Baby Kingdom - 親子王國 香港 討論區 › 首頁 › 夫婦情感› 可否輔導一下我

夫婦情感

收藏本版
發帖
返回列表
跳至頁
可否輔導一下我 [複製鏈接]

首頁
123

尾頁
   0
siubbsw


大宅

積分: 4071


1#
發表於 09-8-2 02:16 |只看該作者
好唔開心, 我今年35, 已有一個女, 想趁自己年紀未係咁大快d生多個但老公唔肯, 一來佢一向唔鐘意生小朋友, 2來佢話唔夠錢, 因為我想生完唔返工兩年湊b.
我一直都想生兩個係因為覺得獨生子女不是太好, 兩個小朋友一起成長發展好d,仲有覺得家庭會完滿d.
老公以前洗大左(我無份洗), 而家每月要還錢,仲要還多6年,他是獨子要養父母. 我地又要供樓, 佢份人工扣扣埋埋每月剩萬五做家用, 而我自己每月要出萬二,加埋先至夠一家用. 因為淨係交稅,保險,差餉每月要預留萬二, 仲有管理費,學費都去左4千3. 即係我地一家3口每月用成萬元係食,水電煤,車費,雜費.
我其實計過, 我唔做野會交少d稅,可以唔出街食飯,不過每月都仲差2千, 我唔介意食老本, 因為兩年只不過是五萬, 我可以應付. 剩下來的問題係佢唔鐘意細佬. 我好失望,好唔開心, 因為真係好難改變佢呢樣野. 究竟係佢自私定係我自私? 點解佢當年可以任性做佢想做的事,洗大左之後仲唔話我知呃我同佢結婚, 而家我只想做返我想做的事佢都唔同意? 我知佢肯生第一個女時佢已經就範左一次, 但我真係好想生第二個. 其實生得第一個我們一輩子已要負上父母的責任,為何不可生多一個? 其實我只不過想做一個家庭主婦, 自己湊大小朋友, 煮飯洗衫. Ok, 話唔夠錢, 咁我只是停兩年唔返工, 點解咁都唔成全我?定係大家對家庭的期望不同? 我係咪同佢唔夾? 我仲諗不如離婚. 夠竟我係咪痴左線, 我有無問題? 可否輔導一下我.
私人傳訊

lam_ma


複式洋房

積分: 232


2#
發表於 09-8-2 03:54 |只看該作者
您同您c6也不是有問題，只是有些事情不一家能win win的，想問問您c6同您個女好唔好? (即平時會抽很多時間陪您兩個?) 因為如果佢對阿女的態度是一般，也不要勉強生多個，因會變左日後您一個人完成承擔兩個小朋友的未來，我都唔想您第日又上個post話您c6唔理兩個細路或點點... 因為可能是您迫到佢就範有第2個bb要負出的代價，所以您要諗清楚藉唔藉!! 因為我範得如果您c6可鍾意小朋友，會好支持您做全職媽媽的!! (當然是您要同佢解釋成條數比佢聽得"明"啦)可能佢都擔心您兩年後找不到份工，到時頭家就"頂"唔住o者!!
生bb是兩個日既事，當然好多人都會覺得有兩個將來他們可以互相扶持，但我有很多朋有同同事也是一個的，因為他們想將最好的留比佢，我同事個仔而家讀中三，佢都有問過過仔想唔想要弟弟/妹妹，佢好清楚答「唔想」，同埋我同事解釋佢老婆因太緊張個仔，一個都handle好辛苦，所以佢決定唔要第2個，所以您c6可能也是為您好的，建設您平心靜氣同佢傾傾!! 同埋您連女都有啦，向前看啦，唔好再想以前佢係咪呃您啦!! 問o下心佢而家對您係咪好差先??
我本人也是想要一個的，但我先生好鍾意兩個，如生活環境許可同我仲有能力，都會幫佢生第2個的!!
私人傳訊

olimo


伯爵府

積分: 16879

好媽媽勳章


3#
發表於 09-8-2 08:55 |只看該作者
我明白你今年35，所以好想在這2年多生一個
可是，生 BB是兩個人的事，他不想要多一個，你也沒奈何。要不說服他，要不放棄生多個的念頭。

我同你差不多年紀，剛生了第2個 BB不久，2個小朋友相差 2年，有些經驗分享一下
從前總以為只是多一個寶寶，沒甚麼大不了
可是，第2個出世後才發覺，湊2個比湊一個相差好遠，不是加多對筷子那麼簡單。要是夫婦二人同心合作，也許會OK，但如果你丈夫不太喜歡小朋友，你會好吃力和無助。

