影視娛樂今日: 13|主題: 15850

收藏本版

發帖

返回列表

跳至頁

查看: 5082 | 回覆: 24

柏安妮育女心經　知幫手識放手 [複製鏈接]

purplekk

男爵府

積分: 8880

好媽媽勳章

1^#

發表於 09-7-12 19:02 |只看該作者 |倒序瀏覽 |打印

柏安妮育女心經　知幫手識放手 2009年07月12日

■ Ann話母親天職和本身職業已融為一體，對湊小朋友更得

約十年前，柏安妮（ Ann）從鎂光燈轉職為職業治療師，專門幫助有問題的小朋友解決日常生活困難。本身育有兩名分別 8歲及5歲女兒的她，配合自己對兒童的專業知識，自然有一套育兒觀念。「作為母親，要知道幾時要放手、幾時要幫手。着重性格培養，教小朋友最重要就係以身作則。」

職業助母職由少女到母親，大部份人的育兒知識多透過長輩代代相傳，又或看書吸收資訊，Ann不諱言因工作關係才最深入了解湊仔經驗，不會盲目相信未經真正研究過有效的學習課程，只正常透過溝通去玩去教。「每個人 IQ一般係90-110，唔會差得好遠。靠讀書唔代表工作叻，語言、教學呢啲嘢遲早都會識，唔會差好多。所以我覺得最緊要識諗、明白他人等性格培養更重要。」當兩女兒吵架找她評理，她會置身事外，讓小朋友自行解決。若扭計或用眼淚攻勢的話，統統不理，甚至會話她們太嘈請入房喊，搞掂才好出來。「小朋友不能縱，咁耐都無咩大懲罰出現，因為喺有咩行差踏錯前，憑住工作經驗，已經畀我糾正。」

不曾打機　 DIY強感官
為了令女兒生活得開心健康，她摒棄人工化的課程或消遣，平常不會看迪士尼英語及電視，反而利用不少日常用品作娛樂活動，最常玩的就是感官遊戲。「兩個女未打過機，好少睇電視。屋企有沙池米池畀佢哋玩，細細個用鷹粟粉加水就玩一餐，大女到家都仲鍾意玩。再唔係就拎樽剃鬚膏、吹泡泡都玩成粒鐘。」除此之外，職業令她知道小朋友大小肌肉發展好重要，穿珠仔、學剪裁也成為活動一部份。「大小肌肉係天生，我只不過畀機會佢哋去做。好多家長唔敢畀子女用剪刀，喺我陪同下會畀佢哋試，因為職業令我知道呢啲對佢哋嘅發展有好處。」

■基本技能如游水一定要學外，其他興趣都不會強迫女兒學。

■婆婆家沒很多遊戲玩，故一支剃鬚膏或洗車都可以當 Game玩。

■他們拒絕電子玩意，從不打機，多行山有益身心。

■簡單吹泡泡兩個女就可以玩半天。

■家中有自製沙池、米池等感官遊戲，讓女兒親身體驗。

■經常和女兒（紅圈）去做義工活動培養善心。

以身作則齊學中文
■ Ann話自己對工作中的小孩較有耐性，知道自己女兒能單獨做到，故反而鼓勵她們自己玩。

因為工作，見慣有問題的小朋友，令 Ann懂得如何照顧及保護女兒的健康成長，包括這一次及過往 N次的訪問， Ann都不曾公開兩女兒的名字。英文名都得啩？唔好喇。咁又肯畀相片我刊登？所以你要答應我只登這一次不准翻用。咁……惟有說好。
對女兒日後發展亦採取順其自然的政策。「我嘅工作除咗教好多正確育兒方式外，仲關乎到生育心態。見到其他家長嘅小朋友學習生活有困難，對家庭構成好大壓力，而自己兩個女兒健健康康，已經好足夠，做人要滿足。」除非女兒自願，否則不會強迫她們去上興趣班。最佳的例子就是Ann以前是溜冰高手，也曾經讓大女兒學，但她反而不喜歡，隔幾年後大女突然又話想學，才又再開始。Ann更會陪女兒一齊去學跳舞、做功課，甚至為幫女兒溫習，開始學中文。「我覺得係中國人應該學中文，我為佢哋揀咗會教中文嘅國際學校，每次教新課文，我就會前一晚先自修睇好晒文章查字典。至於國語，個女仲叻過我，會識話我唔啱。」對於女兒的未來，她只簡單希望她們有善心，看到自己的幸福，學懂再去幫助人。

From Apple Daily

----------------------------------------------------

吾睇都吾知佢做咗媽咪, 以前好鍾意佢架, 而家都 keep 得好好