講開佢嘅服務態度,真係不敢恭維,上次叫齋啡,攞到埋位見有奶攞去換,好聲好氣同佢講我叫齋啡的,佢說答:”乜妳飲到有奶咩?” 我企響度冇出聲,心諗冇奶就唔會出嚟換啦… 佢隔離個阿姐就出聲話:”換過杯俾佢算啦,唔好煩” 我火嚟,妳哋俾錯我反而係我煩,佢話係收銀打錯飛,佢冇出錯嘢,我話睇過張飛,真係打住”咖啡走奶”的,唔信可以摷番張飛出嚟做證,唔好賴收銀嚟耍我。
有次買皮蛋瘦肉粥,我要求走皮蛋走花生,收銀叫我自己同水吧講,於是同收飛姐姐講啦,佢通知煮粥姐姐,個煮粥姐姐就話:”煮咗喇,下次同收銀講嘛,我睇到飛就煮,埋到嚟至講…… ”,佢就當住我面用匙勺響我碗粥度撈走皮蛋同花生就算。我就係唔想浪費食物先叫走皮蛋花生,如果自己畢走掉咗佢嘅我唔駛出聲啦。
如果唔係近,真係唔會幫襯,不過應該唔會再食。
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!