原帖由 daniel44 於 09-3-12 19:03 發表
原文原帖由 nonowong 於 09-3-12 15:49 發表
囡囡一向都好乖好聽話, 若果佢做完功課, 我都會比佢玩下on line game既(run on line), 但係佢尋晚同我講係幾個星期前, 佢因為用左別人既acc玩, 點知比人話佢偷人晒人地個戶口入面d分, 果個人仲話知佢ip address, 話如果囡囡唔比一張影到 "私人部位"既相佢, 佢就報警叫police上門拉囡囡 ! 唉...... 我個囡只得9歲, 當時因為我要返學唔係屋企, 老公又返工, 只有囡囡同工人姐姐, 囡囡話真係好驚比police拉, 所以.....佢就好傻好傻禁自己影左一張露上身既相msn左比果個人..........
我聽完之後個心真係好痛, 囡囡只有9歲咋, 點解而家d人會恐怖到禁 ???? 我好怪自己係囡囡最需要我既時候唔係佢身邊, 令佢好無助 (佢話知我要上堂, 所以好驚打比我會阻住我), 所以佢覺得自己可以處理到, 佢尋晚仲好乖叫我忘記左d唔開心既野, 要向前望, 佢真係好乖好乖 !
我尋晚完全sleep唔到, 我又應承左囡囡唔同人講, 我連老公都唔敢講, 我今晚會早d返屋企再同囡囡傾下, 我好想報警, 免得個衰人食過番尋味, 又或者有第二個小朋友受害, 但係我又好驚去police station會嚇親囡囡, 我都唔知同邊個講??
藉呢個機會真係要話比各位媽咪知, 網上世界真係好多壞人, 如果有可能, 小朋友太細都係唔好比佢地玩on line game啦, 囡囡而家都怕怕唔敢再玩 !
多謝大家睇晒我既長篇大論, 有無人可以比d意見我, 下一步應該點做 ? 應該點同囡囡講至好 ?
發表於 
我睇唔到樓主個post,都唔知咩事
... 
返回列表
