Baby Kingdom - 親子王國 香港 討論區 › 首頁 › 夫婦情感› 唔肯結婚

夫婦情感

收藏本版
發帖
返回列表
跳至頁

首頁
12345...6

尾頁
   0
alik


公爵府

積分: 25507


21#
發表於 09-3-4 22:37 |只看該作者
要嫁得咁委屈, 貼晒錢求人都唔肯, 做咩要嫁佢? 亦證明佢係推搪你, 或者真係好似haha_13咁講你唔係佢杯茶(有d人同女友分手後識新女友, 唔使兩年就即刻結婚喇).

如果你以結婚為目標, 浪費你3年唔係好多, 唔好諗咁多, 唔好問邊個對邊個錯. 佢而家同你講實情佢唔會結婚, 好過十年後先同你講丫.

如果一個男人係好愛你, 想同你組織家庭既, 會自動自覺提出同你結婚, 仲會唔止一次提出, 唔一定要自己提出對方先識為呢樣嘢打算.

同埋, 你同有機會發展既人, 唔好一開始就同人講要以結婚做目標, 真係好嚇人. 人地都未了解清楚對方, 就同人咁講, 同你一齊既一係一開始就敷衍你, 一係就俾你嚇走, 你到頭來咩都無.
私人傳訊

SimSim媽咪


大宅

積分: 1906

好媽媽勳章 醒目開學勳章 畀面勳章 環保接龍勳章 BK Milk勳章


22#
發表於 09-3-4 23:13 |只看該作者
女人青春有限, 我是單親媽咪, 而家有一個男朋友,
佢好想同我結婚, 反而因為我已試過, 唔再相信婚姻,
所以唔係好想結.
私人傳訊

NicoleTszChing


大宅

積分: 2333


23#
發表於 09-3-5 01:22 |只看該作者
你男朋友幾大呀?
真係有d男人好怕結婚,怕比人縛住.
或者佢都仲未玩夠呢,
就算呢一刻比你嫁到佢又點呢?
始終唔係你情我願,呢後婚姻又點會長久??

況且你都係26歲o者,
仲只係拍得3年拖,
而家清楚知道佢係一個咩人仲好啦!

而且有時有d野係唔可以用時間去衡量.
唔係話拍得耐拖到最後一定可以開花結果.

我以前都有個男朋友拍左4年拖,
同居左3年,雖然大家最初都曾經視對方為結婚對象,
但唔知點解,到最後我對佢o既感覺越o黎越淡.
諗深一層,覺得同佢結婚,佢係比唔到幸福o既感覺我~

之後我識左我老公,做左年幾朋友,
真正拍拖只係短短個多月,
跟住就有左而決定結婚!


原帖由 mimi26 於 09-3-4 20:30 發表
佢今日講明佢係唔中意結婚個d人,以後都唔會結,就算要都要等佢發板我冇得出聲,佢一直講草錢又呢樣又個樣,其實一直都係耍我晒我時間

我唔係好年輕我已到識婚年齡,今年26,來自破碎家庭是真的 ...
私人傳訊

kahei_mam@yahoo


大宅

積分: 3408


24#
發表於 09-3-5 02:52 |只看該作者
男人唔要結婚,就算畀係迫上花橋,
到最後婚姻上發生左問題
男方只會話:[你話結婚,有問題我唔會負責任];
或者如有第三者:[當初我都無話結婚,係你迫我]
講盡無良心的話

就算無大事發生,家務,家用,
你想都唔好想佢會分擔

樓主你最好問下自己係唔係無左佢唔得
如果唔係,最好早d落車,上個另一嫁巴士

仲有如果個男人係愛你,你唔出聲,佢都會同你結婚
我有個朋友同你一樣,但私底下佢bf同我講唔會結婚
因為現在只是玩玩下,仲有覺得我朋友唔係真係好愛佢
只係為結婚而結婚,就算新郎唔係佢都可以

又好似我老公咁,
有個拍左拖十幾年的女友都無結婚,
但同我一齊兩個月就同我求婚,
我都有問過佢點解,
佢都話無得解

私人傳訊

reego


伯爵府

積分: 18035

2024勳章 育兒性格勳章 好媽媽勳章 醒目開學勳章 畀面勳章


25#
發表於 09-3-5 08:01 |只看該作者
迫得到也未必好！
女人青春有限，你將一把心機放係頭家度，都想希望達到有個屬於自己的家，但估不到呢個男人一拖再拖，佢都表態唔想結婚，比唔到承諾你，早離開吧！
大帽山下某條村落黃色的小屋，住有羊爸爸ammy、羊媽媽sandy、羊哥哥reego、羊細佬ricky！
私人傳訊

