樓主...求吓你!! 我好需要你個神婆嘅資料!! 請pm我你嗰個神婆嘅聯絡方法比我,同收費...唔該晒!!
事源係咁嘅,我媽97年過身,過咗身之後我周不時都夢到我亞媽,內容大致都係我或者我亞媽想煮餐飯比對方食,但唔知點解總係煮唔成,唔係想煮嗰樣嘢搵暈成個街市都冇得賣(夢中會繼續行繼續搵),就係餐飯煮極都煮唔完咁,環境就次次都唔一樣,但都係我以前住過嘅地方(屋--我細個搬過好多次屋)...初初我都不以為意,以為自己太掛住亞媽
但亞媽過咗身之後,又周不時發夢自己甩牙喎,甩完一隻又一隻,喺夢入面都幾擔心,甩晒啲牙唔知點算,好樣衰家嘛~~ 如果一兩次我就覺得係偶意唧,但夢到甩牙都幾頻密吓,所以我開始覺得有啲好奇,於事Search"解夢"搵到周公解夢書話「齒自落者父母凶」,除咗上網搵,我個fd都話聽講夢見甩牙同父母有關,所以我想問米,但又驚遇上神棍,我驚係我亞媽有事要暗事我知,但我已經好後知後覺喇,因為甩牙夢我發咗好幾年,到而家先覺得有啲奇怪,如果真係有事,我真係好後悔點解唔早啲去搵!?
...唔該晒樓主。
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.