吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 完成第一個目標（分享）

母乳餵哺今日: 0|主題: 85695

收藏本版

回覆發帖

返回列表

跳至頁

查看: 2703 | 回覆: 39

完成第一個目標（分享） [複製鏈接]

kristinecheng

大宅

積分: 1805

1^#

發表於 09-11-26 16:37 |只看該作者 |倒序瀏覽 |打印

BB下週一半歲生日，由於未來的一星期將會忙於趕功課，所以在此先為自己預祝

這短短6個月的日子，現在回首，好像過眼雲煙;只是當細細回想曾經渡過的每一個日與夜，原來這條人奶媽之路，真的是賠上了一公升眼淚來堆砌出來。

第一個月~

樂 - 竟然可以餵到人奶，而且還是醫生姑娘口中的「天生奶媽」，真的覺得有點不可置信。

苦 - 阿B日夜顛倒，每一個晚上，一家三口都要「撕殺」至接近天亮，才有喘息的機會。

第二個月~

樂 - 阿B生活開始規律，最驚喜的是臨這個月結束的時候，竟然自動撥亂反正不再日夜顛倒，還戒了夜奶。

苦 - 炒了工人，即使阿B規律地3小時吃一次，每天總是重覆著餵奶/泵奶/洗奶樽洗泵.....嚴重睡眠不足，沒辦法睡一個超過1小時的覺，整天合共也睡不超過4小時。而且，好像有點產後抑鬱，尤其當鐘點工及婆婆離開了，老公未放工回來，阿B又無故哭個不停的時候.......

第三個月~

樂 - 奶量開始穩定，儲了一櫃冰奶很是滿足。而且學曉了出街埋身餵，到那兒都無往而不利。

苦 - 忽然發燒發冷（還以為感染了豬流感），原來患上了嚴重的乳線炎。足足經歷了一星期不足為外人道的地獄生涯，康復了，奶量失去了一大半。眼見快要補奶粉的時候，無意中上BK看到一些窮媽媽自強不息的分享，放低了全人奶的包袱，堅持走下去，最終都可以繼續當人奶媽。

第四個月~

樂 - 阿B轉食4小時一次，大大減輕泵/餵奶的壓力，也多了些私人/休息的時間。而且每次看到阿B埋身食完咪起眼睛甜笑，真的很心甜......

苦 - 阿B忽然痾血，一個月不斷頻撲地看醫生/驗便/戒口/倒掉所有儲備（13支150ml奶），都找不出原因。一個月過後，才知道是前奶太多導致便便出現問題，不過阿B已由75重B變成25輕磅B。一度因為阿B輕磅的問題想放棄，幸好得到家人及BK媽媽們的鼓勵，堅持走下去。

第五個月~

樂 - 阿B雖然輕磅，但精靈又健康。即使阿B比較愛爸爸，不過每逢工人/爸爸/婆婆抱著他的時候，目光總是跟隨我的蹤影走。

苦 - 好像沒有~

第六個月~

樂 - 阿B健康地成長，即使我病了兩次（仍然未康復），但幸運地阿B都暫時未被感染。而且每當阿B想吃的時候，總會反轉又反轉滾到我的身旁，對准我的咪咪猛大口，真的很可愛。

苦 - 左胸多了兩粒硬體，幸好虛驚一場，只是一些泵不清的奶泡，要小心處理。

餵奶的日子，培養了我在逆境中尋找解決方法的自信。我知道未來的餵奶路仍滿有挑戰，不過我有信心，向下一個目標（一年）進發......

願各位人奶媽媽並勉之~

0 0 0

私人傳訊回覆引用

prisyan

子爵府

積分: 11438

大廚勳章 wyeth冷知識勳章畀面勳章 BK Milk勳章

2^#

發表於 09-11-26 16:52 |只看該作者

睇完好感動，感同身受尤其係:
"第二個月~樂 - 阿B生活開始規律，最驚喜的是臨這個月結束的時候，竟然自動撥亂反正不再日夜顛倒，還戒了夜奶。" 仲有
"樂 - 奶量開始穩定，儲了一櫃冰奶很是滿足。而且學曉了出街埋身餵，到那兒都無往而不利。"

我BB而家兩個月，已過了最辛苦嘅階段，希望所有人奶媽一齊努力，得到嘅回報一定俾付出大。加油！

原帖由 kristinecheng 於 09-11-26 16:37 發表
BB下週一半歲生日，由於未來的一星期將會忙於趕功課，所以在此先為自己預祝

這短短6個月的日子，現在回首，好像過眼雲煙;只是當細細回想曾經渡過的每一個日與夜，原來這條人奶媽之路，真的是賠上了一公升眼淚來堆砌出 ...

