吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 好氣餒，點解我人生搞成咁？

單親天地今日: 0|主題: 18279

收藏本版

回覆發帖

返回列表

跳至頁

查看: 40847 | 回覆: 60

好氣餒，點解我人生搞成咁？ [複製鏈接]

12 3 4

AudiQ7

大宅

積分: 1175

1^#

發表於 23-10-8 00:45 |只看該作者 |倒序瀏覽 |打印

80後嘅我，前半生唔算好風光，但都叫順利，讀書工作人際都中等。一切一切就由結婚之後，人生大逆轉。

我自問乜都中規中矩，大家要知道，因當時你嘅人生無乜經歷過所謂嘅難關，其實就會煩埋啲無謂嘢。廿尾嘅時候，同男朋友分左手，當時身邊嘅朋友結婚嘅結婚，生仔嘅生仔，但我就甩拖。唔知各位80後係咪同我一樣，當時嘅人，個個係度催婚。真係好大壓力，親人，身邊朋友….

如果人生可以重來，我打死都會叫自己唔好心急結婚。我一生人，最最最後悔嘅決定。我嘅人生，就係結婚之後，跌左落谷底……

0 0 0

私人傳訊回覆引用

AudiQ7

大宅

積分: 1175

2^#

發表於 23-10-8 00:59 |只看該作者

AudiQ7 發表於 23-10-8 00:45
80後嘅我，前半生唔算好風光，但都叫順利，讀書工作人際都中等。一切一切就由結婚之後，人生大逆轉。

我自 ...

記得當時年近30了，生活正常，工作正常，就係成日比人問住拍拖未，結婚未，仲比人話要求唔好咁高了，年紀大了，再唔結生仔就遲，真係好煩好煩。

點解當時無人教我，一個人其實無所謂？咩係婚姻？唔係拍劇，兩個人就咁鐘意，就可以結婚生活，過住幸福快樂嘅日子。婚姻係生活，係合作，遇到個岩嘅錫你嘅，就算辛苦，都叫有個人共同過日子。遇到個唔岩嘅，簡直係惡夢，增加煩惱，痛苦。

當時甩拖嘅我，好唔開心，又心急。好快，係一個朋友生日會上，遇到一個男仔。其實當時係覺得佢唔岩自己，佢攞左我電話，好快約我出街。我記得，我當時係拒絕的。

私人傳訊回覆引用

AudiQ7

大宅

積分: 1175

3^#

發表於 23-10-8 01:11 |只看該作者

AudiQ7 發表於 23-10-8 00:59
記得當時年近30了，生活正常，工作正常，就係成日比人問住拍拖未，結婚未，仲比人話要求唔好咁高了，年紀 ...

呢個男仔係我朋友男友嘅兄弟，佢哋識左十幾年。雖然，我唔係一個介意外在條件嘅人，當時年少氣盛，自問可以養活自己，唔洗靠人，所以對另一半無乜要求。當時，覺得佢唔岩嘅係因為佢好內向，我係外向；生活圈子又唔同，我哋真係完全活係兩個世界。工作，學歷，見識，完全完全兩個世界。

當佢約我嘅時候，我係想拒絕的，但朋友嘅男朋友就叫我試下出去，因為識左佢十幾年，佢話個男仔唔花弗，係一個好人，叫我當識多個朋友，試下出去。結果，剛甩拖嘅我就決定，真係試下….

性格唔同，話不多，簡單。當時佢比我嘅感覺就係咁。

私人傳訊回覆引用

AudiQ7

大宅

積分: 1175

4^#

發表於 23-10-8 01:19 |只看該作者

AudiQ7 發表於 23-10-8 01:11
呢個男仔係我朋友男友嘅兄弟，佢哋識左十幾年。雖然，我唔係一個介意外在條件嘅人，當時年少氣盛，自問可 ...

