自由講場

收藏本版
發帖
返回列表
跳至頁

首頁
1

尾頁
   5
Elenalan


水晶宮

積分: 64265


1#
發表於 19-9-25 07:57 |顯示全部帖子

回覆樓主:

我女小二，都係6樣，係老師建議俾佢學多d嘢，改善專注力和時間管理。佢每日有10個鐘瞓、有30~60min去公園放電，功課測考又應付到，佢又enjoy, 佢同我都覺得冇問題。
私人傳訊

Elenalan


水晶宮

積分: 64265


2#
發表於 19-9-25 08:22 |顯示全部帖子
sunnymama2 發表於 19-9-25 08:09
可否分享你其中一日的時間表，我仔每日只瞓8個鐘，成日趕趕趕

瞓9pm~7:15am, 返學8am，放3:30pm, 3:30~4:45pm去放電，之後回家沖涼再hea下，5:30~6:30pm自己做功課，6:30~7pm晚飯，之後睇電視/睇書/玩，9am前上床瞓，5min內入睡。weekday有2日興趣班(全部屋企附近10min walking distance)，就縮短放電時間。

佢自己分配時間溫習，我唔會干預。每月仲有1~2個weekend要帶佢去比賽，一出去又成日。星期日 (如果唔去比賽) 又天氣ok一定帶佢去郊遊，行山或去沙灘。我個女係要放哂d電先可坐定定做功課或上堂，所以現在個timetable好啱佢。
私人傳訊

Elenalan


水晶宮

積分: 64265


3#
發表於 19-9-25 08:27 |顯示全部帖子
wmkcnw 發表於 19-9-25 07:03
因為學校好近屋企，加上每日最尾一節是做功課，基本3:30已經回到家，亦最少完成一半功課。

平日在附近商場 ...

我覺得就近入學好重要，我地返學15min路程，去興趣班係10min walking distance, 所以我女仲每日有時間去公園玩，又有10hrs瞓。學校功課唔多，每日4~6樣，少抄寫 (最辛苦都係詞語，每個抄2次，有5~6個)。
私人傳訊

Elenalan


水晶宮

積分: 64265


4#
發表於 19-9-25 13:31 |顯示全部帖子
fupigpig 發表於 19-9-25 09:42
你呢d環境條件+小朋友自律性格，覺得合適自己就可以。
有時真係冇得所謂「參考」人地點安排，我個小朋友剛 ...

我女絕對唔係自律型，上年用左成年時間去適應小一。佢操行分中，自理、時間管理、合作性係最低分，俾老師話佢乜都慢，因為冇時間觀念，亦好自我，不懂群體生活學習要與人合作，唔係自己想點就點。所以老師建議俾多d嘢我女去學(因為太得閒+唔鍾意做功課自然拖慢來做，有多d興趣班佢想去上自然做快d)，做多d運動去提升專注力令上堂坐得定d (所以每日去公園放電)，同時改善肢體協調 (佢PE得C-)，可以提升自理能力。

至於學業，我個理念係越早放手越好，唔係因為佢自律，而正正係想佢對自己學業負責。佢現在仍有欠交功課，但比上年進步了。我一向唔對功課亦唔同佢溫習，佢主動問我就教

私人傳訊

Elenalan


水晶宮

積分: 64265


5#
發表於 19-9-25 22:47 |顯示全部帖子
wmkcnw 發表於 19-9-25 22:15
。好多小孩每天花1一2小時在交通上。用這1一2小時，俾小孩玩，好好多了。
...

係呀，我覺得每日來回用2個鐘以上搭車返學果d仲辛苦喎 (5點幾6點起床vs7點後起床已差好遠)。我女每日放學後去公園玩完先做功課，做完先上興趣班 (weekday 有2日)，飯後再有1~2個鐘玩/reading, 每日瞓足10小時以上，我覺得玩夠瞓夠先平衡。平日全部興趣班都係玩，冇功輔冇補習我亦唔會迫佢溫書。話辛苦果d可能用太多時間喺返學或功課上 (我聽過有d同學仔做完學校功課仲要做補習功課，呢d唔慘咩?)。咁如果連瞓都唔夠，確實再上興趣班係勞役佢。

