本帖最後由 Gisele 於 19-4-16 09:40 編輯
幫學校接待一個交換生，包食包住包玩兩個禮拜，我地係義務，斗零都無收。黎之前，差不多將間客房重新裝修咁滯，除左床架床褥同燈，幾乎樣樣野都係新，重好似酒店咁有套新的浴巾拖鞋梳洗用品比佢。
點之佢黎到
(1) 拎左盒近過期的酥做接待家庭禮物 (我地唔係恨禮物，但實在太無心意了)
(2) 比張八達通佢坐車，竟然可以曰曰都增值 $250(我部電話連著 bank account可以睇到) ，唔通佢曰曰去萬寧百隹掃貨?
(3) 有曰佢漏左張八達通係屋企，點我個仔返黎囉比佢，因為果晚班同學有街去，即係自已出十雞八雞車錢都肉赤
(4) 佢話想去迪士尼我地唔like Disney都同佢去，去到又話多人好煩，一陣就走
(5) 跟住同佢去坐纜車去大佛，點知學校原來都有安排尼個行程
(6) 同佢去食海鮮5個人食左近3千銀，點知佢係電話同屋企人講 “都無咩海鮮食”
(7) 野食次次食淨一半，有Ｄ重係我地成擔心機整既
再講囗都臭
望佢快D走
*********************************
睇原第十頁之後再加的資料
我個仔之前去做交換生，另一家庭對他很好，大家一直有聯絡，我們已經計劃暑假或聖誕節去探他們。我們也希望大家的孩子，都能開心的來，帶著好的回憶走，沒想到要回報。即係人地當你個仔係自己咁嘅對待，你都會當人地D孩子係自己嘅一樣。
今次有兩個交換學生沒有家庭接待，學校向我們家長求助。如果沒有人幫，學校就安排他們住酒店，似乎少了交流的意義。我地覺得大家互相幫忙沒什麼大不了，從來沒想到中學生都要防。
學校比我們的資料睇到，個交換生係併音的國語名字，只有一個家長的資料，工作係公司一名職員。我們直覺佢係單親家庭。
(2) 八達通
尼張八達通突左出黎，我地有親友來港就會比佢地用。佢地坐地鐵返學，成人八達通一程都係幾蚊雞，週圍去玩都係有限錢。
比八達通佢果時，我話你可以同來買下drink or snack 咁，重講佢聽唔見左要同我地講，因為係自動增值。
平時有outing 學校會安排膳食，否則我個仔會比埋佢果份。我地預左比佢用，但唔係貪心地用。
係琴曰有Text alert 話月結單出左，log-in 先發現曰曰增值，一星期己7次
(7) 食野
佢每次見到都會講類似「嘩咁正」的說話，然後食剩一半以上，問佢係咪唔啱口味，佢話我只係飽啫。比人感覺好假。
(1) 接待家庭禮物
佢拎出黎時眼神古古怪怪，係幾核突的包裝，制造曰期係幾個月前。不過尼樣唔係重點，沒禮物 一樣咁招呼，我地收完盒野，照同佢去食海鮮。
發表於 
返回列表