OJ=A


大宅

積分: 3605


26#
發表於 09-3-5 08:13 |只看該作者
原帖由 kahei_mam@yahoo 於 09-3-5 02:52 發表
男人唔要結婚,就算畀係迫上花橋,
到最後婚姻上發生左問題
男方只會話:[你話結婚,有問題我唔會負責任];
或者如有第三者:[當初我都無話結婚,係你迫我]
講盡無良心的話

就算無大事發生,家務,家用,
你想都唔好想佢會分 ...

agree
我老公都是同我一個月就話結婚(嚇死我, 我是一個不想結婚的女性), 之後我們同居了一年半先結婚. 佢之前都有拍拖但從未想過結婚la. 所以, 樓主, 我可以好肯定說, 你不是你bf杯茶!

[ 本帖最後由 OJ=A 於 09-3-5 18:35 編輯 ]

私人傳訊

lovelykitty


珍珠宮

積分: 42968


27#
發表於 09-3-5 10:15 |只看該作者
樓主,
人就係咁..您愈迫佢..只會愈反抗!

依家好明顯..您同佢既想法都完全唔同!
既然您係堅持要結婚既人...
又覺得青春有限!!!
就應該分開啦..再嘈落去都唔會有結果!!!
就算比您最後嘈到佢肯結..
您覺得呢個係您想要既婚姻咩??
您咪一樣自己造就另一個"破碎家庭"...
"名份"..您覺得仲存在既咩????
就算您唔同意...他日佢唔滿意都可以單方面申請離婚!!!

好好想一想..自己要D咩..
呢個人比唔到您既..就係比唔到!
唔出去..又點知唔會遇到一個更適合既呢??
私人傳訊

meian


男爵府

積分: 8578

BK Milk勳章


28#
發表於 09-3-5 10:51 |只看該作者
你冇做錯, 走吧 !

我的case同你差不多, 我比你同佢行得更耐多2年, 草錢計劃都未肯實行添, 我都計劃緊執野走, 無謂浪費青春, 雖則而家o既女人唔係為左嫁個好男人, 一樣可以有自己o既事業, etc. 不如早d走好好裝備自己, 到頭來碰倒個更好o既男人 !!!

有時自己睇唔倒問題, 睇倒人地d case就會知道身同感受, 我認為你應該走, 你冇錯 ! 我都會 !

女人要不斷好好裝備自己, 唔係為左等人娶, 裝備好自己後話唔定搵倒個更好更好 ! 搵唔倒gei話都起馬有 quality去揀人, 唔洗比人揀or等人娶 !
私人傳訊

靚姐


大宅

積分: 1637


29#
發表於 09-3-5 11:25 |只看該作者
其實見到呢topic好奇入嚟睇下，我覺得你真係唔爭氣，唔明點解你要揀同居，(可能我思想比較傳統)，你揀得同居就預咗個男仔唔會咁快同你結婚(如果我係男人個女仔係同我一齊住，我都唔會咁快結婚縛住自己)。個男仔藉口話自己要儲$$遲啲先結，你就寧願自己比晒$，come on，今時今日做女人要爭氣，個男仔唔想結就算迫到佢結都唔會開心啦!有時做女人都要懂得保護自己，呢個世界唔係得佢一個人，仲有你父母屋企人，有時唔可以淨係為咗個唔值得付出的男人煩惱或唔開心，放遠啲。
私人傳訊

Vickymouse


大宅

積分: 2326


30#
發表於 09-3-5 12:24 |只看該作者
支持你走，絕對正確，若氹你都不要再返去同居。向前望，俾機會自己。
私人傳訊

crystal2009


民房

積分: 11


31#
發表於 09-3-5 12:30 |只看該作者
如果要迫才肯結婚的話, 就算迫到都冇用, 對方唔會ready做一個好老公, 到時你會仲傷心激氣!


既然大家對婚姻有咁大分歧, 長痛不如短痛啊, 唔好再浪費自己青春係佢身上喇!

現今是遲婚既年代, 26 歲仲好年輕, 不用灰心, 加油!
私人傳訊

Bee女


大宅

積分: 2152

醒目開學勳章 畀面勳章


32#
發表於 09-3-5 12:51 |只看該作者
唔好再晒青春響佢度啦~
佢擺明一直拖緊你時間..
再拖多幾年你3十幾時..佢一句唔LIKE就踢你去大西洋~ 到時唔通再搵對象~果時都老了幾年啦~早走早著啦
而家你都係26歲~仲有青春去搵個好對象的~

