吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 各位比啲意見！我工人姐姐卵巢有水瘤～ ...

論盡家傭今日: 5|主題: 133721

收藏本版

發帖

返回列表

跳至頁

查看: 2803 | 回覆: 12

各位比啲意見！我工人姐姐卵巢有水瘤～ [複製鏈接]

pohivy2004

大宅

積分: 1218

1^#

發表於 18-11-4 15:40 |只看該作者 |倒序瀏覽 |打印

本帖最後由 pohivy2004 於 18-11-4 15:40 編輯

我第一次請工人姐姐，請大家比啲意見！
我請左個賓賓先剛剛2個月，自問一直都對佢好好。佢黎照顧我一家三口，小朋友3歲，女仔。佢黎既時候佢既大部分日用品，床個啲全部都係新既。因為我同先生都要返工，佢主要照顧我個女，同做家務。好多時星期六日早上我地放假出去食早晨都預埋佢，買多份咁。直到⋯二個星期前佢同我講vv唔舒服，我知佢係尿道炎，就係藥房買藥比佢食。

但一個星期前（上星期六）佢問我星期日可唔可以係屋企休息？我先詢問佢係咪唔舒服，咁佢說話vv唔舒服，食藥房藥冇好轉仲差左，肚好痛。我就諗佢離鄉背井打工好可憐，就星期日帶佢睇普通科西醫，再三詢問下先知佢3-4年生小朋友做檢查，菲律賓個邊醫生已經話有尿道炎，之後一年都有2-3次，但今次係最嚴重。咁星期日同佢睇左普通科醫生（$400），醫生開左5日抗生素，尿道炎藥同止痛藥比佢。

之後我keep住日日都關心佢問佢點？佢星期三個日問我佢想再多次醫生，好左啲，但仲係痛，想去睇佢auntie係銅鑼灣個個醫生。不過我當時就覺得與其都係普通科醫生，不如係屋企附近睇啦，個時我只係擔心佢會唔會係其他婦科問題，於是就星期五拎左假同佢睇婦科醫生，知佢想要女醫生仲特登幫佢約個女醫生睇。

星期五朝早去左仁安睇婦科專科醫生，點知醫生檢查完，話比我地知，佢兩邊卵巢都有水瘤，一邊6cm，一邊3cm，要做手術切話要9萬。我呆左，姐姐又不停係度喊。當下我真係唔知點做，我話要商量一下先，因為我唔知份家傭保險索償係點！後來我同姐姐離開左醫院（$1790），姐姐直情喊到出醫院，後來問左人意見，大嫂個朋友教我，問仁安拎返專科醫生轉介信到政府醫院排期做手術。咁我就即時打返比仁安拎轉介信，同姑娘講星期六幫佢返仁安拎信。

星期五當晚同姐姐傾問佢想點做啦，姐姐話會做手術。咁我都好坦白同佢講同佢分析，私家醫院做手術我負擔唔到，你係香港醫啦，姐姐表示明白。到尋日星期六我幫佢拎左轉介信返屋企、佢突然同我講，佢想唔做返菲律賓醫病。但唔做

0 0 0

私人傳訊

pohivy2004

大宅

積分: 1218

2^#

發表於 18-11-4 15:48 |只看該作者

回覆 pohivy2004 的帖子

佢唔做指係下年7-8月先唔做。我當下覺得唔係即時唔做，係因為未搵夠錢醫，我請過工人費用頭3個月請過個，我都有7折再請，比左睇醫生啲醫生費最多都索償$280每次，宜家睇醫生差額我自己補，我對你好，但你只想到自己，我就覺得好唔開心。
今日我奶奶搵我仲同我講，我個工人同我大嫂個工人講話係我屋企食唔飽。但我明明樣樣都比足做足，冇諗過會係咁。

私人傳訊

YeungHT

別墅

積分: 816

3^#

發表於 18-11-4 15:53 |只看該作者

回覆樓主

如果佢自己願意返去醫病對你對佢都係最好啦！咁你仲擔心乜呢？最主要係要佢寫返封辭職信俾你，寫明係佢自己自願辭職回鄉醫病。

私人傳訊

jessssie

別墅

積分: 724

4^#

發表於 18-11-4 16:56 |只看該作者

姐姐可能唔知道你頭三個月再請過可以有七折，只是想問下佢做到7，8月是否可行。
如果我是你：
如果我鐘意佢，我會游說佢幫佢在政府排期，香港醫療好d，排左期先算，到時再決定。因為請過個未必好的。
如果我唔想留佢，直接同佢講你有難處，因為再請另一個工人要多付萬幾蚊，如果三個月內換就可以平好多，希望她明白。如果她現在走，遲些若她想回來可以direct hire 請番佢，或介紹她給你的朋友。

（只是建議，不知是否可行）

私人傳訊

細姐姐

子爵府

積分: 14425

5^#

發表於 18-11-4 17:25 |只看該作者

pohivy2004 發表於 18-11-4 15:48
回覆 pohivy2004 的帖子

佢唔做指係下年7-8月先唔做。我當下覺得唔係即時唔做，係因為未搵夠錢醫，我請過 ...

千萬唔好諗你買全新日用品，買早餐，帶佢去仁安睇私家，佢哋會感恩，佢只會覺得你欠咗佢

佢夠胆話食唔飽，咁你係唔係冇足夠嘢俾工人食吖？你细食，工人未必跟你细食，如果唔係，工人就冇良心

佢肯做到出年7,8 月就由佢。最緊要係工人自願辭職

其它你agent 收費7 折或多少，工人唔會理，亦無巧需同佢講

對工人，平常心，便可以

私人傳訊