嬰兒用品 今日: 0 | 主題: 93239

積分: 97

1^#

發表於 09-7-18 15:33 |只看該作者 |倒序瀏覽 |打印

係呢度睇左好多個個案，得到好多資訊。
首先要多謝咁多位網友ge熱心 :D 。

我對小朋友已經30W，上天對我厚待，
可以比咁多驚喜我，希望係呢度ge朋友一樣。
每天都有唔同ge喜悅。

E家仲係為改名而傷腦筋

，我比較喜歡自已改名。
由我同太太第一次去睇私家醫生開始，睇到有兩粒豆豆，果一刻整天開心到跳起，到左醫生估計係同卵雙胞而令我擔心TTTS，再有兩次見大紅

，因為囡囡響低位，睇中醫，捱過左，直到政府醫生話我知係異卵雙胞而放下心頭大石，再繼而告之係50/50，亦即係龍鳳胎，我兩公婆實在係好多謝上天呢個大老闆比左咁多野我地，好開心，由知道懷孕直到現在，都未停止過興奮，因為我心目中高齡產婦再加上同卵會係好高風險，結果係異卵仲要係駌鴦

，好幸運，一關又一關咁過，對BB已經有1.5幾及1.6幾kg。

好開心。只求佢地健康，就已經心滿意足。為太太帶來更多ge喜悅。因為無論任何情況，太太一定係最受影響ge一個，而且會係一生一世，所以做丈夫ge，能夠做ge都會去做

。希望有幸同咁多位網友交流。 :)

多謝天上大老闆，收左之後再比過，比以前更多。

[ 本帖最後由 Ynnek 於 09-10-7 13:37 編輯 ]

0 0 0

私人傳訊

積分: 3496

2^#

發表於 09-7-18 17:05 |只看該作者

恭喜你! 希望我自己對同卵孖女都健健康康咁出世啦.
你幾多週先發現係異卵架?

私人傳訊

積分: 97

3^#

發表於 09-7-18 17:13 |只看該作者

係第一次係屋企知道懷孕後去睇醫生，醫生一照Utrasonic，未講野，我一見到兩粒豆，就已經想喊！然後醫生見我個樣已經知，但我太太未知，就話先睇右手邊果粒，我仲好記得我掛住陰陰咀笑，而醫生講野我一D都入唔到腦。然後再去廣華醫生就同我講唔係同卵，應該係異卵，當時大概係第12週。

[ 本帖最後由 Ynnek 於 09-7-18 17:31 編輯 ]

私人傳訊

積分: 3496

4^#

發表於 09-7-18 17:17 |只看該作者

哈哈, 話說我係wk20出血去急症第一次照, 當時急症醫生都唔知係孖, 第二日再去婦產科照多次出血既問題, 先知道係孖.

其實我係想問你幾多週先發現原來唔係單卵孖胎而係異卵. 初初政府醫生話我應該係異卵, 到照結構個時先話我係單卵.

原帖由 Ynnek 於 09-7-18 17:13 發表
係第一次係屋企知道懷孕後去睇醫生，醫生一照Utrasonic，未講野，我一見到兩粒豆，就已經想喊！然後醫生見我個樣已經知，但我太太未知，就話先睇右手邊果粒，我仲好記得我掛住陰陰咀笑，而醫生講野我一D都入唔到腦。 ...

私人傳訊

積分: 97

5^#

發表於 09-7-18 17:29 |只看該作者

唔好意思，係大概12週左右，太太見紅入院，初初姑娘話應該係異卵，我都唔敢奢望，再到醫生睇ge時候，證實係異卵，但我兩個心當時好怕保唔住佢地。所以唔敢開心住，當其時，我好似鍋上螞蟻，乾著急。後期無事，但我仍然唔敢奢望龍鳳胎。

[ 本帖最後由 Ynnek 於 09-7-18 17:39 編輯 ]

私人傳訊

積分: 97

6^#

發表於 09-7-18 17:31 |只看該作者

唔好意思，我要更正一下，太無記性，太太糾正我，係去度頸皮ge時候，姑娘講ge，然後到結構性時醫生就話係龍鳳胎，所以，我地兩個開心到彈起。

[ 本帖最後由 Ynnek 於 09-7-18 17:35 編輯 ]

私人傳訊

積分: 3496

7^#

發表於 09-7-18 18:26 |只看該作者

其實砣bb真係好多野擔心, 尤其是係孖胎, 我都幾慶幸自己20wk先知道係孖胎, 唔駛擔心咁耐, 哈哈.

