吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 爸住開政府老人院,突然問我轉護養院,要轉嗎? ...

醫護健康今日: 0|主題: 7304

收藏本版

發帖

返回列表

跳至頁

查看: 8448 | 回覆: 15

[長者] 爸住開政府老人院,突然問我轉護養院,要轉嗎? [複製鏈接]

瑪利2006

子爵府

積分: 11349

1^#

發表於 17-6-27 11:48 |只看該作者 |倒序瀏覽 |打印

爸爸住開東華三院的安老院
有腦退化
高血壓糖尿柏金遜
要長期卧床
要綁手腳要餵食。
因刚要出院;住院了十天。系尿道炎
治療期間E生多次要求要幫爸插胃喉
我們反對。因未病前爸爸食得很好食很多食糊餐。
現在將要出院
突然問家人轉不轉護養院
系咪有特別用意?

0 0 0

私人傳訊

Rowena

大宅

積分: 3926

2^#

發表於 17-6-27 12:24 |只看該作者

瑪利2006 發表於 17-6-27 11:48
爸爸住開東華三院的安老院
有腦退化
高血壓糖尿柏金遜

意思應該明顯: 他們提供不到你爸需要的照顧! 不過，他現在住的是叫"安老院"，有冇類似你爸的住客?又或問，他們的牌是否只是"老人院"? 如果是，他們實在冇能力/資源、儀器，照顧你爸爸。

私人傳訊

caca8j

公爵府

積分: 28537

認識瑞士牛牛第二回認識瑞士牛牛第一回 BK Milk勳章 hashtag影視迷勳章畀面勳章

3^#

發表於 17-6-27 12:29 |只看該作者

照理如果申請人一開始就長期卧床,
政府係安排排護養院的,
設備人手更切合佢需要

花花真美好!

私人傳訊

瑪利2006

子爵府

積分: 11349

4^#

發表於 17-6-27 12:50 |只看該作者

知不知慈氏護理院好嗎?
有無人俾到資料我?

私人傳訊

Rowena

大宅

積分: 3926

5^#

發表於 17-6-27 13:29 |只看該作者

瑪利2006 發表於 17-6-27 12:50
知不知慈氏護理院好嗎?
有無人俾到資料我?

慈氏護養院，是名牌! 應該好好。

私人傳訊

瑪利2006

子爵府

積分: 11349

6^#

發表於 17-6-27 16:44 |只看該作者

最初入住的時候，系好人好姐，
住下住下
才變成這樣的。

私人傳訊

ET19

大宅

積分: 3841

7^#

發表於 17-6-28 07:14 |只看該作者

瑪利2006 發表於 17-6-27 11:48
爸爸住開東華三院的安老院
有腦退化
高血壓糖尿柏金遜

係住緊安老院，定護理安老院？
妳問得慈氏，轉院係東華問，定醫院問

私人傳訊

ET19

大宅

積分: 3841

8^#

發表於 17-6-28 09:19 |只看該作者

請問醫生係咩原因建議插胃喉? 係有證據顯示長者吞唔到，抑或長者唔肯食?
咁妳們反對插胃喉，係咪已十分了解長者會吸收唔到，會脫水，會有吸入性肺炎?
長者返到安老院後，妳們打算自己家人去餵食? 抑或都係叫職員餵? 如長者有哽塞有發燒妳們接受到嗎? 有無自己試過餵? 難唔難餵? 要幾耐?
好人好姐入去住，住左幾耐?
妳們明白認知障礙症加埋柏金遜症去到晚期會點嗎?

我唔係要批判人，只係字裡行間睇得出妳同間院的信任度好低，妳覺得佢地跣妳。

老人院分3級，安老院(HE) 護理安老院(C&AH) 護養院(NH)，3者的人手比例都好唔同。
一貫做法，當長者情況轉差，會為佢地申請高一級程度的院舍，講緊的人手比例唔止護理員，係連登記護士、註冊護士、治療師等等的人手比例都高好多。
妳講的慈氏，屬於NH/ infirm unit (IU) 的一部份，IU 係醫管局轄下的護養院，有部份復康醫院都有少數床位。當要輪候更高度照顧的時候，都係好似安老院咁，可以揀區，但只可以揀香港島/九龍/新界，三選一。

由於土地問題，要轉高一級院舍，都係鬥長命，但如果一間有70個位的HE，有超過10個去到NH level，唔講果D去到C&AH level好了。長者未輪到間院都好大鑊。
所以政府推出療養補助金(ICS)，為HE或C&AH 入面，達到NH程度的長者，按人頭比返津貼間院，以增加人手，在輪候期間去照顧呢堆人。

