論盡家傭 今日: 1 | 主題: 133730

積分: 3134

1^#

發表於 18-4-4 16:30 |只看該作者 |倒序瀏覽 |打印

本帖最後由 Bbtvsvod 於 18-4-4 16:57 編輯

Background: 一屋，兩夫婦，一個5歲小朋友，一工人，一隻貓，一個婆婆

個工人由小朋友出細到而家一直佢湊開，今年5月要續約。一直以來婆婆都對工人有怨言，覺得佢樣樣都做得唔好，又懶，大概七宗罪如下：

1. 廁所地下經常濕
2. 夜晚訓覺前忘記窗外收晒在掠衫架既衫先訓
3. 貓沙不勤於清潔
4. 收拾玩具不分門別類
5. 煮野難食及浪費食油
6. 成日唔明就扮明，即好簡單既指令，佢好心急即時回應Say yes，但其實係唔明，結果一D好簡單既指令都做唔到
7. 玩電話

咁呢個問題一直困擾左幾年，我同先生要求冇咁高，佢只要睇好小朋友，煮一餐飯俾佢食，屋企乾乾淨淨就OK，但婆婆仍然好固執，經常話她的不是，呢段期間已經不止兩三個親戚勸佢唔好對工人要求咁高，請好工人好難，佢就會話我自己返工都唔係咁，點解工人做唔到。我因為工人問題同佢抄左好多次，次次都搞到好大獲。
好啦，到終於續第3次約，我就用一個列表列出以上佢既問題，叫佢進行PIP = Performance Improvement Plan，呢個列表係開家庭會議時大家一同傾出黎，因為我地兩個都要返工，平時都冇咩時間理到個工人，所以我就叫婆婆有咩對工人不滿，一次過寫低，叫佢改善。我之後再同工人坐低解釋，如果列出的問題我地見唔到佢有改善，我地會考慮唔同你續約。

咁工人就表示同意，我地就會係一個月後睇一次佢表現，逐點評分，佢要達70分以上先可以續約，而且續左約後只會以最低工資發人工，佢表現好頭3個月會加人工，再好D表現，會再加，直至餘下合約期完結為止。大家雙方要係PIP文件上簽名作實。

咁今日婆婆由同我講，個工人做唔到第2點，我問佢你起身時見到D衫仲係出面，係咪肯定係同一批衫? 佢話佢覺得係。咁我就同佢解釋，由於工人一個月後進行PIP review，即表現評估，到時口同鼻嗌，冇著數，所以叫佢影張相，做證據。但佢就話麻煩，跟住我同佢用官方的口吻以whatsapp文字方式，同佢解釋個因由，佢先好似容易接受多少少。跟住，佢又數工人其他的不是，我就同佢講，由於當時你並未於PIP列表時提出，所以佢做唔到係唔會扣佢分，只可以買一些工具輔助工人做得好點。

我未知會唔會好work，但至少我覺得如果你有個老人家都好固執，唔聽人講，可以用以上方法，唔好講，寫出黎，仲要用官腔文字，就好似法律文件咁。好啦，真係俾工人續到約，我都要婆婆做witness，佢簽名前要同佢講明簽名的意義，證明佢係同意工人過到個performance而續約，咁日後我就可以拎住呢份合約，說明當時佢本人係同意工人既工作表現，而且係列表上既工作要求係達到某一個滿意程度才會進行續約。如果佢有對工人有任何不滿的行為，我就會可以問番婆婆本人，點解當時續約前唔提出叫工人改善，如果沒有提出是否代表該行為不足以構成解僱工人的原因? 如果都是，那就可以大條道理叫老人家麻煩自己處理佢覺得工人做得不對的問題，仲要叫佢地在PIP文件上寫低個問題，而且要影相紀錄，日後就可以於續約時再跟進。通常佢知道話個工人不對，又要影相，又要寫低，個火就會收。