觀乎他 *婚前洗錢洗大左 *呃你結婚 *不喜歡小朋友如果你話2年做Full time mum，經濟上咁依賴他，對於你3母子 (假設你再生多一個)來說是十分無保障的。

說到對家庭的期望，其實應該在結婚前或生小朋友前協議好的，
不過人天天在變，婚前婚後的期望也會不同
做父親那份承擔~~~~也許他還未夠

除了生 bb的問題外，你們相處 ok嗎 ？
如果他對你兩母女好，不用去到離婚那步吧




原帖由 siubbsw 於 09-8-2 02:16 發表
好唔開心, 我今年35, 已有一個女, 想趁自己年紀未係咁大快d生多個但老公唔肯, 一來佢一向唔鐘意生小朋友, 2來佢話唔夠錢, 因為我想生完唔返工兩年湊b.
我一直都想生兩個係因為覺得獨生子女不是太好, 兩個小朋友一 ...
私人傳訊

ctwy0.0


別墅

積分: 809


4#
發表於 09-8-2 09:27 |只看該作者
樓主, 其實我同你差唔多, 我老公係我結婚之前又係因為洗大左而欠債累累, 但係我一直都唔知, 直至結左婚之後既第一年, 有一晚佢壓力太大先爆左出蒞. 果一刻我都曾經有問過自己接受定離開. 最後我揀左接受, 我原諒左佢. 我覺得2個人走埋一齊唔容易, 可以共患難既唔多. 原諒佢果一刻我同自己講過, 唔可以再記住呢件事, 唔可以後悔, 第日有咩事嘈交更加唔可以再攞呢件事出蒞嘈. 因為我覺得今日我原諒左佢, 就唔應該再秋後算賬, 自己要學會拔走條刺. 後來我地做左還款計劃, 還左四年就蒞還完. 呢四年入年我地都好慳, 咩都唔敢做, 更加唔好講生BB. 我出年30啦, 我地都係今年先敢開始諗計劃生BB咋. 我生完仲無諗過會唔做野添. 因為我知道, 要養一個BB唔容易, 我亦都唔想個老公咁大壓力.

如果你老公本身係唔鐘意小朋友既, 勉強無幸福的. 其實獨生女係呢個年代係好普遍的, 我有好多朋友都係生一個. 所以我都係想勸你: 三思而後行呀!

私人傳訊

msannieng


大宅

積分: 3886


5#
發表於 09-8-2 11:12 |只看該作者
原帖由 siubbsw 於 09-8-2 02:16 發表
好唔開心, 我今年35, 已有一個女, 想趁自己年紀未係咁大快d生多個但老公唔肯, 一來佢一向唔鐘意生小朋友, 2來佢話唔夠錢, 因為我想生完唔返工兩年湊b.
我一直都想生兩個係因為覺得獨生子女不是太好, 兩個小朋友一 ...
條數可能唔係咁計,有好多事係你掌握之外~~
私人傳訊

siubbsw


大宅

積分: 4071


6#
發表於 09-8-2 11:51 |只看該作者
其實我都有d積蓄, 唔做野五,六年都可以應付. 至於同佢, 都係老夫老妻咁, 因為我地拍拖到而家都十五年. 佢一向鐘意無管束, 唔鐘意同我分享佢的感受, 亦都唔鐘意聽我的, 我地學歷一樣, 我一路都有工作, 所以應該唔係因為我同社會脫節而同我溝通唔到, 不過真係無乜計傾. 之前請工人湊女, 到亞女返全日班就無請,佢好唔鐘意同我嘈交, 因為佢唔想做家務同理個女,佢話唔想無哂私人時間, 但無計,我返工壓力大,加上獨自管教工人湊女搞到我人都癲. 咁我同佢講不如我唔返工做哂d家務同湊女, 佢又唔肯, 後尾佢接受左, 而家好公平, 我主力湊女同煮飯, 佢做其他家務, weekend 請鐘點. 其實佢都妥協左. 不過我覺得這不算是什麼,只不過做返應該做的事. 其實我地係咪唔夾, 離婚唔使再就來就去, 不過個女最無辜

原帖由 olimo 於 09-8-2 08:55 發表
我明白你今年35，所以好想在這2年多生一個
可是，生 BB是兩個人的事，他不想要多一個，你也沒奈何。要不說服他，要不放棄生多個的念頭。

我同你差不多年紀，剛生了第2個 BB不久，2個小朋友相差 2年，有些經驗分享一下
從前總以為只 ...
私人傳訊

wewe


水晶宮

積分: 68008


7#
發表於 09-8-2 13:16 |只看該作者
生BB係兩個人既事, 無得勉強, 我都想生兩個, 但因為經濟理由唔許可, 我亦曾經想過在生活上節省些去成全自己的慾望, 但如果兩夫婦目標未能同步, 勉強為一已私慾去做一個BB出來, 又何苦呢? 你有無去理解過c6的想法呢? 他的想法有無理據?