私人傳訊回覆引用

stliu

大宅

積分: 2647

3^#

發表於 09-11-26 17:01 |只看該作者

老友記! 恭喜你, 第一個目標成功在望!

一直都好喜歡看你寫的回應!
俾心機做功課,趕完功課記住叫你老公請你食大餐慶祝BB半歲生日呀!

原帖由 kristinecheng 於 09-11-26 16:37 發表
BB下週一半歲生日，由於未來的一星期將會忙於趕功課，所以在此先為自己預祝

私人傳訊回覆引用

molelee

複式洋房

積分: 390

4^#

發表於 09-11-26 17:20 |只看該作者

好野！

不禁想讚下大家:奶媽真偉大！

私人傳訊回覆引用

myBBanson

禁止訪問

積分: 241

5^#

發表於 09-11-26 17:48 |只看該作者

提示: 作者被禁止或刪除內容自動屏蔽

私人傳訊回覆引用

ms_tea

大宅

積分: 1306

6^#

發表於 09-11-26 19:42 |只看該作者

恭喜你啊，我都估唔到自己可以全埋身兩個月了，希望可以好似你達到第一個目標---六個月....

私人傳訊回覆引用

king-cow

大宅

積分: 1317

7^#

發表於 09-11-26 20:28 |只看該作者

我想問出街點埋身食.我都唔知點帶阿b出街.次次都係好趕.驚佢肚仔餓.可唔可以分享你的經歷啊.thx

私人傳訊回覆引用

kiko_mami

水晶宮

積分: 51867

2018復活節勳章 wyeth冷知識勳章好媽媽勳章醒目開學勳章畀面勳章

8^#

發表於 09-11-26 22:00 |只看該作者

公喜你,大家都要+油呀

感激遇上你~

私人傳訊回覆引用

紅紅綠燈

大宅

積分: 3630

9^#

發表於 09-11-26 22:47 |只看該作者

恭喜晒! 我bb只係2個半月, 我目標係最少1年, 希望可以好似你咁成功過渡頭半年啦!

教養孩童，使他走當行的路，就是到老他也不偏離。
─ 箴 22:6

私人傳訊回覆引用

prisyan

子爵府

積分: 11438

大廚勳章 wyeth冷知識勳章畀面勳章 BK Milk勳章

10^#

發表於 09-11-27 01:13 |只看該作者

我出街會用餵奶巾，仲有著餵奶衫會方便Ｄ，冬天又唔駑凍親。

原帖由 king-cow 於 09-11-26 20:28 發表
我想問出街點埋身食.我都唔知點帶阿b出街.次次都係好趕.驚佢肚仔餓.可唔可以分享你的經歷啊.thx

私人傳訊回覆引用

JWCBB

大宅

積分: 2193

11^#

發表於 09-11-27 01:58 |只看該作者

加油呀~

其實D時間過得真係好快架咋~ 唔覺唔覺又半年, 餵下餵下又一年啦~

私人傳訊回覆引用

AsWife

男爵府

積分: 9875

畀面勳章

12^#

發表於 09-11-27 02:45 |只看該作者

good job!!

happy for you and your baby!

que sera sera! 認識你讓我更富有。

私人傳訊回覆引用

crystalpui

伯爵府

積分: 18286

好媽媽勳章醒目開學勳章畀面勳章

13^#

發表於 09-11-27 08:22 |只看該作者

恭喜恭喜
我都餵左4個幾月了
係我亞媽口中既古代奶媽too
我亞b有幾餐係埋身食
就來食個時個口就會郁郁下
呢d feeling係其他人唔會明白的
我條餵奶路就易走好多
係初頭一個月差d
到以家我都仲係好順利..不過開始要追奶

我期待6個月既來臨
bb可以食固體等我泵少一次~~~~
大家加油

私人傳訊回覆引用

jenniecatcat

水晶宮

積分: 56409

14^#

發表於 09-11-27 09:32 |只看該作者

恭喜恭喜

由你初頭上bk, (同我差不多時候), 左邊回覆數由同我差不多到現在多我好多, 睇住你面對種種問題都一一解決, 想放棄又幾次, 塞又係專家......真是覺得大家好似識左好耐咁.