如果你問我，點解到最後會起埋一齊？我當時只係覺得，佢好簡單，佢朋友唔多，簡直一個起兩個止果種。我上一個男朋友控制慾好強，對我好有要求，條件好，學歷好，但對我好多要求，其實我都辛苦，好多時做唔返自己。但當我遇到一個完全唔同嘅男仔，佢唔管我，又就我，我覺得好舒服，好自在。我又唔洗靠人，唔係要過大富大貴生活。佢比我覺得，我可以話事，鐘意點就點，做自己，其實我要求好簡單，就咁…我就決定試下。

好快好快，拍拖三個多月，佢就提出結婚。當時嘅我，結婚係人生目標，個個都結婚，朋友親人又催，竟然有個人話要同我結婚。而且對對情侶初初一齊都係蜜月期…

私人傳訊回覆引用

AudiQ7

大宅

積分: 1175

5^#

發表於 23-10-8 01:28 |只看該作者

AudiQ7 發表於 23-10-8 01:19
如果你問我，點解到最後會起埋一齊？我當時只係覺得，佢好簡單，佢朋友唔多，簡直一個起兩個止果種。我上 ...

我問自己，我追求嘅係乜？答案係簡簡單單過日子。兩個人，公一份，婆一份，過生活。而佢，簡簡單單，應該無問題掛？

相處時間短，理性嘅人都知，好多嘢其實你未睇清楚。但當時嘅我，一心幻想結婚，同婚後生活，唔洗再比人催，以為可以好簡單。你問我，身邊無朋友反對咩？當然有。叫我唔好咁急。直到今日，我有個閨蜜直頭同我講，一開始已覺得你哋唔岩，呢個男仔根本襯你唔起，但當時你哋已經去到談婚論嫁，明示暗示左你，但你都完全唔覺，我點好意思叫你唔好結…….

私人傳訊回覆引用

AudiQ7

大宅

積分: 1175

6^#

發表於 23-10-8 01:35 |只看該作者

AudiQ7 發表於 23-10-8 01:28
我問自己，我追求嘅係乜？答案係簡簡單單過日子。兩個人，公一份，婆一份，過生活。而佢，簡簡單單，應該 ...

中間嘅嘢就唔好講了，但從搞結婚時我已經覺得唔對路。係，我鐘意佢簡單，鐘意可以做自己唔比人管，但都未至於….乜都唔管唔理….。點解結婚好似得我一個人結咁？乜都我一個人搞晒？話晒事？

由於佢嘅經濟條件唔太好，當時我嘅收入係佢兩三倍，所以就算結婚大部分嘅錢都係我出。呢個我無怪佢，因為我識佢時都知佢條件，如果我係要經濟能力嘅人，佢一開始就已經failed 。

直接跳到婚後…，生左一仔一女，唔理屋企，賭錢，欠債，最後家暴。這就是我婚姻嘅下場。

私人傳訊回覆引用

AudiQ7

大宅

積分: 1175

7^#

發表於 23-10-8 01:44 |只看該作者

AudiQ7 發表於 23-10-8 01:35
中間嘅嘢就唔好講了，但從搞結婚時我已經覺得唔對路。係，我鐘意佢簡單，鐘意可以做自己唔比人管，但都未 ...

結婚之後，其實好快發現好多問題。收入少，唔代表唔負責家庭。個個月我包辦晒屋企所有開支，係「所有」。佢仲要問我攞錢。我話完佢之後，佢出糧就象徵式，入二三千去聯名戶口，轉個頭就㩒五六千走。月尾出糧，唔夠一個星期就問我有無一二千借比佢。最後，我發現佢原來賭錢。

識佢嘅時候，知佢有玩馬仔，但佢話只係玩下，仲開個馬會戶口比我睇，一百幾十。咁我覺得個人娛樂，無問題啦⋯⋯。原來一切都係假象。

細節真係好難講清楚，到最後嘅最後，呢段婚姻帶比我嘅係，岩岩分居夠兩年，單親媽媽，帶住兩個小學生，回娘家投靠年老父母。

私人傳訊回覆引用

AudiQ7

大宅

積分: 1175

8^#

發表於 23-10-8 01:56 |只看該作者

AudiQ7 發表於 23-10-8 01:44
結婚之後，其實好快發現好多問題。收入少，唔代表唔負責家庭。個個月我包辦晒屋企所有開支，係「所有」。 ...

