自由講場今日: 1203|主題: 1301442

收藏本版

發帖

返回列表

跳至頁

查看: 945 | 回覆: 7

流感針 [複製鏈接]

sinyeechu

珍珠宮

積分: 32337

1^#

發表於 18-2-9 07:17 |只看該作者 |倒序瀏覽 |打印

本帖最後由 sinyeechu 於 18-2-9 07:33 編輯

本帖最後由 sinyeechu 於 18-2-9 07:31 編輯

本帖最後由 sinyeechu 於 18-2-9 07:30 編輯

各人有各人言論自由，希望唔好比人圍插。。
近幾年我都好小出post,通常睇多。
今次佢啲朋友過份咁樣出賣佢，我岩岩啲言論有啲激，所以改左少少。
我兩個仔女分別係2012同2013年出世。
兩個相差19個月，都係我自己一手一腳湊大，絕對冇假手於人。
2014年1月1日，果日我好有興致去試整蘿蔔糕，叫c6幫手睇住我個女，果陣呀女差大半個月先夠2歲，而呀仔差幾日先夠4個月。
咁我媽咪同爸爸果陣一星期會輪流由屯門過嚟藍田（佢地都要返工，係放假先過嚟），到今時今日都係咁。
咁呢！係之前我媽咪拎左啲政府黃色收鼻水藥丸食，但佢唔擺返好，結果果日就比我個女拎到，而我老公係機迷，一打機或者睇電視，隔離果個講乜都聽唔到。
我整緊蘿蔔糕聽到我老公大叫，話我個女拎左黃色藥丸食，我數過起碼食左3粒落去！
拿拿聲叫佢帶個女入急症先！
呢件事大人做得好錯，我地3個極內疚！
咁我又太擔心，點知我個女入uch聯合觀察室，果陣大把床位，但偏偏個姑娘擺左我個女係個係咁咳係咁嘔既女人側邊，而我又太擔心所以湊埋個仔入去睇呀女點樣，果陣我冇諗過醫院啲細菌真係咁恐怖。
結果呀女係飲左解藥。
但出左院大約唔夠幾日，佢突然高燒，係突然！
一燒燒到40.2，我知平時佢地係會由37.5先開始慢慢燒！

我知道唔對路拿拿聲帶佢入急症，結果一入去姑娘即叫佢上病房，一上病房探41.2！嚇到我心寒又喊！之後姑娘帶佢去抽鼻液做快速測試，之後姑娘即將呀女隔離！唔比食特敏福，只係食退燒藥同靠佢自己抵抗力，結果第6日先開始退燒，最後7日先出院。
過多幾日輪到個仔，佢流感徵狀似家姐但冇家姐燒到咁高，因呀仔果陣仲飲緊母乳（我餵呀仔餵到2歲先自然離乳）。
之後由2015年開始每年都同佢地打流感針，我知支針唔係百分百抵抗到流感，但真係至少有一半！
仲有，我每年打流感針只係多份保障，其實平時都要飲食均衡。

0 0 0

私人傳訊

mott

大宅

積分: 4909

2^#

發表於 18-2-9 07:25 |只看該作者

回覆樓主:

咩有無學識，跟本只係一段朋友之間既對話，我唔覺佢有錯，申利，我無聽佢歌，唔係佢fans

私人傳訊

sinyeechu

珍珠宮

積分: 32337

3^#

發表於 18-2-9 07:26 |只看該作者

sinyeechu 發表於 18-2-9 07:17
本帖最後由 sinyeechu 於 18-2-9 07:31 編輯

本帖最後由 sinyeechu 於 18-2-9 07:30 編輯

本帖最後由 sinyeechu 於 18-2-9 07:36 編輯

本帖最後由 sinyeechu 於 18-2-9 07:33 編輯

續:
唔好食咁多生冷，煎炸食物。
每個人感冒咳一定有，但起碼做左啲唔好令自己內疚同後悔既事先。
我兩個仔女，我，同我媽咪由上年夏天開始做三伏天天灸，係我做美容院朋友度做，係用藥粉再加蛋白開嚟敷。
敷左之後，身體真係冇咁易病，當然唔係仙丹啦，我同我媽咪除左係佢度做天灸，我地早係上年年頭已經開始做body通淋巴。
所以有好多野係靠自己。
我寧願相信醫生或者係專家
我亦知有好多人已經係討論區講緊打有咩好，唔打有咩好！
而我個人從來唔鍾意做一啲令自己後悔既事！
所以我寧願保障自己同屋企人先！
今次出呢個post唔係想引起罵戰，而係想講出我感受。
流感針打唔打真係自己決定啦，冇人迫到。
而呢排停課，政府做得好岩，可能又會有人話一早應該停，又有人會話突然停，搞到束手無策。
點講呢，我都覺得好突然既，因為我個女今日本來都開生日會而我一早訂左蛋糕。
但係寧願佢地唔返好過返。