吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 對住你真係好唔開心......離婚啦......好嗎？ ...

夫婦情感今日: 8|主題: 42454

收藏本版

發帖

返回列表

跳至頁

查看: 7027 | 回覆: 25

對住你真係好唔開心......離婚啦......好嗎？ [複製鏈接]

bunnymami

別墅

積分: 711

1^#

發表於 09-2-4 10:02 |只看該作者 |正序瀏覽 |打印

同你結左婚10年，你的性格脾氣一丁點都唔肯改變，我就足你10年，仲要忍埋你個大6呀媽，都算，我都係想大家開心。

但自從小朋友出世，我做左full time媽咪，我覺得你越來越唔體諒我，心情好咪話錫我囉，但大部份時間都係話我，怪我!!! d細路唔食飯，就怪我煮得唔好，好似你之前都話我煮野好食架？點解會突然又話我煮得唔好？

小朋友病，又話我冷親佢!! 唔通我真係想佢地死咩？佢地病，我都好心痛架!

你只會話我成日黑口黑面，你有幫我take care過d細路咩？要照顧佢地我已經好大壓力，你仲下下挑剔我，你自己放工就只係識得對實個電腦同hi-fi，你有幫過我，你有去親子咩？ d細路喊，你就無耐性，發惡鬧佢地，o係你眼中就只有你呀媽，你呀媽咩都o岩，咩都好，咁你咪同你呀媽過埋下半世囉!

既然我做咩你都否定，咩都唔o岩你睇，大家一齊真係好無意思，你又成日怪我唔想同你"咩咩"，哼，我對住你真係咩都唔想咩呀!

我真係唔想再同你一齊，我唔提出離婚唔係我唔捨得，你已經令我一d都唔愛你喇，我只係怕影響d細路，同埋係更怕我日後無錢生活咋!

我一見到你，我真係點都笑唔出喇，你出trip我會好開心，因為唔使對住你，同你一齊生活，我好大壓力呀，o係旁人眼中，我係好似好幸福，但又有邊個知道我係一d都唔開心呢，你係永遠連一個比我同你好好傾下o既機會都無，我唔係未試過呀，你應該記得你當時係點對我啦，我求你跪你都唔肯同我傾，只係識得死口話無野，無野好傾，兩公婆係咁樣架咩？係你自己唔願意傾，係你封殺我地o既關係咋。

我真係已經對你一d感覺都無，我甚至連憎你o既感覺都無，我只係想從此唔好再比我見到你同你老母咋。

0 0 0

私人傳訊

maywei

伯爵府

積分: 18684

好媽媽勳章

26^#

發表於 09-2-11 16:33 |只看該作者

原帖由 HangPig 於 09-2-9 01:36 發表
既然樓主你已經到了"哀莫大於心死"這地步,我是你就會將心中所有不快,一次過數比佢知,等佢死都死得眼閉

我都試過同c6講, 但係不久, 佢又"重操古技", 真係不思長進, 最慘係佢都死口話無, 聲又大, 都唔知幾討厭.