人生嘅下半場，人到中年，我失婚，疫情時仲失埋業，一直靠散工過活，父母一直擔心我日後生活，佢哋唔係有錢人，老豆因為我，七十歲人都要繼續做嘢。我一個人，帶住兩個小學生，前路茫茫….

最近，發現自己有情緒問題，唔敢同人講，每日都係度煩還債，生活，日後點過….

原來，我無過過正常日子都快十年了。點解我人生搞成咁？好失敗。

我好想翻生，但我無能為力。我無數次想唔面對，想過了結自己。但面對兩個小朋友天真同無憂無慮嘅笑容，我覺得好對佢哋唔住。如果無左我，佢哋點算？我年老父母點算？

晴天霹靂嘅係，老豆可能年紀大，都捱出病來了。

私人傳訊回覆引用

AudiQ7

大宅

積分: 1175

9^#

發表於 23-10-8 02:08 |只看該作者

AudiQ7 發表於 23-10-8 01:56
人生嘅下半場，人到中年，我失婚，疫情時仲失埋業，一直靠散工過活，父母一直擔心我日後生活，佢哋唔係有 ...

我真係好想過返啲正常日子，失婚，工作不穩，欠債，兩個小朋友，自己有情緒問題，連老豆都病埋，大家叫我仲點過日子…….？

我發現我最近好唔想走出街，唔想見到任何人，有恐懼症，為左生活無辦法頂硬上。好唔情願咁出去，一出去週身唔自在，仲有啲頭暈，戴口罩，戴帽先有安全感。

我嘅人生，係咪已經玩完？我唔知我可以捱幾耐？但我活得好痛苦，好痛苦…….

點評

ohmygosh

發表於 23-10-8 22:20

私人傳訊回覆引用

dougiewoodie

大宅

積分: 2484

2024勳章

10^#

發表於 23-10-8 04:16 |只看該作者

我是近60歲的男人, 建議你為了兩個小朋友, 你爸爸, 好好地生活下去, 而且, 不要再相信男人. 有錢的男人花心, 無錢的男人很多頹廢或想吃軟飯. 人到了中年便是這樣種種不如意, 生活艱辛，看來沒有希望, 身邊的人沒有一個可以倚靠, 但是希望你在悲哀中, 會想到你爸爸會希望你好好地快樂活下去.

私人傳訊回覆引用

orchardroad

別墅

積分: 570

11^#

發表於 23-10-8 04:16 |只看該作者

回覆 AudiQ7 的帖子

抱抱你，往者不可諫來者猶可追，能否申請綜援或津貼，你爸為了你都堅持下去，請你也不要放棄

私人傳訊回覆引用

AudiQ7

大宅

積分: 1175

12^#

發表於 23-10-8 09:25 |只看該作者

dougiewoodie 發表於 23-10-8 04:16
我是近60歲的男人, 建議你為了兩個小朋友, 你爸爸, 好好地生活下去, 而且, 不要再相信男人. 有錢的男人花心 ...

如果我早啲明白呢個道理就好。坦白講，我連正常生活都無，又點可能好好生活。

私人傳訊回覆引用

dougiewoodie

大宅

積分: 2484

2024勳章

13^#

發表於 23-10-8 10:08 |只看該作者

本帖最後由 dougiewoodie 於 23-10-8 10:15 編輯

AudiQ7 發表於 23-10-8 09:25
如果我早啲明白呢個道理就好。坦白講，我連正常生活都無，又點可能好好生活。
...

到了快40歲, 疫情3年經常失業找不到穩定工作, 我的人生建議是, "if you can't beat them join them". 有些機構你可能以前沒有想過會去加入, 覺得這種機構和你做人原則不同, 但是到了這個境地, 是沒有辦法的. 只要不犯法, 不是教唆他人犯法而很少人喜歡做這工作璄境, 工作會較穩定(因為一般這種機構找員工幫他們賺錢不是他們首要目標, 所以不會因機構財政困難而削減人手). 而且你是二個孩子之母, 他們也不會找你做些噁心或危險的事.

私人傳訊回覆引用