像我c6, 他解釋可以生多個, 但會影響生活質素, 而我地又打算將來送亞仔去外國讀書, 以我地能力費用只可付檐一個小朋友, 如果細B又要去外國點算?

又或者勉強生出來的小朋友有缺陷需要特別照顧, 原本唔想要BB的一方會怎樣想?

你話可以補貼5,6年生活費, 6年過後又點算?

如果你老公忽然失業或有病, 你又無野做, 你的老本可以食幾耐? 己經35歲, 做野應該理性D.

另外, 我覺得每對夫婦都有不同的經濟壓力去面對, 我亦幫過c6還錢, 其實年少輕狂有好多人在年青時都試過駛大左, 最緊要而家無咪得lor.
私人傳訊

29XX86


侯爵府

積分: 21844


8#
發表於 09-8-2 14:42 |只看該作者
佢唔想你就無謂逼佢喇! 你都話佢唔多理個女, 做咩仲要生多個喎! 其實你老公都叫負責任架喇, 只少佢唔中意會開口話唔生第二個, 好過有D男人話生, 生生埋埋又唔理, 由得個老婆咩都攪掂, 佢可能都有自知知明, 所以唔應承你生第二個. 同埋, 有D老公好唔中意老婆唔好野, 因怕老婆變黃面婆同囉囉唆唆架, 我老公就係喇, 我老公話就算佢發左達佢都想我有自己工作有自己圈子.
私人傳訊

NicoleTszChing


大宅

積分: 2333


9#
發表於 09-8-2 16:20 |只看該作者
其實我唔係好明點解你會覺得生一個唔係太好,生兩個就會美滿d?!
我有個家姐,但我地火星撞地球!
以前細個成日都攪到家嘈屋閉!!
係而家我結左婚搬左出去住先稍為好少少~~

況且你老公講到明唔鍾意小朋友,
點解你仲要逼佢?!
生bb係兩個人o既事,
要雙方配合.
你都知道你老公鍾意無管束,唔想無哂私人時間,
一個bb已經好困身,何況兩個?!
就算比你有兩個小朋友,
但家無寧日,老公唔鍾意返屋企,
咁你都會開心?!
私人傳訊

hanbb


伯爵府

積分: 16230


10#
發表於 09-8-2 16:23 |只看該作者
原帖由 siubbsw 於 09-8-2 02:16 發表
好唔開心, 我今年35, 已有一個女, 想趁自己年紀未係咁大快d生多個但老公唔肯, 一來佢一向唔鐘意生小朋友, 2來佢話唔夠錢, 因為我想生完唔返工兩年湊b.
我一直都想生兩個係因為覺得獨生子女不是太好, 兩個小朋友一 ...


生小朋友真係兩個人的事, 是旦一個迫另一個都係咁自私, 我睇唔到有分別..........

你話你經濟容許, 咁佢呢?? 你有無幫佢份工也計數? 佢無左份工你係咪都搞得掂?? 不過你問男人就梗係唔想係屋企量地, 你c6亦不見係好鐘意住家男人.
佢生左一個叫做妥協左, 你 亦見佢沒有因女女出世而更鐘意小朋友, 咁阿細b 真係出左世, 佢好可能覺得更煩, 更唔鐘意細b........ bb 會感受到架, 咁bb都好可憐囉.

我主力湊女同煮飯, 佢做其他家務, weekend 請鐘點. 其實佢都妥協左. 不過我覺得這不算是什麼,只不過做返應該做的事.


係應份的事............
但做到應份的事為什麼不能欣賞, 鼓勵一下??
咁小朋友做功課溫習都係份內事, 又唔讃得??? 你都會讚下佢乖啦.
咁你工作都係做應份的事咋, 你都想老細讚賞下掛?????(雖然老細未必會)
係應份的事............但你上bk 睇下幾多c6做唔到先得架......