大家都可以試下，睇下得唔得

0 0 0

私人傳訊

strawberry1975

積分: 9522

牛年勳章

2^#

發表於 18-4-4 18:05 |只看該作者

婆婆係奶奶定你自己媽媽？我就係奶奶對工人不滿。

私人傳訊

積分: 6950

3^#

發表於 18-4-4 18:39 |只看該作者

回覆 Bbtvsvod 的帖子

見到你個問題身同感受,所以工人續了一個約再續唔落去,免家嘈屋閉,結果一年后還是再聘工人,因為婆婆做唔掂,兩公婆又上班,結果工人來到又係家嘈屋閉,對住工人我又唔敢講婆婆,左右做人難,家有老人家請工人真煩,每天回家聴到就係投訴,一天工作回家己經够攰,好在這個係啊媽,得失都唔會嬲我好耐

私人傳訊

janicetsang

積分: 5390

4^#

發表於 18-4-4 23:51 |只看該作者

Bbtvsvod 發表於 18-4-4 16:30
Background: 一屋，兩夫婦，一個5歲小朋友，一工人，一隻貓，一個婆婆

個工人由小朋友出細到而家一直佢湊 ...

返工已經要煩，放工仲搞到咁複雜。我寧願換個工人，同埋叫娑婆自己選自己教。

私人傳訊

karshing

珍珠宮

積分: 31627

5^#

發表於 18-4-5 08:45 |只看該作者

回覆樓主:

太複雜！
工人又會睬你嘅？

私人傳訊

PCCW2319

水晶宮

積分: 67993

6^#

發表於 18-4-5 09:13 |只看該作者

karshing 發表於 18-4-5 08:45
太複雜！
工人又會睬你嘅？

我都有同感。

天空之城, 快樂之地

私人傳訊

積分: 6950

7^#

發表於 18-4-5 10:38 |只看該作者

回覆 janicetsang 的帖子

我個工人一向系婆婆去挑選也是婆婆教的,我一點沒插手,但仍然一回家好多投訴,炒又唔係唔炒又唔係,結果用了四年,工人算老實心地唔差又好錫我仔,只係婆婆好執著,對工人要求太高

私人傳訊

JoGoMa

積分: 1101

8^#

發表於 18-4-5 11:16 |只看該作者

candytsy 發表於 18-4-5 10:38
回覆 janicetsang 的帖子

我個工人一向系婆婆去挑選也是婆婆教的,我一點沒插手,但仍然一回家好多投訴,炒又 ...

一樣。婆婆經歷過幾個走佬寸菲之後，依家個印佢自己請，經常勸我不要執著，工人只要心地善良，其他嘢佢都唔介意，要我千祈唔好趕走個汚糟印，如果再請一個地獄工人回來佢就慘啦。

私人傳訊

PCCW2319

水晶宮

積分: 67993

9^#

發表於 18-4-5 11:21 |只看該作者

candytsy 發表於 18-4-5 10:38
回覆 janicetsang 的帖子

我個工人一向系婆婆去挑選也是婆婆教的,我一點沒插手,但仍然一回家好多投訴,炒又 ...

本帖最後由 PCCW2319 於 18-4-5 11:22 編輯

我覺得老人家通常都覺得比左錢就要用到盡及要要求高。最慘係老人家得閒, 每個角落都留意,好似玩捉錯處咁。每日工作就捉工人錯處/不足。

而日間無人同佢地傾計, 當子女新袍放工返屋企, 咪搵個共同話題(工人)傾計, 增近感情囉。

私人傳訊

積分: 6950

10^#

發表於 18-4-5 12:12 |只看該作者

回覆 PCCW2319 的帖子

用咁個心態去想冇咁煩,就由得婆婆發下勞穌,我個同事又係咁樣,三個月換一次工人,佢唔煩我都覺煩,工人心地老實,笨啲或其他不足都算了,人都沒有十全十美,不過如果沒有老人家看下又真係唔放心,工人有時係要看下,有錯要佢改,否則越做越差,設個底線工人唔好越過就好,但事先要講明自己的要求

私人傳訊

little_angels

積分: 1555

11^#

發表於 18-4-6 01:09 |只看該作者

回覆樓主

工人係勞動工種，需要那麼複雜？不用當她是office lady, 其實你要婆婆同佢合作，只要老人家滿意便可，除非你唔需要老人家幫手，你想用這個方法說服婆婆留佢，但要記得邊個最多時間對住工人，邊個就最受影響啊！

私人傳訊

joanie731

積分: 9539

畀面勳章

12^#

發表於 18-4-6 09:54 |只看該作者

little_angels 發表於 18-4-6 01:09
工人係勞動工種，需要那麼複雜？不用當她是office lady, 其實你要婆婆同佢合作，只要老人家滿意便可，除非 ...