所以睇番自己小朋友情況，我志在俾小朋友活動多d試多d唔同嘅野，冇迫任何操練。能力負擔到咪玩多d，冇興趣冇心機隨時cut。
私人傳訊

Elenalan


水晶宮

積分: 64265


6#
發表於 19-9-26 17:02 |顯示全部帖子
mimuib 發表於 19-9-26 04:05
好羨慕，我見你地好多小朋友可以一個鐘完成功課

絕對唔係天生自律, 我女做野慢, 又憎做功課, 拖得就拖。但自從安排左d佢好喜歡上o既興趣班後, 佢知道時間唔夠佢hea住做, 自然做得快左, 因為我要佢做完功課先可以去上興趣班。
每日準時晚飯, 每晚準時9pm全屋熜燈, 做唔做哂功課都要瞓, 佢可以自己較鬧鐘早d起身做功課, 有冇得交齊功課係佢o既事。
我完全唔對功課、完全可以接受佢欠交等佢承受後果, 佢知道冇人幫, 時間得咁多, 自然要學識好好管理時間。呢個過程用足一年時間, 到今年小二, 終於可以自動自覺, 1hr內做哂功課, 雖然偶爾有欠交, 但有巨大改善。
私人傳訊

Elenalan


水晶宮

積分: 64265


7#
發表於 19-9-28 07:31 |顯示全部帖子
mimuib 發表於 19-9-28 01:47
我仔學校交欠10次就記小過，而家先第一個月，已經欠左2次了，我放手一定大過都有，唉…
...

要欠夠幾十次先記大過喎，通常欠多幾次已經會keep住收電話，學生會收警告信，要留堂(或冇小息做番功課)。罰多幾次小朋友會知驚，佢自己會計住。老師亦會不停同我傾。我盡力解釋我立場，我接受後果，但我唔接受因為怕記過而幫佢對功課執書包，呢個係我day 1已決定嘅教育原則。而且我女由K3起經完全係自己做功課和執書包，所以小一做功課佢完全冇能力上問題，冇理由K3時自己做P1要呀媽陪做。佢有唔識隨時可問我，但要佢主動問。嚴格來講，我不是小一放手，我係呀女幼稚園時已逐步放手。我冇叫任何人要學我呢個方法，我按自己教育理念仲有孩子性格能力去執行。
私人傳訊

Elenalan


水晶宮

積分: 64265


8#
發表於 19-9-28 07:42 |顯示全部帖子
Elenalan 發表於 19-9-28 07:31
要欠夠幾十次先記大過喎，通常欠多幾次已經會keep住收電話，學生會收警告信，要留堂(或冇小息做番功課)。 ...

好多家長都唔贊成咁早放手，跟功課甚至跟到上高小、中學都有。連大學registerion day揀科揀莊都有呀媽陪我都見過，我自己就接受唔到我小朋友成世做媽寶喇。我要孩子認清自己責任，佢自然對學業上心。見到隔離帖講小六生打機打到無心向學，家長冇哂辦法，呢d就係自小縱容後果。
私人傳訊

Elenalan


水晶宮

積分: 64265


9#
發表於 19-9-28 10:36 |顯示全部帖子
itababy 發表於 19-9-28 09:12
我其实都類似你咁教我仔。佢k3日日由起身一刻一路拖又慢佢做唔晒功課我都唔理返学校比老師話。係好 ...

要同佢一齊定個時間表，佢想玩嘅野一定要準時完成要做嘅嘢先可以玩。一定要嚴格執行個規矩，包括家長講得出做得到。我由呀女2歲返N班起已經係咁樣執行，尤其我係wkm, 我唔想俾人覺得我疏忽教育、乜都外判，我教女湊女全部親力親為，否則小朋友好易俾長輩縱壞。時間表好重要，特別係規律作息和飲食，唔會因為返唔返學就可以遲睡遲起。我女平日嘅興趣班係做完功課後先去上。全部weekday興趣班係佢自己揀，條件係佢搞掂功課先可繼續上，否則我隨時cut，佢仲緊張過我。
私人傳訊

Elenalan


水晶宮

積分: 64265


10#
發表於 19-9-28 12:41 |顯示全部帖子
bbpompom 發表於 19-9-28 12:05
回覆 Elenalan 的帖子

5:30~6:30pm自己做功課

所以都係果句，按自己情況啦，冇絕對，見到其他小朋友學好多野上好多興趣班唔代表人地一定係辛苦和被迫，可能別人有條件咁做，人地家長亦有付出 (例如為左小朋友方便返學而搬屋，我有唔少朋友都係咁做)。至於功課多少，雖然家長未必可完全控制，但揀學校前都應該有了解過大概情況。我係非主流，我唔會要求小朋友備課和溫默書，呢d係佢自己決定做唔做，我成日都話專心上堂最重要，有需要先溫，分數會反映佢有冇需要溫書。我set左目標分數俾佢，只要達標就佢自己決定點樣溫，我唔會干預。不過佢有興趣嘅課本，如常識和古詩果d，派左書幾日佢已經睇哂，佢當消閒讀物，唔係備課。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見