少年成長 今日: 0 | 主題: 15855

積分: 3186

1^#

發表於 09-10-12 12:48 |只看該作者 |倒序瀏覽 |打印

因為仔仔係6299湊, 老人家就最想小朋友跟佢, 所以就用左絶招來氹佢--用糖/汽水來吸引佢, 令佢完成大人想佢做的事(例如:食飯, 抱抱)
久而久之, 佢當左食糖或者飲汽水係必然的事. 佢最誇張係每日可以食一包糖, 半杯雪糕及半支汽水. 初時我也沒有留意, 直至佢經常咳, 我才擦覺這是一個問題, 他試過連續1 個月睇醫生, 中西都睇, 食藥都食到怕.
依家就開始限制佢吃糖同飲汽水, 但佢就經常為左要食糖而發脾氣(因為我唔淮佢食),係都要食(飲)到維止, 講完一次又一次. 我已經同6299講唔好買返屋企, 佢見唔到就唔會扭, 但佢地又唔聽.
因為仔仔今年4age, 成日會問我點解唔食得糖, 我就解釋比佢聽. 冇扭計時佢都好明白我講咩, 仲話唔應該食. 但發緊脾氣的時候, 根本唔會理會我點講, 剩係話自已冇咳, 可以食, 有時6299冇佢辦法, 就成包糖比晒佢食, 食完又係咳.
細路仔令我煩惱, 大人又唔聽我講, 真係令到我好攰, .
請問各位家長, 有冇方法可以幫下我.
2h mama

0 0 0

私人傳訊

ng.case

積分: 1615

2^#

發表於 09-10-12 14:21 |只看該作者

本帖最後由 ng.case 於 13-4-30 15:07 編輯

私人傳訊

積分: 23933

3^#

發表於 09-10-12 15:48 |只看該作者

1) 糖/汽水會令血糖忽高忽低, 小朋友就更大脾氣, 所以有限制是對的
2) 另外, 正如樓主講, 用沒收玩具會好d, 不過先要俾佢有10件自己可以攞o既玩具, 其他收埋, 佢乖就俾多件佢, 佢唔聽話, 就收起一件, 呢個方法可以配合家規/警告/naughty chair 使用
3) 用圖表, 佢乖就升高一格, 唔聽話就下降一格, 去到終點(例如10格)就有獎, 不過唔係獎糖, 而係可以同你, 同家人一齊去一d 地方玩, 建立親子關係
4) 食健康食物就讚下佢大個仔識選擇好o既食物, 好健康...

私人傳訊

積分: 23933

4^#

發表於 09-10-12 15:48 |只看該作者

duplicate

[ 本帖最後由 pyjess 於 09-10-12 15:53 編輯 ]

私人傳訊

積分: 23933

5^#

發表於 09-10-12 15:49 |只看該作者

私人傳訊

honeysara

積分: 1479

6^#

發表於 09-10-12 16:37 |只看該作者

我每年一定帶2個囡去check牙同洗牙, 佢哋由1歲開始接觸. 牙醫會同佢哋講一星期最多只可以食5粒糖, 食完又要去擦牙. 佢哋又會起醫務所見倒好多leaflet係壞牙, 鑲牙等. 佢哋兩個好驚所以會keep住自己d牙齒唔會多食糖同汽水.

私人傳訊

birdbird

水晶宮

積分: 60517

7^#

發表於 09-10-12 21:01 |只看該作者

原帖由 honeysara 於 09-10-12 16:37 發表
我每年一定帶2個囡去check牙同洗牙, 佢哋由1歲開始接觸. 牙醫會同佢哋講一星期最多只可以食5粒糖, 食完又要去擦牙. 佢哋又會起醫務所見倒好多leaflet係壞牙, 鑲牙等. 佢哋兩個好驚所以會keep住自己d牙齒唔會多食糖同 ...

要小朋友戒糖 & 汽水, 不如你先 set 個量 & 何時小朋友可以食. e.g. 只可以在星期六日食, 每日食一粒糖, 汽水只可以飲一小杯.
如果在其他日子食, 就要罰及果個星期六日冇得再食糖.

私人傳訊

winkho

積分: 3186

8^#

發表於 09-10-19 15:11 |只看該作者

好多謝你地的分享, 我依家都有用獎勵的方式, 佢乖我會比貼紙佢, 儲到一個數量, 就會獎勵佢, 但原來獎勵糖都唔得架? 我真係諗唔到.
其實佢冇指定喜歡的玩具, 一時呢樣, 一時個樣, 所以收起佢玩具唔work.
我好認同pyjess, 因為食得糖多, 真係會令佢情緒好差. 我會試下用大家提議的方法, 睇下邊個work啦.
hi honeysara,
我想問你初初帶小朋友去牙醫度, 佢地有冇好抗拒, 因為我仔仔4age 都未去過牙醫度, 糖+奶樽飲奶, 依家已經有4-5隻"注牙", 我都想過帶佢睇牙醫, 但我同佢講, 佢不斷叫唔去唔去, 我怕我帶到佢去, 係人地個診所大叫, 最後都係睇唔到.
可唔可以分享下你第一次帶囡囡去睇牙醫時的經驗?
2h mama

私人傳訊

積分: 23933

9^#

發表於 09-10-20 12:20 |只看該作者

收玩具o既方法可以係咁:
佢有20件玩具, 收起10件先, 佢可以簡收起邊10件, 佢做左d野值得表揚, 就俾返一件佢, 佢"賺"一件, 相反, 佢唔聽話就要收一件....不過呢個方法都要你事先講明, 咩情況之下佢可以多一件/少一件, 唔好淨係一句:你唔乖, 我要收你玩具...好似玩大富翁咁, 都會有一定規則....
獎食糖係好易見效, 亦好方便, 但係只有佢一個人享受, 比獎佢一齊去踩單車/一齊去xx天地玩/一齊整下野食, 後者更可以建立關係
而獎勵表可以visualize, 小朋友會知道自己o既進步

另外, 個個細路都鐘意變做大人, 所以你讚個簡o岩食物, 有營養, 真係大個仔, 佢會好開心

舉個例你聽visualize對小朋友o既重要性/effective: 我帶住bb去一個有2,3歲小朋友o既屋企, 我bbo係客房瞓左, 佢地o係自己房玩得好大聲, 佢mami就話: bb瞓左唔好嘈醒bb, 小朋友唔明, 企左o係度, 想繼續玩, 我就拖住佢隻手: 我地去睇bb瞓覺囉? 佢睇左一陣, 就返入自己房, 細細聲.....我覺得小朋友無法想像自己行為同外間有咩關係, 亦無咩記性, 想做就去做, 所以用獎勵表, 佢見到就會記得行為同結果o既關係

原帖由 winkho 於 09-10-19 15:11 發表
好多謝你地的分享, 我依家都有用獎勵的方式, 佢乖我會比貼紙佢, 儲到一個數量, 就會獎勵佢, 但原來獎勵糖都唔得架? 我真係諗唔到.
其實佢冇指定喜歡的玩具, 一時呢樣, 一時個樣, 所以收起佢玩具唔work.
我好認同py ...

[ 本帖最後由 pyjess 於 09-10-20 12:25 編輯 ]

私人傳訊

紫蘿蘭