論盡家傭 今日: 5 | 主題: 133718

積分: 1748

1^#

發表於 09-6-5 09:23 |只看該作者 |倒序瀏覽 |打印

我遇上了99與工人的死症，唉..........
昨天晚上收工回家：一開門就見到老公黑曬面，個女係度喊（7歲），個工人抱住個bb，飯都未煮，99就.........離家出走！
咁就拿拿聲問發生咩事，老公話99今朝發脾氣鬧工人，他覺得煩又趕住帶個女去考芭蕾舞試，於是就大聲叫99唔好再吵（因工人由頭到尾無出過聲），99好惱，開始執野話走，老公趕住出門口無再理，帶完個女去考完試又帶個女去健康院檢查，返來就見99執曬野走左，個女唔見嬤嬤係咁喊，打電話俾嬤嬤，嬤嬤話以後都唔返，結果個女喊到我返來，對眼腫曬，我就頭都大埋.......救命！！好煩啊.....

0 0 0

私人傳訊

wttcly

禁止訪問

積分: 6646

2^#

發表於 09-6-5 09:26 |只看該作者

提示: 作者被禁止或刪除內容自動屏蔽

私人傳訊

HWPW

複式洋房

積分: 198

3^#

發表於 09-6-5 09:39 |只看該作者

回覆 1# wttcly 的文章

你奶奶應該唔差噃，你個女唔見左嬤嬤就喊成咁。會唔會老人家平時已經谷谷埋埋，一次過爆哂出黎，先了解件事，再慢愎同奶奶傾。

私人傳訊

積分: 1748

4^#

發表於 09-6-5 09:56 |只看該作者

平時99就緊係對工人有d唔係太滿意既地方，我地都盡量安撫99。但個工人又唔係差，對bb好，肯做野，唔黑面駁嘴，係我面前亦對99好服從。而且每次99投訴，我都會要求工人尊重grandma，甚至講得好清楚：如果grandma唔中意，我都會炒工人（雖然我心裡唔想，因請到個唔差既工人有幾難大家都知，而且d不滿又唔係大事）。我都知99想我撐她，事實上我都撐，但我唔係大聲鬧人個種人，我都係講道理，可能99覺得唔夠卦........

私人傳訊

積分: 1748

5^#

發表於 09-6-5 09:58 |只看該作者

原帖由 HWPW 於 09-6-5 09:39 發表
你奶奶應該唔差噃，你個女唔見左嬤嬤就喊成咁。會唔會老人家平時已經谷谷埋埋，一次過爆哂出黎，先了解件事，再慢愎同奶奶傾。

個女自細嬤嬤湊開，個時未請工人。

私人傳訊

pollyw

侯爵府

積分: 24035

好媽媽勳章大廚勳章

6^#

發表於 09-6-5 10:10 |只看該作者

亞仔大声“喝亞”媽就係亞媽都慶/心痛啦。如你先生肯tum番イ巨老人家,好快会返黎。至於99同工人之間…都是難解決,惟有两邉tum下,攞个平衡。。。

私人傳訊

積分: 1748

7^#

發表於 09-6-5 10:18 |只看該作者

我一知件事都即刻打俾99，問她係咪唔開心，係咪工人激親她。99就投訴工人唔聽話，話她叫工人煲粥俾bb時唔好咁快落菜，但工人就繼續係度切菜。咁我問工人，工人話只係準備定菜，煲好之後再落。我再問工人：「grandma見妳繼續切，有無問點解？有無其它反應？」工人話無。
我問返99，個刻覺得工人無聽她話，有無即刻指出來質問工人，99話無，工人想切由得她切。
哩個就係99對工人不滿既常見例子，我覺得好難話誰是誰非，亦好難就d咁既事大鬧工人，都係叫工人樣樣問清楚d，又叫99樣樣講清楚d，避免誤會。但99就認定工人唔聽她話，類似既情況累積落來，變成死症......

私人傳訊

積分: 1748

8^#

發表於 09-6-5 10:31 |只看該作者

原帖由 pollyw 於 09-6-5 10:10 發表
亞仔大声“喝亞”媽就係亞媽都慶/心痛啦。如你先生肯tum番イ巨老人家,好快会返黎。至於99同工人之間…都是難解決,惟有两邉tum下,攞个平衡。。。

我都明，都叫左，但我老公都好「慶」，因唔係第一次。之前個次又係我做好做醜，tum掂老公去搵99，勸她返來。
今次我老公見個女喊咁耐，又打咁多次電話俾嬤嬤，嬤嬤都唔肯返由得個女喊，火都來埋，話最憎亞媽用走威脅他，死都唔tum，點解人地係婆媳問題，老公做磨心，我係母子問題，新抱煩惱？？？欲哭無淚啊.........

私人傳訊

mylulu007

積分: 15536

9^#

發表於 09-6-5 10:37 |只看該作者

呢個好明顯係爭寵既問題。。。。。。。

99由細湊孫到依家，中間多左個外人，佢令到99地位低左（佢覺得），所以99睇個工人唔順眼（睇佢唔順眼就乜都係唔o岩了），而工人可能又好少同99溝通（基於語言／工人唔識氹老人家／唔識俾位99話事云云）。

引致經常出現雞蛋挑骨情況，為左引起家人注意，佢既地位。

宜家個囝為左工人（佢一定係咁唸啦），大聲喝99，仲要當住工人面前， 99仲唔執野走咩，人要面啊！

個人認為，你先生要氹番99回來（可以借個孫唔見麻麻好傷心，喊到收唔到聲）......，然後要大家坐埋再分配每日既工作，一定要留番d野俾99負責（當然要講到無佢係做唔成咁款啦），例如帶個孫去公園／補習社之類，而工人都要做下大龍鳳，多d俾機會個孫同99一齊，家務方面就多d問99意見（明知故問都要喇，問下99點做），家人多d搵位讚99（湊得孫好，教得工人好乖之類啦）， 99心情好左，自己唔會咁薑。

