我身為一個學生，好多身邊嘅同學系黃絲，但依家過左幾個月我由淺黃變左中立，甚至系淺藍。D同學日日喺IG發埋文宣，話警察殘害「無辜」、「手無寸鐵」嘅「抗爭者」，話要為死去嘅手足報仇，總之成個IG充斥著仇恨，所以我再無嘅IG發過任何野。我睇番某d文宣，覺得好可笑、荒謬，好似咩衰野都賴警察，好多都冇Fact Check，試圖混淆視聽；而d去破壞公物、堵路嘅人系為左爭取公義民主人權，系政府迫佢，完全無錯。令我最想笑嘅一句話，「黃藍系政見，黑白系良知」，冇錯，有警察真系有濫權，但d所謂嘅抗爭者用嘅暴力有時都好過火，用氣油彈，弓箭，你同講我手無寸鐵，我相信連幼稚園小朋友都分別是非黑白。同埋佢地考慮到其他住喺香港嘅人嘅生活權利，你堵路，搞到香港d交通衰曬，教育局宣傳停課，強迫人地同你一齊三罷，然後你同我講因為警察放左好多催淚彈，空氣污染，學生出門好危險，所以迫於無奈要咁做，我即刻黑人問號，咁d催淚彈從何而來？仲有好多人鼓吹「報仇」風氣，咩野「以眼還眼」，我覺得嚴重扭曲左聖經嘅意思，依家人地打我巴掌，我要打番人？香港人何時變得咁橫盲無理？唔咪應該正當，光明正大，和平嘅手段去提出你嘅不滿同政治訴求？同埋依家d人冇咩同情心，嗰個燒傷左嘅人話佢收左錢，同埋系特技人？
最後，我覺得整場運動已經變曬質，如果仲盲目支持，我冇野好講，最終受傷系所有香港人，成個社會好難再回復和諧，百害而無一利。
發表於 
返回列表
