吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 鼓勵文，超長超長篇分享我的5次懷孕經歷！ ...

想生BB 今日: 2|主題: 109087

收藏本版

發帖

返回列表

跳至頁

查看: 8594 | 回覆: 53

鼓勵文，超長超長篇分享我的5次懷孕經歷！ [複製鏈接]

12 3

christine_sau

大宅

積分: 1182

MommyPanel勳章

1^#

發表於 18-7-24 14:45 |只看該作者 |倒序瀏覽 |打印

本帖最後由 christine_sau 於 18-7-24 14:54 編輯

南無觀世音菩薩！今日係2016-9-12開始寫呢篇文章真係唔知可唔可以上傳上bk，如果大家有幸見到呢篇文章，即代表我已經順利生到健康既Bb,感謝佛菩薩陪伴我行求子之路，我既求子之路真係充滿挫折，相信並唔係一般人能所承受，帶住淚水來打呢篇文章，希望大家睇完以下經歷能夠明白想做媽媽之苦，努力面對困難，只要唔放棄一定會成功！
2011年當時31歲結婚，打算一結婚就生b,當時婚前檢查正常同照超聲波都話d卵好靚好圓，原以為好易中，但係試左一年都不成功，之後去驗輸卵管發覺有一邊塞左，當時真係唔知點好，上bk問jm意見都話與其比錢去通，不如直接做ivf,於是在bk其中一篇台灣ivf post刨左好耐，同老公講去台灣做，佢當時反應好大，話人生路不熟，但由於我好堅持又用眼淚功終於令老公陪我去台灣做Ivf。

第一次ivf係睇老劉，當時一請請左9日去台，由day10開始監測，發現只係得3粒卵，以我年紀，老劉話一定唔止3粒，於是加大針量，谷到成個肚漲哂，最後都得3粒，再加上抽卵出血，有血塊頂住左膀光，令我vv唔到，整個肚都漲到爆，老劉當時都好緊張，比左個專科醫生我叫我去睇，去到要插尿管放尿，痛到眼淚水標哂，好辛苦，之後比左藥我返酒店，話再vv唔到要入醫院，好彩晚上柯到一塊大血塊同vv到。

0 0 0

私人傳訊

christine_sau

大宅

積分: 1182

MommyPanel勳章

2^#

發表於 18-7-24 14:46 |只看該作者

christine_sau 發表於 18-7-24 14:45
南無觀世音菩薩！今日係2016-9-12呢篇文章真係唔知可唔可以上傳上bk，如果大家有幸見到呢篇文章，即代表我 ...

過幾日就放胎，3粒都係A grade,老劉話好大機會中，到開獎果日真係中而且仲hcg6百幾，好大機會twins,但week 6半夜大量流血，好似水喉唔停，整張床都濕，好恐怖，立即入政府急症，醫生知我放左3個胎，但照得1個胎囊，話有可能其餘果兩個會宮外，話要立即做腹腔鏡否則有生命危險！做完後，沒有發現宮外在輸卵管，話我打針量太高，見到卵有撕裂情況所以出血，但醫生仲話未解除宮外，可能有機走左去腸，要監察，當時已嚇到我日日以淚洗面，在醫院一星期日日比醫生嚇，最後忍唔住自行簽紙出院睇私家，私家醫生仲話我唔應該做腹腔鏡，話公家醫院的不是，但唔知係咪比公家嚇左咁耐，我一直都唔見有胎心，之後去搵中醫安胎，中醫話放心，胎脈正常，仲叫我呢段時間唔好再照超聲波，一直至12w,比個胎休息發展，當時仲傻下傻下跟中醫方法做，到12w都無胎心，最終我要立即清胎做左刮宮手術，但呢次手術令我生b路更難行，令我有子宮黏連，呢個超級麻煩既病！但我好後期才知有呢個潛在問題。

私人傳訊

christine_sau

大宅

積分: 1182

MommyPanel勳章

3^#

發表於 18-7-24 14:47 |只看該作者

christine_sau 發表於 18-7-24 14:46
過幾日就放胎，3粒都係A grade,老劉話好大機會中，到開獎果日真係中而且仲hcg6百幾，好大機會twins,但week ...