如果真係只為生第二個小朋友傾唔掂數, 就話離婚, 你對你個女都唔公平呀.

凡事感恩, 你經濟 ok, 老公又做左應份的事, 你一家3口都可以好安樂開心咁生活呀, 何苦迫得大家關係咁緊呢.
多d 欣賞你的家人啦.
私人傳訊

NicoleTszChing


大宅

積分: 2333


11#
發表於 09-8-2 17:09 |只看該作者
我可以分享下我o既經歷比你聽~

我爸爸都唔係一個鍾意小朋友o既人,
但我媽咪好想我家姐有個伴,所以生左我.
之後就一直做家庭主婦,得我爸爸一個人返工.
生活唔係富庶,都係月月清.

但小朋友總有嗌交,搶人玩具o既時候,
於是我爸爸就好唔高興,
覺得咁辛苦返工番o黎點解成日都家嘈屋閉?!
但因為係佢贊成生我家姐而唔贊成生我,
所以佢一路以o黎都淨係錫我家姐,
有咩事都係鬧我.

久而久之,我爸爸好鍾意放工就同同事食飯吹水,
夜一夜先返.
雖然我未至於憎佢,
但我o既生活有爸爸=無爸爸!

再者,到小朋友返學,讀興趣班o既時候,
你唔駛旨意爸爸會比意見.
甚麼family day,一家人出去食下飯,行下街,
真係少之又少!
到你有時候因為小朋友唔聽話,
讀書唔好,又或者其他關於小朋友o既問題,
諗住同老公呻下,安慰你一句,
但佢可以一句話你:
係你自己話要生多個,
我不嬲話一個夠晒啦,
你自己攞o黎衰!

你試諗下,你會點?!
仍然覺得值得?覺得開心?!
私人傳訊

麟媽媽


王國長老

積分: 82623

好媽媽勳章 王國長老


12#
發表於 09-8-2 17:37 |只看該作者
生BB 要兩人有共識，
唔可以叫是但一個成存另一個既，
加上你唔做野，支出又咁大，
除左佢本身唔鐘意小朋友，
亦可能覺得而家經濟唔好，
靠一個人養家壓力好大呢！

我成日覺得下一代，已經唔會好似我地咁，
唔會供養父母更加唔會同我地一齊住，
所以你更加唔可以用晒d 老本，
如果唔係，將來用晒d 錢黎供養子女，
到老時，無能力要靠番仔女，
一樣為佢地加添負擔喎。
私人傳訊

EVA222


禁止訪問

積分: 81485


13#
發表於 09-8-2 17:40 |只看該作者
提示: 作者被禁止或刪除 內容自動屏蔽
私人傳訊

imbb


禁止發言

積分: 102


14#
發表於 09-8-2 17:41 |只看該作者
提示: 作者被禁止或刪除 內容自動屏蔽
私人傳訊

CYK


大宅

積分: 4240


15#
發表於 09-8-2 18:37 |只看該作者


[ 本帖最後由 CYK 於 09-8-10 15:39 編輯 ]
私人傳訊

worthy


珍珠宮

積分: 40610


16#
發表於 09-8-2 20:33 |只看該作者
原帖由 siubbsw 於 09-8-2 02:16 發表
好唔開心, 我今年35, 已有一個女, 想趁自己年紀未係咁大快d生多個但老公唔肯, 一來佢一向唔鐘意生小朋友, 2來佢話唔夠錢, 因為我想生完唔返工兩年湊b.
我一直都想生兩個係因為覺得獨生子女不是太好, 兩個小朋友一 ...


雖然我係支持生兩個, 因為我生咗兩個. 不過這是我和我C6婚前的共識, 完全無爭論過, 因為我地知道我地嘅經濟能力可以負擔到. 但係只要有一方唔願意就千祈唔好勉強. 生咗出嚟佢就一世都跟住你, 無得後悔, 無得返轉頭.

如果你C6唔鍾意, 佢一定會借D椅黑口黑面. 到時家無寧日, 盞攪.

