婆媳關係

收藏本版
發帖
返回列表
跳至頁
我想分享我和奶奶的關係   [複製鏈接]

首頁
123

尾頁
   7
happyfamily224


大宅

積分: 2015


1#
發表於 22-2-5 00:01 |只看該作者
本帖最後由 happyfamily224 於 22-2-5 00:07 編輯

我想分享同奶奶由關係要好，直至心病嚴重，無法挽救既過程。

我同老公相識至拍拖約4年至結婚，大家都係來自公屋家庭，父母都唔係有錢人。由於我老公在識我之前，一直未拍過拖，所以當初佢帶我去見佢屋企食飯見父母時，佢父母，亦即係我現在的老爺奶奶都歡天喜地，覺得個仔終於識到女仔。奶奶對我十分客氣，食完又唔駛我幫手洗碗。仲記得結婚當日，佢笑到見牙唔見眼，個仔終於可以聚老婆，有新抱茶飲，真係開心到全日四萬咁既口。

奶奶在我心目中，係一個健談，成日笑，好開心既老人家。在婚後，約一年我就有咗第一胎，仲記得產假時，奶奶已經為咗湊孫而提早退休，仲日日陪住我，有時會同佢兩個人去飲茶，大家都好好傾，覺得奶奶咩嘢都識，見識廣博。我坐月時，又煲米水，又炒薑飯，又煲魚湯，又燉鹿茸，比我媽還用心照顧我。

有老爺奶奶過嚟幫手湊小朋友，所以冇請過工人。三年抱兩後，開始從老公口中聽到奶奶既怨言。奶奶會覺得我好多嘢做得唔好，例如餵梗個細食人奶，唔理個大既。只係湊小朋友，唔識做家務。可能我冇佢想像中傳統婦女三重四德既完美新抱特質，亦係在職媽媽既關係，無論點都做唔到奶奶心目中既好新抱。小朋友細個還好，因為仲未識駁咀。但佢哋開始大個，而家兩個都高小喇！有自己思想同意見，日日就係見奶奶唔係鬧佢哋呢樣就係果樣，而小朋友又會反駁，變得好嘈好嘈。對於一個享往寧靜既我，在這農曆新年長假期放假時，奶奶不用過來幫手，特別覺得寧靜舒適。

我諗大概識咗我奶奶五六年開始，已發現原來奶奶經常會將一啲明明自己唔識既事，講到好認識咁！仲會用好堅定既語氣，好多次都誤會咗以為佢真係知，但最終先發現原來佢係順口開河，亂噏當秘笈。唔識扮識！十分善長吹水認叻。有時老公同姑奶窒佢一窒，佢就會回應「即係咁講啫」。我亦發現佢交際應酬真係有一手，我在屋苑唔太識人，但佢可以響短時間內已經可以識咗好多三姑六婆，亦同啲保安員好熟。

由於日頭小朋友對住奶奶既時間都頗長，所以發生過咩事都會與我分享。早兩年開始，小朋友話我知奶奶經常同啲街坊、保安員講好多人壞話，當中包括有爺爺和我的，我的佔大部分。每次我都會教導小朋友，嫲嫲咁大年紀，如果佢覺得講咗開心舒服，由他吧！小朋友都好乖亦懂事，會戥我唔開心，但我都會放輕鬆心情面對。奶奶生日、母親節，禮物同蛋糕一定唔少得。生活中，有咩coupon或者積分都會送俾奶奶，希望可以透過生活上既細節，令奶奶慢慢減少對我既不滿。我亦會安排佢同我哋一齊去小朋友學校既親子旅行，所以在朋友眼中，呢位奶奶都唔錯呀！但有次從其他家長口中，得知奶奶好鍾意講是非，我哋都係斯文同有文化既人，家長冇特別講是非內容，只係同我講咗句：「你奶奶講嘢真係好難聽」。從奶奶平時行為，我估計到應該都係破口大駡我之類既說話啦！

