第一次的家族旅行,同老爺奶奶,老公,4歲的囡囡一起去玩,因為有老有嫩,我們選擇包車2天,住就book了西門町的民宿,有3間房的,等大家都有自己空間
Day 1, 等囡囡放學,我們坐的士去機場,坐4點機,但delay了半小時,去到民宿都8點幾了,民宿是樓中樓設計,有2間房上下重疊,有一間房是在房子外面,似兩間屋咁,我一去到覺得有d怪,上網book時不知是這樣的,囡囡就好開心行樓梯上房。第一天沒行程,食過晚餐,行下西門町完結!晚飯在大車輪火車壽司,小朋友看住火車轉又轉,確實開心,但味道一般般啦,應該沒下次!
Day 2, 兒童新樂園,北投浸温泉,士林夜市
早上10點,包車司機來接我們,先出發去兒童新樂園玩,我囡唔喜歡玩機動遊戲,喜歡玩公園旁的沙池,就咁都玩了1hr, 之後入去佢地個波波池,是免費的,玩得好開心!中午食飯,司機車我們去一間台灣菜館,掛住食連名都沒看,味道ok的。之後入北投,行下圖書館,司機哥哥送了隻公仔比囡囡,開心c佢,行行下,開始有雨粉,我們就去浸温泉,本身想去川湯,司機哥哥介紹皇池,我們又試下啦,浸完仍未餓,我們去士林找嘢食,行街街
Day 3 基隆海洋博覽館,十份放天燈
本身是想去9份十份猴硐貓村,但天下著雨,又大風,我們决定改行程去室內,去了基隆海洋博覽館,我覺得好玩,下雨時的好去處,那裡有個playroom, 小朋友玩得好開心,老人家行下看下,都幾喜歡 ,到我們食埋午餐,雨仍幾大,我們都唔知可以去邊好,任由司機車我們去玩,去了黃金瀑布,陰陽海,司機下車同我們講解景點,拍照。他好好人,下著雨我沒想過叫佢倍我們下車吹風,濕鬼晒,佢好照顧老人家。之後我們去到9份,仍是横風横雨,我們沒下車,只在遠景影張相算,司機笑我們邊度都唔想去><, 我囡好想去貓村,因為佢好喜歡貓,但天氣太差,我們去不了,到十份時天氣好了點,我們照原定去放天燈。第一次放,好有新鮮感,同囡囡一起畫,寫名,正!