咁下一個問題應該到，排到咁係咪要走?
唔一定，我間院有D排到但reject的，好多原因，我唔會諗佢地覺得我間院好唔好，可能長者住左十幾年費事轉，或者派到的地方唔方便探之類掛。

咁點解可以唔轉的，又話間院照顧唔到?
部份HE同C&AH 亦都申請左轉型為COC ，提供持續照顧的安老院舍，妳家人果間係唔係，東華網一定有。 COC 即係，長者即使去到NH 程度，但間院的配套在有津助下已經可以照顧到長者終老。

建議妳同間院溝通下，人地唔係要趕妳走，只係行政上係人都想自己間院人手充裕少少。

講返晚期柏金遜加認知障礙症，我見到的個案都係會個人變到好僵硬，郁唔到，失去進食能力及溝通能力，手腳縮埋一舊，係每日拉筋都無用。佢地的倒退唔係緩慢咁走下坡的，係好似好平穩的時間突然跌一大級咁差落去。
都有唔少家人會拒絕插喉的，但我話妳知，妳要有好充足的心理準備。我試過喊住餵一個以前好frd的長者的時候，係每餐數住餵到幾多啖，每一次佢choking，係噴射式咁噴出黎，隔一陣再餵幾啖，再噴。她好爭氣，一直無發燒，果時佢仲識講我要食，但每餐我地餵十零啖係講緊9個字食十零啖。但過左一星期，她連咳同噴出黎都無力做。好老實，我好想她可以走。

點評

yumui61

發表於 17-6-30 23:35

私人傳訊

puilam1234

大宅

積分: 1089

9^#

發表於 17-6-29 12:05 |只看該作者

ET19 發表於 17-6-28 09:19
請問醫生係咩原因建議插胃喉? 係有證據顯示長者吞唔到，抑或長者唔肯食?
咁妳們反對插胃喉，係咪已十分了 ...

最後個老人食唔到野，要點處理? 現在患腦退化症的媽媽都食好少。好似唔識食野咁，只顧著睡。

私人傳訊

ET19

大宅

積分: 3841

10^#

發表於 17-6-30 09:14 |只看該作者

puilam1234 發表於 17-6-29 12:05
最後個老人食唔到野，要點處理? 現在患腦退化症的媽媽都食好少。好似唔識食野咁，只顧著睡。
...

先講清楚一件事，我未見過長者死於認知障礙症或柏金遜症的。都係器官衰竭，心臟病、中風爆血管之類咁走的。
我會建議妳先搞掂渴睡呢樣野，睇下長者用緊的藥物，有無精神科類的藥物，有無收鼻水或止敏感會令佢眼瞓的藥物? D藥係邊科覆診醫生開的?有無精神科的覆診? 妳們有無一齊見醫生講下長者的情況? 長者食好少，唯持左幾耐，呢段期間有無每個星期磅一次重紀錄返她食得少引致的體重變化? 長者食得少，有無紀錄I/O (出入量)。

藥物之外就係生活習慣了，無論住院舍定屋企，有無每日日間坐出黎，去下窗邊晒下太陽? 日間有無活動比佢? 定就咁望住個電視?

好了，搞掂藥物同生活習慣後，除非dementia到有D可以瞓足3日醒足3日不停輪迴果D之外(但果D先係最食到野)，就到機能問題，有無肺炎紀錄? 有無曾見過ST 評估過進食情況?

果個老人家之後入左院，呢段時間社工同屋企人傾睇下咩原因唔插喉，但原來係家人驚買奶買喉之類的會使錢，佢講到明長者份綜援要每個月有剩佢會拎，同埋講明佢唔會黎餵，出事佢會告院舍，之後有同事講比佢知長期落奶的會減返餐膳費，大概每盒奶幾錢每條喉幾錢，有D咩佢可以叫醫生簽比佢申請claim。好快個長者就插左喉回來。

私人傳訊

sanmay

大宅

積分: 1684

11^#

發表於 17-7-1 13:38 |只看該作者

做人仔女見親人走到盡頭、見她受苦又幫佢唔到、真係好難受及無奈、人生老病死係必然、但願他／她們一路好走、到晚年唔駛受痛苦及節磨就好喇！因我最身同感受、中風兩年長期臥床的媽媽、到最後一星期已食唔到野、ｅ生問我同唔同意她插喉嗎？但年紀大都有風險及拼發症、見她咁辛苦、我都唔同意、等她安詳走埋最後一程、兩日後我媽走了、係好唔舍得、希望她去到一個開心快樂的天國。

私人傳訊