其實又唔使太心灰, 亦唔使講到要離婚. 你先得35歲, 而且己不是第一胎. 再遲D生都唔成問題. 或者你地經濟好轉你C6會改變主意都未定.
私人傳訊

siubbsw


大宅

積分: 4071


17#
發表於 09-8-2 21:39 |只看該作者
我都明白我迫佢生多個, 日後會有機會搞到家無寧日,老公唔鍾意返屋企.
但係我真係好想要多個, 因為曾經有人同我講, 當佢父親有重病時要決定做唔做手術,只有他一人承受壓力, 因為佢係獨生子女, 無兄弟姐妹同佢相量分憂,佢真係好痛苦. 而且我個女都叫我生個bb陪佢.
老公係公務員, 份工好穏定, 湊小朋友係好困身,所以我想頭兩年最困身的時候唔做野自己湊, 之後佢返學我就出番來打工.
不過其實都係無得傾, 同佢傾兩次佢都叫我揾第二個男人同我生, 又叫我嫁個有錢既. 我好傷心.
私人傳訊

Nancy20090615


瑪瑙宮

積分: 128756


18#
發表於 09-8-2 21:54 |只看該作者
您睇 hk 的經濟環境, 唔同以前經濟起飛, 大學畢業的都無出路, 讀死書, 變黎變去的教育制度, 生活環境都係考慮之列. 重有地球問題, 您睇而家熱到.... 細路廿年後大個時生活係會好艱難. 我地 廿 卅 年後便兩腳一申, 佢地有排捱架.
私人傳訊

queenalau


別墅

積分: 564


19#
發表於 09-8-2 22:04 |只看該作者
原帖由 siubbsw 於 09-8-2 21:39 發表
我都明白我迫佢生多個, 日後會有機會搞到家無寧日,老公唔鍾意返屋企.
但係我真係好想要多個, 因為曾經有人同我講, 當佢父親有重病時要決定做唔做手術,只有他一人承受壓力, 因為佢係獨生子女, 無兄弟姐妹同佢相量分 ...


其实我的念法同你差唔多，都好中意小朋友，依架意外有左第2个，刚刚有左5个星期的时候老公都系叫我唔好要，他话好大负担，再讲我觉得他唔多喜欢小朋友！因为BB的事都吵左几次，最后系我自己同屋企人决定要生，我又系好想有2个小朋友，觉得甘个仔无甘闷，无甘孤单！好多老一辈的人都系甘话，到时父母有咩事要一个自己负担他系会好辛苦同无助的，最小要有2个，有咩事有相有量，好好多！

依架老公真系忙到唔多理我呀，又分左房睡，大家感情系无刚刚在一起的时候好，但无论将来变成点，我都唔会后悔决定生理一个bb啰~

但如果你仲未有的话，就念清念楚，可能一有左，夫妻感情真系会变差架！
私人傳訊

Amytell


別墅

積分: 712


20#
發表於 09-8-2 23:03 |只看該作者
我個人覺得感情唔好就唔好生,你為咗生唔生多個,佢唔同意你,你就冧係咪應該要離婚?!?!

離婚喎......咁容易講得出口......

萬一真係生多過有多咗磨擦,佢又事事唔認同你.....就算唔離婚,但日日家嘈屋閉....俾d小朋友以為因為你生咗佢先至攪到咁......細嗰以為自己係罪人,大嗰個又恨細嗰個累到佢冇咗爸爸媽媽.....唉!

有能力兩個有共識,當然生多個都唔錯,但如果對方未能接受....你覺得小朋友應為有個細佬妹重要d,亦或有爸爸媽媽好呢?

凡事有取捨,不能事事能如自己意願,你屋企駛費咁多全是必須還是理想計劃呢??必要同想要係有分別的.好多嘢唔係用數字計的,好事的樣樣都好,但當有壞事情發生點呢???又一句離婚我養得起對小朋友...咁就叫解決事情嗎?

一有對方唔認同嘅嘢,就立即抱怨,馬上數翻佢以前點點點,依家又點差......你咁嘅態度真係可以俾到一個理想的家給小朋友嗎?用$可以解決到係事情唔係感/親情.

溫馨的家,係講有幾多愛/包容/諒解/支持/溝通,唔係形式上嘅嘢幾多兄弟姐妹/買幾多保險/住乜屋苑/讀名校/老豆搵幾多...

我個人認為咁容易就話要離婚.....唔應該害下一代.

如果真係想生,不如花多d時間聆聽對方有乜想法,不要只懂話對方唔聽自己,佢有佢主觀,你都係,冇嘢係絕對同應份.要懂得感謝對方所付出的,再慢慢調節雙方睇法.籍著溝通/諒解/分享/包容去維繫/保護家庭,不要一有矛盾便隨意講離婚.

以上純屬個人意見,本人是單親獨女,有感而發,如有不喜,請見諒.
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見