吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 小四女生學芭蕾舞

自由講場今日: 4017|主題: 1301190

收藏本版

發帖

返回列表

跳至頁

查看: 8636 | 回覆: 75

12 3 4

積分: 1629

1^#

發表於 22-11-18 11:51 |只看該作者 |倒序瀏覽 |打印

我囡由K2 開始學芭蕾舞，多年來跟過三間機構，轉到最後呢間我覺得老師和同學仔的表現都唔錯，機構無咩問題。
阿囡想繼續學跳舞，但奈何唔鍾意拉筋

唔拉筋就跳得唔叻，每個動作都做得差過同學，人地做到一字馬佢只做到V字，所以被人笑；另外其他同學由細細個已經開始一齊學，佢呢一年半載先加入，埋唔到堆，好唔開心喊住咁話要轉機構⋯

我：轉機構無用架，你都已經唔係初級，去到其他機構嘅同學仔都一樣已經跳左好多年；何況你嘅問題係跳得差比人笑，去到邊都係咁架啦！
囡（喊住咁講）：係呢到啲小朋友先係咁…其他地方啲小朋友唔係咁…

0 0 0

私人傳訊

soyan0409

大宅

積分: 1629

2^#

發表於 22-11-18 11:52 |只看該作者

我：其他地方即係邊到呀？你學校牙？你去到每一個地方都要知道自己嘅定位，你喺學校考全級頭幾名嗰啲叫「上把位」，你有好成績嘅前提下，唔使做任何野其他同學都會主動走黎同你傾計做朋友，就算有小瑕疵老師都唔會鬧你，你咪感覺良好囉；你喺芭蕾舞學校，跳得唔好即係處於「下把位」，你要性格良好例如會幫人鼓勵人讚美人，主動做好自己先會令其他人有興趣同你相處做朋友，做得唔好老師對你惡啲想你進步都好正常，如果你又唔叻性格又唔好，邊個會想同你一組呢？
囡：有人跳得仲差過我都有朋友，佢性格都唔係特別好….

私人傳訊

soyan0409

大宅

積分: 1629

3^#

發表於 22-11-18 11:53 |只看該作者

我：咁你有無同人講過「跳舞叻有咩咁巴閉，我間小學勁過你，我啲英文叻過你」？
囡：…….
我：群體活動自然有比較，做得比人差就會傷自尊心有hard feeling，又有同人相處的問題；你彈琴都唔係特別好，只係同老師一對一先無出事。你想改善呢個情況，你除左每星期跳舞嗰兩個鐘之外，要付出更多時間拉筋，現階段唔好講話要叻過人，至少要做到同其他同學同等水平先，如果唔係你都唔會有運行。
囡：拉筋搞到我隻腳好痛，仲有我聽到啲小朋友講自己平時喺屋企都無拉筋…….
我：你想唔拉筋就做到人地啲動作，我幫你唔到。

私人傳訊

soyan0409

大宅

積分: 1629

4^#

發表於 22-11-18 11:54 |只看該作者

其實我地學芭蕾舞嘅目標係希望體態優美同生活中有些動態的活動，唔期望比賽表演有獎攞…其實值唔值得堅持落去呢？我地係雙職父母平日放工返到屋企係夜晚九點十點嗰隻，放假有時間都用黎跟功課溫習，陪佢拉筋係好奢侈，又要處理佢啲情緒真心攰….
另外跳舞學校的同學由唔friend 變做friend 好高難度，阿囡佢對跳舞係OK，但同學們又好影響佢嘅情緒，各位JM 認為好唔好真係轉過另一間機構重新開始呢？如果唔轉，阿囡可以有咩行動去建立大家友誼呢？
最後想請教下究竟點練習先可以跳舞跳得叻啲

請多多指教

私人傳訊

hkgra

伯爵府

積分: 19992

2024年龍年勳章

5^#

發表於 22-11-18 11:55 |只看該作者

好睇小朋友性格, 由其準備進入青春期, 最緊要保持良好關係。
芭蕾舞純粹係興趣, 定本身有其他用途? 興趣既咪最緊要係學得開心, 有其他用途就放多少少心機同小朋友解釋

私人傳訊

Gorgor0612

珍珠宮

積分: 42323

2024年龍年勳章 2024勳章畀面勳章

6^#

發表於 22-11-18 11:58 |只看該作者

回覆樓主：

本帖最後由 Gorgor0612 於 22-11-18 12:11 編輯

一字馬係跳舞最基本功！做唔好轉咩機構都無用，莫講話有無天份

唔肯拉根唔會做到，唔關其他嘢事！不如睇下佢係咪真係有興趣繼續學！學跳舞拉筋係無得避，叻唔叻某程度係天份，我囡囡都有學跳舞，學左7年唔係特別叻，我就目的比佢活動下增加自信！至於同學關係唔係好互動

因停左好耐實体課！女仔堆又麻煩D嘅！停實體課令考試兩個grade原本分兩年嘅跳舞考試只相隔一個月就考，太趕啦！最後我比囡囡決定再繼續定停，佢決定唔繼續，我尊重佢決定！反正當時又忙呈分試！So far 無咩後悔，因為比佢學跳舞嘅目的已經達到！