認同，樓主返左工，同婆婆日日對住工人係唔同，其實就咁睇婆婆對工人嘅投訴都合理。

私人傳訊

積分: 3134

13^#

發表於 18-4-6 09:56 |只看該作者

因為我阿媽係唔係一個result-oriented的人，佢係一個連工人做野個步驟都要管既人，只要個步驟錯，佢都睇唔順眼，簡單黎講，就係佢認為對既就係對，我地做仔女唔尊重佢意見，尋晚又差D同佢抄大獲，我都重新同佢講一次，個工人張合約係未續，我地係可以唔續，佢到時要做witness，所以我唔係唔尊重，就係因為尊重先hold住左份合約，如果我問都唔問自己就續左就叫唔尊重。我亦同佢講，點解工人既問題要白字黑紙寫低，就係因為日後避免嗌交，萬一工人做唔到紙上既要求，就係佢錯，但如果佢冇做到我地冇寫出黎既要求，咁就唔可以話人錯，只係要指導返佢點先可以做得更好。

私人傳訊

積分: 6950

14^#

發表於 18-4-6 10:20 |只看該作者

回覆 Bbtvsvod 的帖子

咁煩不如叫婆婆試下換工人啦!完約都做唔到該做的改正,以后只會更差,我個菲玩電話煮飯成個煲跌落地下被我駡了一次以后工作不準玩電話之后都好好多了,但最終都冇續約,再續係第三份約,又唔係太好,又要俾長期務服金干脆換一個試試

私人傳訊

積分: 3134

15^#

發表於 18-4-6 10:57 |只看該作者

本帖最後由 Bbtvsvod 於 18-4-6 10:57 編輯

我都有諗過長期服務金既問題，但做生不如做熟，而且小朋友同工人都相處得好好，我都有同婆婆講如果請過新工人，你都要負責train佢，因為而家係佢對工人唔滿意，我唔會知佢既standard

跟住佢就即刻縮沙，話唔係佢俾錢，佢唔會話事，咁我可以點reply呢?

私人傳訊

積分: 6950

16^#

發表於 18-4-6 11:05 |只看該作者

回覆 Bbtvsvod 的帖子

哈哈!你媽太似我媽了,婆婆想點就點,佢唔喜歡工人就唔續,不過問下佢家務之后邊個做,如果婆婆做唔掂佢想點,將個波交給婆婆,跟婆婆講工人唔好不如換一個,你再來教一個聴話的,如果婆婆唔肯只好續囉!

私人傳訊

積分: 6950

17^#

發表於 18-4-6 11:10 |只看該作者

回覆 Bbtvsvod 的帖子

不過就你的7項工人罪,后面的幾條不太能接受,雖然知道她們會偷玩,但我工人新來的一入屋我先聲明不準工作時間玩電話,我上班也不能經常玩電話呢!

私人傳訊

積分: 6950

18^#

發表於 18-4-6 11:13 |只看該作者

回覆 Bbtvsvod 的帖子

這是你第一個工人嗎?好多人都覺得做生不如做熟,但未換過又點知會更差呢?我會叫婆婆干脆換工人,下一個婆婆應該能掌握得更好,教得更好

私人傳訊

積分: 3134

19^#

發表於 18-4-6 12:06 |只看該作者

回覆 candytsy 的帖子

係呀，第一個，其實我係有諗過換，但交接期既工作邊個做呢? 因為我阿媽係要返工，佢就算平時放假，都唔會主動幫手湊小朋友
一諗到呢樣野我就覺得好煩，而且其實我老公都唔同意換

我都諗住傾續約時將個波拋俾佢架啦，我老公又成日唔係屋企，成日得我、婆婆同工人，佢自己如果咁頂唔順，佢就要自己負責晒啦，我只會負責俾錢，搵工人、interview，簽約我都唔搞了

私人傳訊