私人傳訊

積分: 97

8^#

發表於 09-7-18 19:29 |只看該作者

你講得冇錯，真係關關難過關關過，我都
擔心左好耐，更何況你地陀住，BB呢，我其實都有野擔心緊，只不過忙住準備BB用ge野，先至分心冇諗太多，因為要做足準備，同埋準備好唔同情況要有唔同對策，所以先會有好多野諗，尤其係太太會將我當係支柱黎依傍，我就更加要知多D，因為當有小小問題ge時候，我就要比佢知情況如何，為何如此等等，要增強番佢信心，同埋一路要步署跟住點做，要比佢好放鬆同好舒適咁去陀BB

私人傳訊

積分: 3496

9^#

發表於 09-7-18 19:49 |只看該作者

你真係一位好老公, 我老公都好緊張我同bb既, 但係佢就好少會主動去search有關bb既野, 大部份資料都係我自己搵然後話返俾佢知.
佢成日都話我過份緊張, 因為我份人eq比較低, 真係乜都擔心一餐, 諗諗下仲會忍唔住喊

原帖由 Ynnek 於 09-7-18 19:29 發表
你講得冇錯，真係關關難過關關過，我都
擔心左好耐，更何況你地陀住，BB呢，我其實都有野擔心緊，只不過忙住準備BB用ge野，先至分心冇諗太多，因為要做足準備，同埋準備好唔同情況要有唔同對策，所以先會有好多野諗，尤其係太太會將我當係 ...

私人傳訊

積分: 97

10^#

發表於 09-7-18 20:24 |只看該作者

我唔係好老公呢，只不過唔想太太咁擔心咁多野，如果佢有問題我又唔知，咁佢會諗好多不必要ge野，起碼我要預先話佢知會有乜野可能性出現，等佢有心理準備，你先生唔係唔想去搜集資料，只係佢想努力賺錢比你同小朋友洗。

私人傳訊

積分: 97

11^#

發表於 09-7-19 11:43 |只看該作者

腳腫

太太今日著涼鞋落街，話比我知，有D夾腳，我今早同佢講佢隻腳有D腫，因為我幫佢洗腳指時注意到，咁佢落街就話比我知夾腳，我同佢講，要留意情況有冇驟變，要多留神。因為已經到左32W，隨時都會有變化，佢冇出聲，我知佢擔心，所以同佢講，只要大人細路都健康，早D遲D都唔好太擔心，因為我知佢成日擔心，小朋友唔夠重。

私人傳訊

SAMMICHOI1002

積分: 2389

12^#

發表於 09-7-20 11:42 |只看該作者

ynnek
唔洗太擔心, 我對龍鳯都係啱啱出左世兩個月, 我個大囡出世時都係得5.8磅, 我果陣都有擔心對龍鳯唔夠重, 最後佢地係38wk5d先開刀出世, 一個有5.4磅, 一個有5.9磅, d醫生護士都話孖胎黎講算係好好架啦!!(因為我本身好瘦), 總之叫你太太放鬆d心情, 同bb傾多d計, 佢地就會乖乖架啦!!
預祝你對龍鳯身體健康, 足月先出世!!

原帖由 Ynnek 於 09-7-19 11:43 發表
太太今日著涼鞋落街，話比我知，有D夾腳，我今早同佢講佢隻腳有D腫，因為我幫佢洗腳指時注意到，咁佢落街就話比我知夾腳，我同佢講，要留意情況有冇驟變，要多留神。因為已經到左32W，隨時都會有變化，佢冇出聲，我知佢擔心，所以同佢講，只要 ...

私人傳訊

積分: 97

13^#

發表於 09-7-20 13:25 |只看該作者

多謝你ge祝福

，但願媽咪同兩個寶貝健康，我E家一路都留意住太太ge身體狀況，因為太太有大少二事必然會同我講，我亦會留意住。你對BB有成5磅幾，實在太好

，孖B黎講已經合格有餘，我都希望寶貝佢地足磅出世。會小D病痛。

私人傳訊

積分: 97

14^#

發表於 09-8-3 16:21 |只看該作者

34W----期待的心情

34W喇，

好期待呀，
兩個小朋友郁得好緊要，晚晚都好開心，
摸住佢地，開心過睇住個市升！

私人傳訊

mingger

別墅

積分: 553

15^#

發表於 09-8-4 14:06 |只看該作者

叫你太太行少啲啦,我到最後4周開始水腫, 行一兩个鍾返到屋企隻脚腫到豬咁,下午最好take a nap, BB 會係最後4周重得好快架..唔駛擔心

而家係咪每周去e生度check??? 我到37周開始血壓高到140, e生叫我日日check 再每日call 佢..好彩無大外, 按原定曰子38周開刀...祝你BB 健康出世

私人傳訊

積分: 97

16^#

發表於 09-8-5 09:03 |只看該作者

原帖由 mingger 於 09-8-4 14:06 發表
叫你太太行少啲啦,我到最後4周開始水腫, 行一兩个鍾返到屋企隻脚腫到豬咁,下午最好take a nap, BB 會係最後4周重得好快架..唔駛擔心

而家係咪每周去e生度check??? 我到37周開始血壓高到140, e生叫我日日check 再每 ...

太太E家仍要番工，已經安排左兩星期後開始產假，明天會去做產檢，我見到兩個小朋友好活躍，D手仔腳仔係肚皮畫黎畫去，好似畫畫咁，好得意，太太腳腫已消，不過我相信好快又會再腫，不過多謝你提醒，我諗都要開始日日幫太太度血壓，Monitor住佢身體ge狀況。睇埋今次e生，睇下e生點講，問佢要隔幾耐睇一次先。

私人傳訊