近半年打工仔都日日跟貼各大群組，睇邊日會有罷工、路面有咩突發情況先返工，如果有留意，都知今朝本來都有「三罷」行動，但到目前為止，都無咩聲氣話有人罷咗工。
小編問過身邊朋友同睇過好多群組，都話返咗工，聽聞就連中環友都暫停「和你lunch」行動，有人話「全世界都好順」，冬天凍令大家正常返工云云。有人提出，應該搞好工會再罷工，有人就提醒，罷工其實對打工仔自己都好傷，臨近年尾無啦啦罷工，老細要請過人頂你都唔難。
見有打工仔感慨：「要香港人唔返工難過登天，三罷擺到明行唔通，仲要不斷宣傳，其實了唔了解香港人？定係自己無打過工？」
你身邊又有無同事罷咗工呢？
今日仲有好長時間，有咩最新消息，再講大家知。
發表於 
返回列表
