅馬(emoji)肉仲係馬(emoji)山甘，我就有d後悔做乜自己無好好同醫生講我最介意馬(emoji)位！以原則黎講，應該以抽脂為先，填補胸為後！甘醫生係咪應該幫我抽環腿然後唔好理我胸去唔去到C呢？但醫生立場係寧願分兩次做到腿又瘦，胸有C！甘究竟應以原則行先，定係美感/顧客要求行先呢？當然，醫生分兩次抽就收兩次錢，哩樣一定係真！

私人傳訊

ms.rainbow

大宅

積分: 1632

74^#

發表於 17-7-14 22:31 |只看該作者

cssmandy 發表於 17-7-14 11:03
近日同過d做過自體脂肪隆乳嘅jm傾計，更加覺得揀醫生好重要，亦都好困難，究竟點先係好醫生？出名就好？多 ...

做第2次時，醫生會唔會收平啲？我見到有啲醫生會係咁

私人傳訊

cssmandy

大宅

積分: 4272

75^#

發表於 17-7-14 23:02 |只看該作者

ms.rainbow 發表於 17-7-14 22:31
做第2次時，醫生會唔會收平啲？我見到有啲醫生會係咁

我問左喇，佢話會有拆扣！

私人傳訊

ling6236

男爵府

積分: 6045

76^#

發表於 17-7-16 17:15 |只看該作者

回覆樓主

好勇！我老公一定唔會比我咁做！

私人傳訊

唔係怪獸

伯爵府

積分: 15926

77^#

發表於 17-7-16 20:33 |只看該作者

回覆樓主

祝福你，好勇敢

沒有得到本人字面上允許，文字傳媒不許引用／摘錄／轉載本人任何留言，以作報導或任何其他用途。

私人傳訊

cssmandy

大宅

積分: 4272

78^#

發表於 17-7-25 15:41 |只看該作者

回覆樓主

25/7 抽脂後1m7d

甘就抽完個幾月喇，原本諗住滿月分享下，不過病左又忙，拖到今日！
醫生話緊身衣着一個月，我覺得唔夠，打算着最少兩個月！滿月前開始無24小時着住，出街或間中訓覺就抖下唔着，發現如果一段時間唔着會痛，係酸痛！內裏疤痕組織扯住吧？着左緊身褲就係揼落去先會痛！好懶無按摩，暫時無凹凸不平，好好彩！
個胸好似穩定左無點再細落去，攞返d舊bra出黎唔啱帶，但兩邊胸都仍然大細邊！
早個星期又熱又濕，成日着住緊身衣，太焗，焗到妹妹都有少少異味，要勤換護墊，大家真係最好唔好夏天抽脂，留返冬天穩陣，又唔怕緊身衣焗，康復期完左可以直接享受夏天嘅短衫短褲！

私人傳訊