吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 完滿結束我1年嘅餵人奶生活.....(各位奶媽加油呀!) ...

母乳餵哺今日: 0|主題: 85693

收藏本版

回覆發帖

返回列表

跳至頁

查看: 2136 | 回覆: 39

完滿結束我1年嘅餵人奶生活.....(各位奶媽加油呀!) [複製鏈接]

ssiu777

大宅

積分: 1682

1^#

發表於 09-6-30 18:03 |只看該作者 |倒序瀏覽 |打印

踏入Marcus一歲的生日,亦都係我餵人奶一年的時刻,
而亦係我結束餵人奶的階段........真係難捨難離.....心情好矛盾...
記得自己初初陀住Marcus個時,已經決定咗要餵人奶,
上好多講座,了解同認識餵人奶的好處,雖然唔知自己得唔得,
但我好有信心,一定餵到.......
好快Marcus搶閘出世...突如其來的早產,令我原本諗住出世30min之內,
埋身餵奶的美夢破滅,再者更大嘅打擊,係我根本唔可以,
除時除地去照顧&餵奶比我心愛的兒子.....因為佢要入深切&特別病房,
時間加起黎,長達住院2個月......每日我只有好努力+勤力去泵奶......
Marcus出咗世,我唔可以餵佢,係住院期間,亦只可以每日見佢2個鐘,
仲要係同Honey輪住見,唔可以同一時間1家3口見面,
個種心情,其實老實講....真係好難受,記得出世第一日,我去深切病房見佢,
當時我都唔知邊個係我個仔,但作為媽媽,我一眼就認出,其中一個姑娘抱住佢,
仲同佢拍緊風(真係拍拍聲架...),我想行過去抱下.....
個姑娘好大聲叫停我.....叫我企返去個bb暖箱個度等......
當時我心情真係好down.......到佢地放番bb入箱...我傻傻咁望住佢...
一個只有4磅重...收咗水就仲輕的初生b,個口挿咗條喉.......
我企係側邊..........望住佢.......我念經比佢,希望佢加強生命力,
突然,有個姑娘問我想唔想抱下佢,我好突然,我問:可以咩...我可以抱佢咩...?
佢話,你係佢阿媽,當然可以喇.....個一刻,我忍唔住...我喊喇......
第一次抱住我自己個仔.....由我個肚出黎.....咁瘦咁輕.....
我好小心,好怕整親佢.....................................................
往後的日子,因為Marcus一直未出到院,泵奶...攞d奶上醫院,
就變成我每日的工作........因為一直未有埋身啜奶,
為咗自己上奶好d,我每日都會泵奶10次以上,作用就好似有bb埋身吸啜一樣,
不過,始終係未有埋身啜過,上奶的情況都唔會太好.....再加上壓力,
因為Marcus的瞼黃,膽管塞的問題,一直煩擾住我,出入醫院的壓力,
所以我嘅人奶路,真係好難行...............但為咗佢,我都會堅持.
可能bb知我好想親身餵奶比佢,當佢出院時,雖然食過奶粉,用過奶樽,
但佢竟然都識埋身啜,仲啜得好叻下....真係好開心....我唔怕辛苦,1個鐘餵一次,
晚晚佢爬係我身上瞓,一肚餓我就比佢啜,有一期,我真係可以全人奶比到佢,
但因為佢一直瞼黃,健康院/醫院都開始唔鼓勵我餵人奶喇........
個一刻,心情又再一次down,想佢快d去除瞼黃,為有補奶粉,
每次見佢飲奶粉,我心情真好傷心.......好唔想.....但自己又唔夠奶.....
(以為唔夠,其實係一定夠...大家想餵人奶的mommy,堅持&信自己係最緊要.)
因為身邊有太多聲音去叫你補奶粉......在抵不住壓力之下....
我放棄喇..補喇....,但我堅持只要我係屋企,就一定要埋身餵,餵完佢唔夠飽先補......
當Marcus証實係無膽管塞....而我產假又放完之後,
我就開始咗返工每日泵奶的日子 ............
1. 7:00am 埋身餵
2. 10:00am 公司泵奶
3. 1:00pm 埋身餵(office好近屋企)
4. 4:00pm 公司泵奶
5. 7:00pm 埋身餵
6. 11:00pm 埋身餵
7. 3:00am 埋身餵
以上哩個schedule維持咗半年.........半年後,Lunch唔可以返去埋身餵喇,
因為之前只係同公司講咗直到12月lunch放多半個鐘,咁12月完咗,
1月就唔可以再lunch返去餵,就為有lunch係公司泵多一次,
7個月,Marcus自己戒夜奶........10個月朝早餐奶都戒咗......
11個月放工後的埋身餵都少咗喇...因為佢成日顧住玩......
不過,有時都仲會想啜下嘅........
12個月.....我已經無泵奶一個星期喇....琴日比佢埋身啜....
佢已經好似唔識啜咁........哩一刻,應該係自然離乳喇.......
我心情好矛盾...........
係餵人奶初期,因為太辛苦,每次好倦要起身去餵人奶時,
個心都會諗....幾時阿仔會戒夜奶......?幾時佢先會唔飲奶呢?
會唔會要餵2-3年(有人餵到3-4歲...)?幾時先可以染髮喎...?咖啡幾時先飲得吖...?
個時成日希望會快d到哩一日,但今日.....哩一日黎到喇.......
我心情係唔捨得多過開心.....頭髮我已急不及待去染咗.....
咖啡我啱啱飲完一杯......但你問我.......我會話...我情願唔去染髮.....唔飲咖啡,
但想一直餵落去......不過,我知道.....當然唔得喇.......
係哩一年餵人奶的過程....開心...真係好開心,由其係佢開始大個仔...
識比反應你......會一路啜...一路甜絲絲咁笑......又會一路啜..一路玩下.....
每次啜完,就好似好滿足咁瞓........真係好感動........
今日,佢雖然唔係一個大隻bb(20磅多D),但佢好健康,好活潑(我怕佢有過度活躍忝)...
仲好聰明忝.........我覺得自己嘅堅持係無白費嘅..............
亦多謝佢.....令我有咁大動力去堅持.............我都無諗過自己係可以堅持到......
今後...唔洗餵人奶...我會有多D時間陪你玩....陪你成長.........
雖然,唔捨得.....但我會接受...因為代表你已長大......
Marcus bb, I Love you so much!
P.S.: 真係好唔捨得...........HAHA....