私人傳訊

HangPig

別墅

積分: 517

25^#

發表於 09-2-9 01:36 |只看該作者

既然樓主你已經到了"哀莫大於心死"這地步,我是你就會將心中所有不快,一次過數比佢知,等佢死都死得眼閉

私人傳訊

OneTwoThree

男爵府

積分: 5598

24^#

發表於 09-2-8 00:11 |只看該作者

樓主,

我有d情況都同你相似, 年初二我先同c6吵大鑊, 佢話我臨過年先將d野堆埋一日做, 又怪我做到無時間同佢去行年宵, 我話 : 你可以問個仔, 我做屋企野(執屋、清潔、貼揮春、買野過年)做足3日, 你有無幫過我做, 年廿九個仔流鼻水你只埋怨個仔臨過年先嚟病, 到年三十個仔咳得好犀利, 你都唔會起身睇個仔, 我晨早9點同佢see doctor, 返上來仲要整早餐個仔食, 然後再攪清潔, 抹鐵習, 擺全盒, 貼揮春, 忙到下晝3點都未食飯, 你只是瞓到成10點幾起身食早餐, 睇報紙, 見你咁得閒叫你入利是你就黑面, 入完就去瞓到成3點幾無同我講過一句野就出左去姑奶度食團年飯, 你只識得怨個仔病, 佢想病既咩? 你話我d野埋堆一日做, 我做足3日你都無幫過我, 仲怨我累你無得行年宵, 你為個屋企做過d乜? 我真係好直接同佢講 : 就算我離婚拎綜援都好過對住你, 你正一廢柴!! 然後我連續3次同佢講要離婚, 佢都無出聲, 跟住佢就閂左門出左去, d男人只會覺得女人係屋企做乜都要最好, 但佢地又只是冷眼旁觀狠狠地批評你這做得不足、那做得不夠好, 我都唔知自己可以為個仔忍到幾時

私人傳訊

BERRYTOTO

大宅

積分: 1168

23^#

發表於 09-2-6 16:22 |只看該作者

真係同道中人～鬧佢又嘥氣講佢又唔明！嬲佢佢又唔知～勞民傷財～有時括出去～佢好似得自己返工，我唔駛返工咩老細～咪又係要做哂～佢都係坐係屋企上網打機，我咪當湊多個大仔law,有時兩公婆越係去計交大家出幾多，會好唔開心架～不如諗下有咩可以另自己去開心仲好啦～我就一定keep住自己生活law,整指甲。做facial。我宜家都睇住一個三歲一個岩岩出世妹妹～中間lee d 時間的哂佢地訓，自己有 3-4個鐘玩下，我都覺得好開心好舒服，我老公就係個cam睇住我,仲講你都幾得閒成日上網,可唔可以同老公msn呀，我同老公msn多，我都唔打比我老公架。佢自己打黎炸～安排下自己時間同生活，我估樓主太無自己時間啦～

原帖由 毛豆豆 於 09-2-6 09:36 發表
無錯，　我同你一樣，咩都習慣一個人去做，甚至電器壞，之前搬屋執野都係自己攪，　其實覺得佢地簡直係費人黎。我同你都係EQ好高，D FRIEND 都服佐我，甚至佢發癲的時候都不理會佢，因為你同佢駁會更加癲。

...

[ 本帖最後由 BERRYTOTO 於 09-2-6 16:24 編輯 ]

私人傳訊

毛豆豆

大宅

積分: 1023

22^#

發表於 09-2-6 09:36 |只看該作者

無錯，　我同你一樣，咩都習慣一個人去做，甚至電器壞，之前搬屋執野都係自己攪，　其實覺得佢地簡直係費人黎。我同你都係EQ好高，D FRIEND 都服佐我，甚至佢發癲的時候都不理會佢，因為你同佢駁會更加癲。

原帖由 BERRYTOTO 於 09-2-6 00:45 發表
其實真係好多男人都係一樣，我都係咩都習慣一個人去做哂，我老公好似大仔跟住個媽去邊就去邊，平日我老公就周圍飛去做野，我就覺得好開心，睇你點睇啦，可能我EQ高掛我又無怪佢，我既情況係去到賣左樓再搬埋屋，我老公無去幫手同插手 ...

私人傳訊

BERRYTOTO

大宅

積分: 1168

21^#

發表於 09-2-6 00:45 |只看該作者

其實真係好多男人都係一樣，我都係咩都習慣一個人去做哂，我老公好似大仔跟住個媽去邊就去邊，平日我老公就周圍飛去做野，我就覺得好開心，睇你點睇啦，可能我EQ高掛我又無怪佢，我既情況係去到賣左樓再搬埋屋，我老公無去幫手同插手亦無問，係番到hk問我老婆你搬左去邊，然後去到樓下就打黎邊座邊層咩室，生仔生女都係通知佢我入院啦！你返黎未～不過佢未去到夠膽彈我law～
所以真係要睇下大家點睇law,凡事睇開Ｄ會唔會好Ｄ呢～我個人見解～我都希望大家都過得開心同快樂～

私人傳訊

carrie_1102

伯爵府

積分: 19211

20^#

發表於 09-2-6 00:06 |只看該作者

所以話,其實個個男人都係賤人~

當我地d女人烚下烚下,成日嫌三嫌四..叫佢地生bb,叫佢地做返d女人做既野囉~:;pppp: :;pppp: :;pppp: 不過我從來都唔會聽我老公講野架喎~我會同佢抗戰到底既!!!