話晒日抖only工人＋99＋孫，佢地有argue，你地兩公婆真係好難做的。

私人傳訊

mylulu007

積分: 15536

10^#

發表於 09-6-5 10:39 |只看該作者

99嬲到火紅火綠，由佢冷靜一下先，必要時向99身邊人埋手，叫佢地幫口勸下啦，等99態度軟d再直接say sorry。

私人傳訊

pollyw

侯爵府

積分: 24035

好媽媽勳章大廚勳章

11^#

發表於 09-6-5 10:53 |只看該作者

原帖由 anw620 於 09-6-5 10:31 發表
點解人地係婆媳問題，老公做磨心，我係母子問題，新抱煩惱？？？ ...

証明妳是超好老婆同媳婦囉。。這点我都做不到好。゛火″都解決唔到問題。或許,你等自己唔火時,同您先生講以上説話。講真,有邊个媽媽比仔閙唔心痛,更何況您99今次為的是服侍您一家、女女的益處出發,只是approach過份緊張点。你先生都適宜給時間冷静下來オ想通,99行徑是為您地好,到時可能会下火d。我估過幾日你先生会無咁憤怒,到時叫イ巨tum99返都未遲。

待99回來後,試試灌輸99和工人要多將就。知道您已有做特別是工人,不排除你不在時她有恰您99的可能喔,要叫他調整下。

私人傳訊

pollyw

侯爵府

積分: 24035

好媽媽勳章大廚勳章

12^#

發表於 09-6-5 10:55 |只看該作者

原帖由 mylulu007 於 09-6-5 10:37 發表
家人多d搵位讚99（湊得孫好，教得工人好乖之類啦） ...

私人傳訊

積分: 1748

13^#

發表於 09-6-5 11:12 |只看該作者

原帖由 mylulu007 於 09-6-5 10:37 發表
呢個好明顯係爭寵既問題。。。。。。。

99由細湊孫到依家，中間多左個外人，佢令到99地位低左（佢覺得），所以99睇個工人唔順眼（睇佢唔順眼就乜都係唔o岩了），而工人可能又好少同99溝通（基於語言／工人唔識氹老人家／唔識俾位99 ...

我都有努力做功夫tum 99，讚同尊重少不了，面都俾足，家務咩都唔使99，只係當湊下、陪下兩個孫。工人星期六放假，早餐我買，午餐我煮，晚餐叫pizza或出街食，星期日一定叫99去打牌或行街散心，母親節食飯加禮物，最衰就係老公粗枝大葉兼脾氣大，唔識tum自已亞媽，要我執手尾！
個女下星期考試，我怕影響個女既情緒，同老公講叫他認下低威，話曬自已亞媽，唔會有隔夜仇，但一講，我老公仲惱，話99就係特登撿哩個時間來要脅他，唉.........
打俾99，同她講話心情唔好就休息幾日，但下星期可唔可以返來，個孫要考試，又掛住嬤嬤，無心機溫習，99就話下星期每日下午過來一陣，個孫考完試仲掛住她既話可以係她個邊住幾日。

私人傳訊

莎莎莉莉

積分: 17389

好媽媽勳章

14^#

發表於 09-6-5 11:13 |只看該作者

個人經驗, 無得解的
請十個工人, 有D 99一樣都係會咁
只係鬧人程度係輕定係重
我媽咪同99面對同一個工人, 完全係唔同既態度.
根本係性格問題
有些人就係咁, 做野無耐性, 指示不清, 但又心存猜疑.
於是, 對方一做某些不合己意的地方, 就會猜度別人係存心咁做.

我新請呢個工人, 99一樣挑剔, 但係, 我已同工人做定心理輔導, 工人有番咁上下mature, 我想佢都明白, 佢對左我99兩日, 都講番係我99有些少固執, 但as long as佢仲係度做, 佢話會同我99 keep good relationship. 我希望佢真係做到.

呢D死結, 我受過了, 好難頂....

私人傳訊

積分: 1748

15^#

發表於 09-6-5 11:49 |只看該作者

原帖由 莎莎莉莉 於 09-6-5 11:13 發表
個人經驗, 無得解的
請十個工人, 有D 99一樣都係會咁
只係鬧人程度係輕定係重
我媽咪同99面對同一個工人, 完全係唔同既態度.
根本係性格問題
有些人就係咁, 做野無耐性, 指示不清, 但又心存猜疑.
於是, 對方一做某些 ...

我都同工人傾過好幾次，叫她要尊重grandma，也要體會老人家緊張d孫，要求會高d，我返工已好「支力」，返來唔想再有呢d煩心既事，工人都表示明白，會好好同grandma相處。
之前99話工人幾日都唔洗她d衫，我睇返，原來工人分唔同顏色，儲夠一機（我叫既）先洗，所以有幾件99既衫仲未洗。我同99解釋返，又叫工人以後grandma 既衫一定要洗先，折先同燙先，我地個d可以之後做。所以我覺得好多時都係誤會，只要99個刻問下個工人就得，咁99就唔會唔開心。我知99要面，都有婉轉勸下99無謂為工人激壞自已，平時亦有留心觀察工人同99相處既情況，反而覺得工人係怕左99。

私人傳訊

mylulu007