0 0 0

~~幸福型媽咪~ suki

私人傳訊回覆引用

pangps

大宅

積分: 3265

2^#

發表於 09-6-30 18:35 |只看該作者

好感動呀，我為你好驕傲~
我都餵左108日，托賴都夠奶，希望有幾耐餵幾耐~

私人傳訊回覆引用

baby_ads

大宅

積分: 2110

3^#

發表於 09-6-30 18:40 |只看該作者

睇完覺得你好偉大, 條路係好難行, 不過你既堅持. 完成了餵人奶的責任.
我是一個全泵型的媽媽, 不知可以餵到幾時, 時常有朋友&同事問我, 打算餵到幾時, 我沒有比時限自己, 只是同自己講加油, 唔好放棄.

在此祝你既BB健康成長.

私人傳訊回覆引用

mandy108

珍珠宮

積分: 40962

虎到金來勳章減齡達人勳章認識瑞士牛牛第二回好媽媽勳章睛靈勳章

4^#

發表於 09-6-30 18:55 |只看該作者

好羨慕你呀...
我諗我餵唔到落去啦，我阿b住左兩日醫院，
尋日返屋企想餵佢，佢好似唔識啜咁
同佢試左成個鐘先啜到，但係我好似唔夠奶...左右邊都餵過啦，個胸輕晒佢都唔夠食