私人傳訊

QKQKQK

複式洋房

積分: 252

19^#

發表於 09-2-5 21:48 |只看該作者

d男人就係咁, 好o既時候就氹下你, 顛起上黎, 就痴痴地!

私人傳訊

rachelpuipui

別墅

積分: 833

18^#

發表於 09-2-5 20:13 |只看該作者

既然處得佢死罪,都要比佢知道自己衰咩, 等佢死都死得眼閉~!

又向好既方面諗丫,可能佢一直都唔知自己衰咩,一次過講哂出黎,可以佢會改呢

私人傳訊

~仔仔媽咪~

水晶宮

積分: 51912

17^#

發表於 09-2-5 18:15 |只看該作者

原帖由 premum2006 於 09-2-4 12:34 發表
既然已死心同打定最壞打算
不如大大咁攤一次牌
將一切感覺同決定講哂出嚟
大家都得個明白吖

同意.既然自己個心都已經有最壞既打算(離婚),倒不如大膽地同佢嘈一鑊講哂你依家講既野,話唔定就咁鬧醒佢都未定,鬧唔醒既至諗離婚都未遲.

有時對住男人唔可以下下都係咁低聲下氣架!你越係就佢越係唔清清楚楚咁同佢講番你既感受,佢地永遠都係犯賤係咁挑戰你底線.

我隻佬都係咁啦,岩岩嗰個聖誕節前夕,我都係因為我老公又黎無啦啦發癲掟野掟凳咁發好大脾氣鬧仔,仲爆粗添!我直頭指住佢個頭問佢:"你癲完未?"之後一野趕埋佢出門口,佢走嗰陣仲好潚洒懶係型,番黎都係扮哂無事發生咁大支野攞房鎖匙開我房門入黎同我瞓...又唔願同我傾番呢個問題,我嗰幾日直頭當佢透明,之後佢唔夠一個星期又黎發癲,我原先約咗佢同個仔去買新衫,我都叫佢唔好同我地兩仔乸一齊去,費時佢又勞氣'教仔'啦,過咗幾日佢都係唔願同我傾,我至叫佢入房閂埋門話佢,叫做似番個爸爸要身教,我老公一路都逃避我呢個話題,唔肯傾,跟住我直頭講到明話我想離婚,我話佢再係咁樣發癲,我一定會拉埋個仔走,唔會番黎.我老公至知驚肯同我傾,當然佢有佢一大堆籍口去辯護自己(又係話個仔曳,講真個仔只係自己搵野搵到ee un un無搞到佢)...我亦好坦白地一一推翻佢既籍口,佢係無聲出架.因為佢自己都知自己嗰D係籍口黎.

同佢講明咗我既立場,之後咪由佢自己執生囉!暫時到依家我老公都無再發癲,正常番,做番一個好老公好爸爸,雖則我預咗呢樣情況唔會維持得好耐,佢好快又會無啦啦發癲,但至少佢唔會越黎越放肆,自己D脾氣唔好好控制下,任性地唔理身邊人感受,自己鐘意癲就發癲囉!

私人傳訊

毛豆豆

大宅

積分: 1023

16^#

發表於 09-2-5 17:37 |只看該作者

你講嘅野真係心同感受，佢地做mug都可以彈.......,成日話我懶，我真係唔知點先係好，放工買餸返屋企煮飯、洗衫同ｄ女沖涼、放假執屋，甘都株多不滿，我地ｄ女人真係好無奈，自己又唔做野，只係黑口黑面，　旁人見到我係覺得perfect 100分，　但係呢ｄ男人真係身在褔中不知褔，幾多人都唔煮飯日日食飯盒。　

原帖由 happypiano 於 09-2-4 10:28 發表
好明白你既感受, 因我老公都係咁的. 我做mug, 做到加零一, 佢都係要彈的. mug都可以彈.......

