goodbabi 發表於 22-6-13 07:58 
我公司都行緊hybrid work
WFH 應該係強制某啲日數要在家
Hybrid應該係未來工作模式趨勢，以前我公司東岸果邊已經有同事係行hybrid甚至WFH，部份係因為工作出外勤多，個位成日都冇人坐唔符合經濟原則，有部份係工種唔需要日日喺公司，做嘅嘢只要有電腦同電話就做到，好多同事反而歡迎呢個做法，唔駛每朝晨早起身返工，有同事係每日單程3小時返工3小時放工。
後來辦公室全面變成open office，原本一行六個位，拆咗partition，打橫分成兩個位，中間加咗D矮櫃分隔，最後6個位變成10個位，坐房嘅只要唔係日日喺公司做嘢又變成兩個人一間房。今年我個辦公室租約期滿，已經話會搬，之後變成你講果種hot seat，全部人都冇指定座位，每人一個locker，到時一人一部laptop加headset，每次返工就喺locker拎laptop同headset出嚟，自己揀位坐，埋枱插制就開得工，又可以帶部laptop返屋企，不過我就唔會帶，一陣唔見就麻煩。
消息一出，原本好多同事覺得hybrid係OK嘅話寧願以後都行remote WFH。
P.S. 我住美國，WFH咗兩年，hybrid咗三個月。
花旗太太生活在花旗國，留意時差，你問我未必即時答到。
發表於 
返回列表