第二次ivf,自刮宮後我內膜一直薄，轉睇台灣翁醫師，佢照左話內膜雖薄，但形態好靚，叫我唔使擔心，話有藥墊內膜，於是放心入療程，今次抽到13粒，翁話全養到day5,day3姑娘通知我有9粒，但去到day5只淨3個胎，心情又係坐過山車原以為有13粒，但最後得2粒，當時grade係3AB同同3BB,翁仲安慰我級數好，有7成懷孕，但放胎既時間內膜超薄，我用左大量激素加吊左好多枝針加厚內膜，最後勉強放到胎，驗孕都bingo,但好快個胎唔ok，自然流走左，第二次懷孕又失敗了。

私人傳訊

christine_sau

大宅

積分: 1182

MommyPanel勳章

4^#

發表於 18-7-24 14:47 |只看該作者

christine_sau 發表於 18-7-24 14:47
第二次ivf,自刮宮後我內膜一直薄，轉睇台灣翁醫師，佢照左話內膜雖薄，但形態好靚，叫我唔使擔心，話有藥 ...

第三次Ivf，翁醫師建議我打ivig ，話好少兩次都小x,於是我放胎前打左ivig,再加打一支超貴叫復邁既免疫針，內膜超薄於是用左大量既藥墊內膜，但今次只抽到兩粒咋，不過grading好，全放，最後都bingo,但又係好快個胎又唔ok,自然走了，第三次懷孕又告終。

3次ivf後，係2015年3月，我又想再做Ivf,因為快高齡了，我自己上網睇到有關內膜薄既資料，發現所講的子宮黏連同我特徵好似，我自行book 左台大做子宮鏡，臨照前一天見翁醫師，佢話我唔似黏連，話我內膜形態靚，唔會似黏連，話我去台大照應該唔會有問題，點知一照真係黏連，仲要好大忽，翁醫師完全估唔到，仲話搵到病因就易行，不用在免疫方面埋手。

由於3次小x,威院已經收左我睇習慣性小x,於是我搵左威院教授同我清黏連，教授建議我再做腹腔鏡，清左黏連後，他會放一個球囊在子宮內，撐一星期後才解球囊，避免宮腔再內黏，呢次手術同時發現我輸卵管口全被黏連塞住，以致不能自然懷孕，但現在已全清，可以自然懷孕了。一個月後再覆診，再照3維超聲波，發現又再復黏，又再做手術清黏連。隔了數周後又再覆診，發現還未清，於是教授問我能否忍痛，佢唔忍心我成日做麻醉手術，我話可以忍，於是佢安排左第三次另一款手術子宮鏡，幫我在無麻醉下再穿清黏連，我記得當天我係生日，生日都要做手術，但無計為bb努力撐下去！

私人傳訊

christine_sau

大宅

積分: 1182

MommyPanel勳章

5^#

發表於 18-7-24 14:48 |只看該作者

christine_sau 發表於 18-7-24 14:47
第三次Ivf，翁醫師建議我打ivig ，話好少兩次都小x,於是我放胎前打左ivig,再加打一支超貴叫復邁既免疫針， ...

之後一個月後再返威院檢查發現又有輕微黏，好彩幫我檢查既外藉醫生，幫我努力用打水方法清左好耐，終於清哂黏連。及後再覆診也沒有黏連了。

半年後，2016年4月我居然自然懷孕，bb一直健康，也是我地期待的性別，bb預產期2017年1月1日，產檢我做得好密，感到上天送了一份珍貴禮物給我，我一定要好好保胎，好境不常，居然20周的一個晚上，突然半夜穿水，好驚好驚會失去bb,立即去醫院，醫生表示已穿水，因太早穿水，bb留不到，我仍堅持要保胎，於是在醫院撐全卧床，希望有奇蹟出現有返羊水，但奇蹟沒有出現，一星期後我發燒，真的不能留，我傷心痛哭生下孩子，之後我感到自己患上抑鬱，唔想見人，也想過自殺，好辛苦好辛苦地撐下去繼續生存！好彩有佛菩薩幫忙，藉信仰令我生存下去，第四次懷孕又不成功了。