係年三十那天, 我對住佢喊, 我話佢, 我話佢, 係佢眼中, 全世界既人都好, 唯獨是我, mug都唔好. 佢亞媽會幫, 仔女會幫 ...

私人傳訊

666wing

男爵府

積分: 9025

畀面勳章

15^#

發表於 09-2-5 17:24 |只看該作者

何苦呢

私人傳訊

carmankm

複式洋房

積分: 311

14^#

發表於 09-2-5 16:23 |只看該作者

都唔明點解d男人個個都咁大男人(根據以上各媽咪的留言), d男人個個都係要面子多過老婆仔女, 我個佬一樣,番到屋企做大爺, 仲要成日講男女平等,但永冇平等過

私人傳訊

casllsac 該用戶已被刪除

13^#

發表於 09-2-4 20:16 |只看該作者

提示: 作者被禁止或刪除內容自動屏蔽

私人傳訊

vet

水晶宮

積分: 52901

好媽媽勳章畀面勳章

12^#

發表於 09-2-4 18:04 |只看該作者

做女人真無奈

尤其冇工作冇收入
係要受氣d

私人傳訊

ltdcorp

大宅

積分: 1523

11^#

發表於 09-2-4 16:24 |只看該作者

其實你的情況跟我差不多, 尤其是我沒有返工後, 有時我還會覺得我做任何事, 他都覺得唔好, 唔夠好. 我要照顧兩位小朋友, 其中有一個要特別多些照顧的. 但老公有意無意間都會對我的做法不滿, 另到我好唔開心, 又覺得佢唔體諒我, 我覺得我老公是一個好大男人, 好要面子的男仕, 佢有任何的唔高興都會發洩在我身上, 每次他發發洩時, 我都不會作聲, 只會唔開心, 甚至黑面, 每當他過氣後就會錫返我, 經常都是這樣.

我在想 - 其實要兩個不同生活習慣的人住在一起, 共同生活和生小朋友, 不是一件容易的事, 真的要大家包容和引耐, 我唔知道誰付出的多, 每當我唔高興時, 我會同另外的親人講, 講完後, 自己就會舒服了. 你可以用其他方法另自己舒服D. 有時我都會找時間同老公說我們的問題, 但都要好小心說出來和找適當時間. 但多數侉都會說佢知佢的脾氣唔好, 好多時都會找了我來出氣, 而對我說對不起.

但我真的好想對老公說 - 為什麼有些人脾氣大, 有些人脾氣少, 而你有沒有反省自己的脾氣啦! 可惜我沒有說過, 因我知如我這樣說, 他已接受不到了.

原帖由 bunnymami 於 09-2-4 10:02 發表
同你結左婚10年，你的性格脾氣一丁點都唔肯改變，我就足你10年，仲要忍埋你個大6呀媽，都算，我都係想大家開心。

但自從小朋友出世，我做左full time媽咪，我覺得你越來越唔體諒我，心情好咪話錫我囉，但大部份時間都係話我，怪我!!! d ...

私人傳訊

mybabylove

伯爵府

積分: 16635

10^#

發表於 09-2-4 15:59 |只看該作者

我老公成日都話我乜都唔做，又唔返工，問我想點，我只係答佢︰「咁你養唔養我同個仔呀！」

記得新年有屋企人過黎我屋企，我話煮飯食，佢第一句問係邊個煮，我話我煮，佢竟然話算啦，都係出去食好d。

都唔明d男人架，女人做好d又"炎3炎4"，唔做又話唔做，自己重要唔係點理個仔，要個老婆叫先肯理下個仔。

係！老公返工辛苦，咁個老婆做家務就唔辛苦架咩？試下佢做家務、湊仔、教功課呀，個老婆返工呀，睇下會點。

[ 本帖最後由 mybabylove 於 09-2-4 16:01 編輯 ]

私人傳訊