yinyat 發表於 24-4-10 10:16
20年前有位女仔朋友介紹一位男仔我識,我都有同呢位男仔出嚟約會的,其實我當時搵緊工又迷惘,又加上自卑心作祟,因他是碩士生。我只係諗自己沒有體會佢, 可能對他忽冷忽熱 。有一日 這位女仔朋友同我講如對他沒有意思,就不要再搵他啦,你揀人時人揀你, 至此我就沒有再搵呢位男仔,連呢位女仔朋友我都沒有再搵了。如果 當時我有同呢位男仔講出我嘅感受,個結局會唔會唔同咗呢?!當時 有咁叻嘅男仔鍾意我其實三生有幸啦!唉!自己當時真係太唔識諗啦!我而家咁講其實唔係後悔無同呢個男仔一齊,而係 後悔無咗呢個女仔朋友。 我個舊電話又冇咗以前又冇facebook,我都唔知仲有咩辦法可以再搵回她,希望呢個女仔朋友都會睇baby kingdom啦!可樂小姐我真係好想搵番你呀!