老爺奶奶都係粗人，說話當中會包含好多粗言穢語。在湊小朋友時比較多，在我和老公放工回來後會收斂一啲！但有時講起嘢上嚟情緒一激動，例如政治話題，一定會加好多助語詞。可能大家會擔心小朋友成日對住佢哋講咁多粗口，咪會有樣學樣？我初時都有呢個擔心，唯有多啲教導佢哋聽就好喇！唔好學爺爺嫲嫲咁講粗口。好彩佢哋都係聽教既，冇有樣學樣。

我生於既家庭，父母同兄弟姊妹都唔講粗口，所以對於別人向我講粗口特別覺得反感。仲記得同老公結婚半年後，因為一啲小時，佢發脾氣仲向我爆埋粗，我嬲到帶埋隻狗返娘家住咗成個禮拜，佢氹返我之後，自此冇試過再用粗口鬧我。

半年前，小朋友同我講奶奶響啲三姑六婆面前講晒粗口鬧我，鬧我「痴X線」、「卜X」、「戇Ｘ九」......我唔知做錯咗咩？都算喇！但佢仲要「X埋我老母」，連我阿媽都鬧埋，我真係好嬲。我同我父母講番，佢哋都話有冇搞錯呀！嬲到佢再同我講啲咩，我都只係以「哦、唔、係咩？唔知呀！」來敷衍回應。我奶奶把口唔講嘢好似會好唔舒服咁，有時放工返到嚟攰想靜靜哋食餐飯，佢係會不停撩你講嘢。有樣嘢我忘記咗講，奶奶在我面前從來唔會表現任何不滿，仲對我好好咁，但在背後就不斷講壞話，惡化至現狀加埋粗口。同啲朋友呻既時候，佢哋都好愕然，因為我好少會同人講奶奶既唔好，就算係老公，都係最近因為我忍唔住先向佢告狀。

上星期小朋友同我講咗件事，令我更加之嬲。奶奶話「xyz$#&@%(%)#叫你哋老豆娶過個仲好呀！」

曾經，我會認為唔會有婆媳糾紛。我平時唔係待佢唔好丫！真係唔知點解會令佢咁唔順眼，可能係人夾人緣，同佢夾唔到啦！

由於奶奶實在令我太反感既關係，前排我生日，為咗唔想慶祝仲要對住佢，所以安排咗早幾日前切蛋糕，一家四口慶祝，感覺好開心！每逢長假期同禮拜六、日聽唔到佢把聲，心情特別舒暢。平心而論，我真係好感謝佢幫我湊小朋友，亦都每晚煮飯同洗埋碗先返屋企，照顧得我哋好好。但係奶奶性格上，把口唔收，真係好難接受得到。曾經想過第時奶奶病又好、要住老人院又好，我都會好好照顧返佢。但係現在，我唔會了。日後既母親節，或者佢生日，我都唔會再預備啲咩喇！灰心到極點！我既分享係咁多，多謝收看。
私人傳訊

free2020


侯爵府

積分: 23949


2#
發表於 22-2-5 00:19 |只看該作者
happyfamily224 發表於 22-2-5 00:01
我想分享同奶奶由關係要好，直至心病嚴重，無法挽救既過程。

我同老公相識至拍拖約4年至結婚，大家都係來 ...

明白你感受，你99真係好虛偽好恐怖，有冇可能請工人取代佢？見少啲佢？長久下去，會好影響你情緒

點評

happyfamily224    發表於 22-2-5 14:19
私人傳訊

Fishqqma


珊瑚宮

積分: 118704

2024年龍年勳章 虎到金來勳章


3#
發表於 22-2-5 00:38 |只看該作者

回覆樓主:

請工人啦，唔好再忍。

點評

happyfamily224    發表於 22-2-5 14:19
私人傳訊

lovebobo


翡翠宮

積分: 92530

2024年龍年勳章 2024勳章 2023年兔年勳章 2018復活節勳章 開心吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 畀面勳章 環保接龍勳章 BK Milk勳章


4#
發表於 22-2-5 01:42 |只看該作者
請工人，唔洗一至五都對住佢，亦唔洗受佢恩惠

點評

happyfamily224    發表於 22-2-5 14:20

私人傳訊

kwhkwh


侯爵府

積分: 23891

2024年龍年勳章 2024勳章 牛年勳章


5#
發表於 22-2-5 02:16 |只看該作者
happyfamily224 發表於 22-2-5 00:01
上星期小朋友同我講咗件事，令我更加之嬲。奶奶話「xyz$#&@%(%)#叫你哋老豆娶過個仲好呀！」...
哇, 你99 把口都幾...極品。
替你心痛。條友有病。