[ 本帖最後由 Bee女 於 09-3-5 12:52 編輯 ]
私人傳訊

mimi26


子爵府

積分: 11716


33#
發表於 09-3-5 12:54 |只看該作者
琴晚同佢傾過,佢又話唔係想唔結,佢話認同一定要結,只係要佢決定時間,佢話我同佢家人唔岩,佢唔想做一世夾心人,佢要解決到呢件事先安心結婚,我話呢件事根本解決唔到,係咪即係一世唔結?佢又發炆話佢唔知,咩都唔知,諗起就煩咁話.
我地協議好,我唔使見佢家人,佢又話佢想返去食飯又怕我唔開心,我話總之你唔迫我,你中意咪返去囉,我從來冇唔比佢返去,只係我唔開心就一定有d,因為佢呀媽最中意挑撥離間.但我答應我自己唔開心,唔會煩到佢.佢話要觀察下我喎,要睇下係咪真係得喎,得先考慮結婚
我係動物咩 觀察我,我做到咁,你仲要觀察 我真係唔爭氣好冇用
私人傳訊

SimSim媽咪


大宅

積分: 1906

好媽媽勳章 醒目開學勳章 畀面勳章 環保接龍勳章 BK Milk勳章


34#
發表於 09-3-5 13:23 |只看該作者
咁我覺得佢係想拖住你先, 搵到個好既咪飛你囉.
原帖由 mimi26 於 09-3-5 12:54 發表
琴晚同佢傾過,佢又話唔係想唔結,佢話認同一定要結,只係要佢決定時間,佢話我同佢家人唔岩,佢唔想做一世夾心人,佢要解決到呢件事先安心結婚,我話呢件事根本解決唔到,係咪即係一世唔結?佢又發炆話佢唔知,咩都唔知,諗起 ...
私人傳訊

wxxyxn


大宅

積分: 2339


35#
發表於 09-3-5 13:27 |只看該作者
26歲好後生咋喎
私人傳訊

SHIRLEYLAM330


男爵府

積分: 5909

畀面勳章


36#
發表於 09-3-5 13:50 |只看該作者
無謂晒時間.換個男主角
私人傳訊

mimi26


子爵府

積分: 11716


37#
發表於 09-3-5 14:34 |只看該作者
好多謝你地,有你地聽我呻,我講完舒服好多
其實我明白佢有佢怛心,但我都有,佢叫我等佢一年,我不置可否,我話要諗下先.我話,你要同我結婚,你媽一定阻撓,迫我見佢,迫我擺酒(我地講好不擺酒.,一黎唔想使太多錢想買樓,二黎我唔想有機會見佢呀媽,佢都答應左)到時咪又係要我受?到時你一煩又話唔結?將個波比我,佢淨係話"我自有分數"
仲話自己公司壓力好大,叫我唔好再比麻煩佢,話我信就信,唔信就算,我好唔開心,我話:我咩都為你諗好晒,你咁晦氣對我?咁算啦! 佢又比sms我,話想一齊開開心心,唔想苦口苦面,叫我唔好嬲,我冇應佢
十五十六,唔知點做,但我心中都打定輸數
私人傳訊

123!@#


伯爵府

積分: 16607


38#
發表於 09-3-5 16:28 |只看該作者
咁我想問下, 如果到時佢觀察完你, 覺得你唔合格, 咁係咪要飛起你呀????
私人傳訊

luibee76


複式洋房

積分: 302


39#
發表於 09-3-5 16:53 |只看該作者
Why 一定要 marry? Marry doesnt means a guy really love you. Do you know what is marry? do you think this is only between you and your husband? Sorry for my hard words.

Life are not so easy, marry is not only between you and him. This is involve to 2 families, very troublesome. Otherwise, here do not have a topic about " 婆媳關係 ".

Sometimes i really missing the time when im single, also missing love from mama! I sugguest you , but some books to read about love relationship, its maybe help you to change your thinking! god bless.
私人傳訊

siufai


民房

積分: 56


40#
發表於 09-3-5 17:12 |只看該作者
不好等佢決定娶不娶你，你要想你嫁比佢，是不是有你想望的生活，性格一早知,同人地媽媽不夾,到時你仲慘，老公更要迫你就佢地。”現在我都三字頭才單身，就是因為太愛ex，佢一路都無提過結婚，我都無迫佢，無離開過佢，是因為佢事業心好重，最後都差不多十年，才分手，因為佢不想結婚，佢仲想上位，有了家庭就無甘多機會. ..佢就離開我la，我傷心好久.其實佢一d都無為我著想，老了。最終的理由，我只相信佢不再愛我了。”　　樓主你的ｂｆ是愛你，無錢都會同你結。你仲後生，一定有更好的在等你，不好甘執著結婚，重點是他可以共你分甘同味，分享生活，分享大家的日常生活的苦樂，而不是你乜都就佢無左你自己。
私人傳訊


首頁
12345...6

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見