美容扮靚 今日: 66|主題: 136644

係未做之前已經睇左好多個月資料，大致上有幾點要留意，抽取組織數量、衛生問題、過程所用既野是否即場開封、局部打定係全頭打、有冇額外收費、頭皮情況係咪仲可以做依個療程等等

我係頭頂開始甩頭髮，醫生睇到我個case話算係嚴重，但係後尾枕既頭髮都仲係健康，所以佢會幫我做，係選擇過程中，見到有啲以嚴重程度收費（抽取組織數量要多啲），我去呢間之前已經睇到有人抽左8粒都係一樣收費，所以大啲信心，自己知情況唔係輕微，唔似抽得少，不過醫生都有講佢要睇情況而定唔一定抽得多打得多係好事，一來後尾枕會多左傷口，姑娘都有講唔好諗住打得多就抵啲，但最後我都係抽8粒嘅人

有搵到啲人話啲頭或者用品會re use …..我做時睇住係唔係即時開封，呢種技術算係微創，衛生程度要求高，我建議大家搵診所做，另外睇過唔同分享，有d醫生做局部打有d會全頭打，我選擇全頭打，醫生再係嚴重位置打多幾針。