點評

happyfamily224    發表於 22-2-5 14:20
請勿轉載。搬字過紙不是記者的工作，未經同意, 即屬抄襲。
私人傳訊

mcs74


珍珠宮

積分: 32874


6#
發表於 22-2-5 04:39 |只看該作者
其實最簡單係請工人解決到大家心病。佢嫌你唔做家務，咪請個工人做咯。你嫌聽到佢把聲煩咪唔洗佢黎咯。
本來奶奶對你都好好，可能就係相見好’同住'難，遠即是美，大家要保持適當距離。
想當初我同奶奶同住時矛盾都好深，一分開左住少左接觸，大家關係又好返！

點評

happyfamily224    發表於 22-2-5 14:21
cathngai    發表於 22-2-5 10:26
私人傳訊

ggiee


男爵府

積分: 6357


7#
發表於 22-2-5 10:26 |只看該作者
happyfamily224 發表於 22-2-5 00:01
我想分享同奶奶由關係要好，直至心病嚴重，無法挽救既過程。

我同老公相識至拍拖約4年至結婚，大家都係來 ...

自己攞嚟 請工人
私人傳訊

cecelc


水晶宮

積分: 50645

2024年龍年勳章 2024勳章 2023年兔年勳章 畀面勳章


8#
發表於 22-2-5 14:01 |只看該作者

回覆樓主:

點解你仲比佢湊

你唔請工人或比自己呀媽湊？

點評

happyfamily224    發表於 22-2-5 14:22
私人傳訊

happyfamily224


大宅

積分: 2015


9#
發表於 22-2-5 14:09 |只看該作者
ggiee 發表於 22-2-5 10:26
自己攞嚟 請工人

你講嘢都幾難聽喎
私人傳訊

happyfamily224


大宅

積分: 2015


10#
發表於 22-2-5 14:15 |只看該作者

回覆樓主:

我生小朋友後，都向老公提議過幾次不如請工人，但請工人其實都要考慮好多問題，一嚟屋企冇位住多個人，二嚟家務我老公鍾意親力親為，三嚟唔想小朋友多多少少會依賴咗工人，不過最大原因都係我哋唔想有個外人一齊住。我其實都係想上嚟呻下，等多兩年小朋友上晒中學，就唔駛辛苦99老人家過嚟幫手。我相信見少啲，關係自然好。多謝大家咁有耐性睇我篇長文同回應
私人傳訊

秋天與楓葉


珍珠宮

積分: 32599


11#
發表於 22-2-5 14:35 |只看該作者
恕我直言
一隻手掌拍唔響

你奶奶講嘢係好難聽，但係奶奶幫你湊兩個小朋友湊到高小，都湊咗成十年，如果奶奶湊得唔好，相信你都唔會俾奶奶湊咁多年

由第二胎出世，你已知奶奶不滿你家務做得少，而你依加都要奶奶每晚煮飯、洗碗，多年嚟家務都係奶奶做嘅多，難怪奶奶日積月累愈來愈不滿

我媽見親我，都係鬧家姐懶旨意佢湊b、唔做家務要佢做晒，老人家做得辛苦見人就呻，但一邊鬧、一邊幫，其實錫孫又錫女


針無兩頭利，唔想咁多婆媳糾紛首要自立

點評

happyfamily224    發表於 22-2-6 19:11
私人傳訊

周小桃


大宅

積分: 2221


12#
發表於 22-2-5 16:04 |只看該作者
happyfamily224 發表於 22-2-5 00:01
我想分享同奶奶由關係要好，直至心病嚴重，無法挽救既過程。

我同老公相識至拍拖約4年至結婚，大家都係來 ...