私人傳訊

Mimmy

珍珠宮

積分: 40432

2024年龍年勳章育兒性格勳章畀面勳章

7^#

發表於 22-11-18 12:06 |只看該作者

正如好多時都有家長反映小朋友中意學琴彃琴, 但又唔中意綀琴
好多小朋友只係期望自己可以做到表演者, 但又唔肯付出
轉幾多個老師幾多間機構都解決唔到根本問題
作為媽媽你解釋比個女知得好清楚呀, 比個讚你

如果唔係有特別用途, 希望將來搵到飯吃, 咁就考慮下到底學唔學或轉學其他野
小學生放學後/假日時間好珍貴, 唔好浪費錢同時間

私人傳訊

Gorgor0612

珍珠宮

積分: 42323

2024年龍年勳章 2024勳章畀面勳章

8^#

發表於 22-11-18 12:27 |只看該作者

回覆樓主:

其實唔好太介懷跳舞堂識唔識到朋友，好多基本上一早已經認識，之後先一齊報學跳舞！所以唔熟未必關你囡囡事！佢响學校有無人缘問題？不必太介懷

私人傳訊

SandyKL

琥珀宮

積分: 151837

9^#

發表於 22-11-18 12:30 |只看該作者

回覆樓主：

本帖最後由 SandyKL 於 22-11-19 17:35 編輯

你阿女捱唔到苦，跳舞唔啱佢，芭蕾舞係最辛苦嘅舞，佢仲要計較與同學夾唔夾，睇得出佢冇天份又唔想付出，及早轉其他興趣班吧！

睇樓主你咁教佢，話小學叻過人，英文好過人，佢仲難出去同其他人相處，睇嚟佢比較自我，所以才被其他同學孤立。

P.S. 阿女同你阿女一樣，K.2開始學芭蕾舞，一直係同一機構度跳，今年20歲，考至A1，向A2進發。多年來冇投訴同芭蕾舞同學相處，但有話老師係咁執佢錯處，我話佢老師肯執佢即佢有潛質，唔掂果啲老師都費時執，依家幫老師做兼職助教。

私人傳訊

soyan0409

大宅

積分: 1629

10^#

發表於 22-11-18 12:32 |只看該作者

hkgra 發表於 22-11-18 11:55
好睇小朋友性格, 由其準備進入青春期, 最緊要保持良好關係。
芭蕾舞純粹係興趣, 定本身有其他用途? 興趣既 ...

係啦，就係無咩大用途，
阿囡覺得跳舞啲姐姐好靚，
我就覺得比佢郁下唔好成日縮喺屋企做補充，
本身諗住無咩壞處，估唔到搞到咁唔開心

私人傳訊

hkgra

伯爵府

積分: 19992

2024年龍年勳章

11^#

發表於 22-11-18 12:36 |只看該作者

回覆 soyan0409 的帖子

甘如果只為興趣, 阿女又學得唔開心, 就轉啦~但都要教下小朋友正確面對事情既態度

私人傳訊

soyan0409

大宅

積分: 1629

12^#

發表於 22-11-18 12:37 |只看該作者

Gorgor0612 發表於 22-11-18 11:58
一字馬係跳舞最基本功！做唔好轉咩機構都無用，莫講話有無天份唔肯拉根唔會做到， ...

我都喺到諗梗呈分試先係最重要，
跳芭蕾舞無實際用途佢又玩得唔開心不如唔好浪費時間啦，我又可以慳返啲學費，但又唔想比佢覺得遇到困難就可以放棄，畢竟放棄係好容易，堅持係困難麻

私人傳訊

ChaBean

男爵府

積分: 9950

13^#

發表於 22-11-18 12:38 |只看該作者

回覆樓主:

試下轉學其他舞，如拉丁，街舞，kpop，呢d通常舞紀大少少先開始

私人傳訊

sunnykiwi

男爵府

積分: 9666

14^#

發表於 22-11-18 12:44 |只看該作者

SandyKL 發表於 22-11-18 12:30
你阿女捱唔到苦，跳舞唔啱佢，芭蕾舞係最辛苦嘅舞，佢仲要計較與同學夾唔夾，睇得出佢冇天份又唔想付出，及 ...

非常認同。
Ballet 係要好捱得苦，如果佢真心鐘意，再加屋企人支持鼓勵，佢會捱到落去之餘亦都享受個過程。
樓主嘅說話去教小朋友，我自問唔會咁講，我只會將個焦點去佢度，同佢傾下要有好成績，一定要下苦工，亦都教佢明白，世事好多時都唔係話你努力就一定有成果，更何況你唔肯努力。
唔好講其他人唔拉筋都做到一字馬，人嘅身體構造個個唔一樣，有人天生就筋軟，比較冇意思。
我女由 3歲跳到差唔多 DSE, 已經考哂所有級，仲要佢小學同中學都係勁chur 嘅學校。
好好同小朋友再傾下。

私人傳訊