私人傳訊

christine_sau

大宅

積分: 1182

MommyPanel勳章

6^#

發表於 18-7-24 14:49 |只看該作者

christine_sau 發表於 18-7-24 14:48
之後一個月後再返威院檢查發現又有輕微黏，好彩幫我檢查既外藉醫生，幫我努力用打水方法清左好耐，終於清 ...

半年後又再重新做ivf,希望小b快回來，這次在翁醫師抽到4粒卵，但質素一般，我這次未能順利著床，兩個月後再戰放了很久很久的兩粒d5雪胎質素不好，但居然解凍後有一粒翁醫師讚賞很有活力，由早期囊胚升級到4BC,我在放胎後第二天已感到著床了！第五次懷孕了！

這次我非常小心保胎，好驚再出現穿水情況，我找了一位專業的教授，他建議我做子宮頸環扎手術，避免宮頸短鬆情況出現，13周時，我做了這個手術，亦同時申請了無薪假期，安心養胎，除了食飯，大小便、沖涼，覆診外，我基本都在床上休息，宮頸一直保持良好，但23周時突然流了一大堆啡血狀喱喱分泌，類似產前的宮頸栓液，再去教授覆診，說我宮頸很鬆，現在只能聽天由命了，我傷心痛哭，回家後全卧我完全唔敢下床，大小便全在床上，盡保胎，過了幾天，感到有些羊水流出，立即去急症，醫生說不是羊水，說我在醫院無用，回家休息，臨回家幫我抽了分泌種菌。

一星期後，我本身在威院覆診，但我唔敢四周行，全卧床上，但威院發現我種到惡菌必須入院吊抗生素14天，在醫院產前病房，簡直難撐，旁邊的媽媽作動痛哭，聽到我心都傷，我好辛苦好辛苦捱過這14天。

私人傳訊

christine_sau

大宅

積分: 1182

MommyPanel勳章

7^#

發表於 18-7-24 14:53 |只看該作者

christine_sau 發表於 18-7-24 14:49
半年後又再重新做ivf,希望小b快回來，這次在翁醫師抽到4粒卵，但質素一般，我這次未能順利著床，兩個月後 ...

本帖最後由 christine_sau 於 18-7-25 08:59 編輯

回家後，仍然全卧床，好彩媽媽的照顧，我真係一步都沒有行，出入覆診都是坐輛椅。撐到28周發現中左b鏈，食了一星期藥，再努力撐，但32周又不幸發現患上妊娠糖尿，再在34周中埋妊娠毒血症，被迫留在醫院中，我的孕期充滿挑戰，全靠毅力同佛菩薩支持，否則根本無法撐到。到35周2018年1月1日緊急開刀，我的寶寶出生了，與上一胎預產期1月1日是樣，好像有些寓意！但因為早產比較輕要入兒科病房增磅，另外因爲發現佢感染指數高也抗了一星期抗生素，手腳都瘀哂，看到都好傷心，成日覺得自己無用，令他受苦，對不起，我的孩子要你受苦。好彩bb宜家已經追到磅數了，我真的好感謝菩薩的幫忙，同時也應承菩薩要將我事蹟說出來，也想多謝翁醫師同孫醫生一直幫我監察孕期變化，我好想鼓勵求孕中的你，我好明白大家求子的苦，希望大家努力，唔好放棄，祝願大家都如願得子，我準備了一些好孕禮（排卵紙、驗孕紙、好孕糖等）同經書想送比求孕中的您，有興趣可比地址我寄給您！

私人傳訊