有無俾錢她塞住她把口？
私人傳訊

周小桃


大宅

積分: 2221


13#
發表於 22-2-5 16:09 |只看該作者
free2020 發表於 22-2-5 00:19
明白你感受，你99真係好虛偽好恐怖，有冇可能請工人取代佢？見少啲佢？長久下去，會好影響你情緒
...

我同你一樣，都好討厭d人對住你無嘢，但背後講你是非，插你幾刀的恐怖女人。
私人傳訊

Helloyanyan


複式洋房

積分: 179


14#
發表於 22-2-5 16:16 |只看該作者
回覆 happyfamily224 的帖子

好明白你感受，奶奶實在要保持適當安全距離。Anyway, 加油呀！

點評

happyfamily224    發表於 22-2-6 19:13
私人傳訊

happystich


子爵府

積分: 10759


15#
發表於 22-2-5 16:19 |只看該作者

回覆樓主:

其實佢唔滿意你嘅根源係邊到？
會唔會例如佢幫太多手 或你俾錢俾唔足
慢慢形成左佢嘅怨氣 又要幫又要怨咁

你奶奶咁樣唱你呢個做法係好錯好唔岩
但如果個根源係解決到嘅話
大家開心又何樂而不為

點評

happyfamily224    發表於 22-2-6 19:14
私人傳訊

我愛Corina


瑪瑙宮

積分: 134435

2024年龍年勳章 2024勳章 好媽媽勳章 醒目開學勳章 環保接龍勳章


16#
發表於 22-2-5 16:58 |只看該作者
秋天與楓葉 發表於 22-2-5 06:35
恕我直言
一隻手掌拍唔響

就係啦，我奶奶夠成日同人講佢d 女麻鬼煩（唔知背後有冇講我),實際錫到佢地燶。

點評

happyfamily224    發表於 22-2-6 19:14
私人傳訊

Fishqqma


珊瑚宮

積分: 118704

2024年龍年勳章 虎到金來勳章


17#
發表於 22-2-5 17:14 |只看該作者

回覆樓主:

或者請個鐘點。

點評

happyfamily224    發表於 22-2-6 19:15
私人傳訊

mimi987


侯爵府

積分: 23671


18#
發表於 22-2-5 17:30 |只看該作者
happyfamily224 發表於 22-2-5 00:01
我想分享同奶奶由關係要好，直至心病嚴重，無法挽救既過程。

我同老公相識至拍拖約4年至結婚，大家都係來 ...

既然你都話好感激99照顧得你一家咁多年好好，佢只係四圍講你是非，咁我覺得你都應該照顧返你99晚年咁好，你同樣可以用口係99耳仔外鬧，但唔係搵藉口唔照顧返6299。
佢既付出係實在既，你都應該付出返實在既。
憑空鬧人，你都可以四圍同人呻話你99幾咁虛偽幾咁衰，實際野我諗你應該要做返足

點評

happyfamily224    發表於 22-2-6 19:15
私人傳訊

cecelc


水晶宮

積分: 50645

2024年龍年勳章 2024勳章 2023年兔年勳章 畀面勳章


19#
發表於 22-2-5 19:25 |只看該作者
mimi987 發表於 22-2-5 17:30
既然你都話好感激99照顧得你一家咁多年好好，佢只係四圍講你是非，咁我覺得你都應該照顧返你99晚年咁好， ...

又係喎
雖然背後講樓主是非
但99又真係有湊小朋友有煮飯有洗碗

點評

happyfamily224    發表於 22-2-6 19:15
私人傳訊

farm712


男爵府

積分: 7451


20#
發表於 22-2-5 22:26 |只看該作者

回覆樓主:

高小可以放在補習社，放工先自己湊番。唔洗請工人都 ok 。家務同老公一齊做，或 train小朋友做，我大仔 (小五) 放假都會煮早餐，洗碗，同丢垃圾。
難得你老公都同意請工人，係我我寧可請。
你叫老人家做你做的事，都預咗有說話要聽，但適當時候都要反映下對對方的意見，(當然係有技巧地) 比著我，會開心見成同奶奶講，有甚麼可以改善的空間，講完加多句，會大家協調好啲，但叫佢唔好周圍唱你，等你都知你對佢都有意見。

點評

happyfamily224    發表於 22-2-6 19:16
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見