而且到e+都未谷反奶添呀，今日已經買左奶粉比佢啦
屋企人都話不如食奶粉算啦

私人傳訊回覆引用

bymc

洋房

積分: 190

5^#

發表於 09-6-30 19:33 |只看該作者

多謝你的分享﹐好感動﹐ 我看到眼濕濕。

我現在是全泵型媽媽﹐亞仔最初都肯啜下我﹐但後來都唔肯。唯有泵﹐都已經6。5個月了。有好多時候都好懷念佢肯埋身食既時刻。。。真係畢生難忘﹗ 更何況你埋身餵1年多呢﹗
我都覺得自己好叻﹐可以捱眼瞓﹐勁介口﹐每日不斷咁泵泵泵﹐為的就是BB可以健康成長。這全是寶寶給我原動力。。。母愛的確偉大﹐各位人奶媽加油呀﹗

私人傳訊回覆引用

4wcmy8

複式洋房

積分: 184

6^#

發表於 09-6-30 20:58 |只看該作者

回覆 5# ssiu777 的文章

好感動，bb一定好開心有你做媽媽，加油，多d時間同bb玩。

私人傳訊回覆引用

4wcmy8

複式洋房

積分: 184

7^#

發表於 09-6-30 21:04 |只看該作者

你千奇吾好咁易放棄，其實bb好醒，佢會好快識食，只要你有恆心，每邊喂15min，食下食下就有。
飲多d魚湯。
加油，屋企人都是錫bb先叫你補奶粉，如果你堅持(當然見到bb有足夠的濕片)喂人奶，而佢地見到bb一天一天長大，就會支持你食人奶。
加油

原帖由 mandy108 於 09-6-30 18:55 發表
好羨慕你呀...
我諗我餵唔到落去啦，我阿b住左兩日醫院，
尋日返屋企想餵佢，佢好似唔識啜咁
同佢試左成個鐘先啜到，但係我好似唔夠奶...左右邊都餵過啦，個胸輕晒佢都唔夠食
而且到e+都未谷反奶添呀，今日已經買左奶粉 ...

私人傳訊回覆引用

福媽

大宅

積分: 4466

好媽媽勳章

8^#

發表於 09-6-30 23:17 |只看該作者

人奶媽要好有堅持, 但係你既堅持比平常奶媽加多十倍, 好佩服你呀~~~~

原帖由 ssiu777 於 09-6-30 18:03 發表
踏入Marcus一歲的生日,亦都係我餵人奶一年的時刻,
而亦係我結束餵人奶的階段........真係難捨難離.....心情好矛盾...
記得自己初初陀住Marcus個時,已經決定咗要餵人奶,
上好多講座,了解同認識餵人奶的好處,雖然唔知 ...

私人傳訊回覆引用

vickytsue

民房

積分: 9

9^#

發表於 09-6-30 23:21 |只看該作者

感同身受那種失落感!

我囡囡10個月大啦,仲食緊人奶, 記得有一次佢出牙仔痛痛，兩日唔肯食奶,我以為佢自然戒奶添, 當時真的很失落-因為怕失去了同囡囡那重親近的感覺。

私人傳訊回覆引用

anaBB

禁止發言

積分: 21629

醒目開學勳章畀面勳章

10^#

發表於 09-6-30 23:25 |只看該作者

提示: 作者被禁止或刪除內容自動屏蔽

私人傳訊回覆引用

冰糖小圓子

大宅

積分: 2301

11^#

發表於 09-7-1 00:14 |只看該作者

人奶媽真係好偉大呀﹗﹗﹗

私人傳訊回覆引用

JWCBB

大宅

積分: 2193

12^#

發表於 09-7-1 00:29 |只看該作者

睇完我都覺得好感動呀, 要放棄真係好易, 唔使籍口架, 但堅持, 就好難啦, 特別係d全泵型媽媽, 我自己好唔鐘意泵奶, 因為比埋身餵奶仲辛苦呀~ 有時好唔明d 朋友, 成日話自己唔夠奶比bb食而放棄, 正如樓主咁講, 要信自己~ 希望想餵人奶的媽媽努力呀~ 今日.... 剛剛好餵左囡囡6個月人奶啦~