時間過得好快, 唔經唔覺你又餵到6個月啦, 我相信你一定可以餵到自然離乳, 因為我都得(haha, 成機鼓勵下自己), 因為餵人奶最辛苦既日子已過去, 往後既日子只會係樂趣同唔舍得, 因為BB食固體就愈食愈少餐.....

第五個月~

苦 - 好像沒有~>>>>>>hahaha好鐘意

各人奶媽, 餵奶既日子可能只有1.5-2 年既時間, 好好珍惜啊!!!!!!

我的最愛: 老公, 仔仔, 同來緊既女女, 老豆

私人傳訊回覆引用

kristinecheng

大宅

積分: 1805

15^#

發表於 09-11-27 10:33 |只看該作者

本來諗住忍吓唔上網專心做功課，不過都係難敵心癮，要上黎逛一圈~

多謝大家支持，在這兒日子雖短（我雖然註冊了很久，不過也是返工後才開始頻繁上黎，只有3個多月咋），不過也像跟大家很熟絡，因為大家也是同路人，人奶媽的路雖不好走，卻獲益良多。由於自己遇到的難題比較罕有（多數媽咪的問題係唔上奶），明白遇上的時候找不到資料係好徬徨的，所以如果我的分享可以幫到有同樣問題的媽咪，好像自己挨得有價值一點

king-cow：學識出街埋身餵，真的好重要，因為你會覺得帶bb出街係好輕便同開心既事，呢點係我地人奶媽先可以享受既好處。首先，你要買一條餵奶巾（長同闊既披肩都可以，不過披肩好少係cotton料，驚bb敏感），衣著方便我通常係一件短/長袖T（唔緊身就得，方便扯高），加一件外套，最好全部都係cotton料，冬天再加件褸，餵既時候除咗佢（我諗冬天唔好係露天餵）。第一次實戰之前，最好係屋企practice多啲，因為bb會唔鍾意俾塊布蓋住食，要練多啲等佢習慣，bb越細練越好，而且練習多啲自己遇上突發事如bb扯開塊布（我試過好多次）都識執生立即扯番低件T。初初可以係育嬰室俾自己心理上有所準備，到熟練啲，我個人比較喜歡在餐廳，揀卡位，最好比較闊落同張台可以推開啲既，轉食另一邊時比較容易。每次食之前，先披好件巾，make sure冇走光，扯高衫同胸圍，擺bb埋身等佢自己attach，最好有家人（老公）幫你，等bb順利食緊家人先好走開。我最鍾意一邊食一邊餵，好慳時間﹗

[ 本帖最後由 kristinecheng 於 09-11-27 10:36 編輯 ]

私人傳訊回覆引用

mrschoy

大宅

積分: 4166

16^#

發表於 09-11-27 10:43 |只看該作者

造夢也未曾想過自己可以成功餵人奶
已經八個半月了

日子過得很快
由上班下班, 下班趕回家餵奶
發展成
寶貝開始吃固體了
趕回家陪寶貝玩玩, 不用躲在房間泵奶
心情好得多, 輕鬆多

我的短期 - 3個月及中期目標 - 半年也達到了
現在沒有目標了
順其自然吧

給最好的留給自己的最愛小寶貝
同時把最甜蜜的回憶留給自己

私人傳訊回覆引用

ms_tea

大宅

積分: 1306

17^#

發表於 09-11-27 11:10 |只看該作者

原帖由 kristinecheng 於 09-11-27 10:33 發表
本來諗住忍吓唔上網專心做功課，不過都係難敵心癮，要上黎逛一圈~

多謝大家支持，在這兒日子雖短（我雖然註冊了很久，不過也是返工後才開始頻繁上黎，只有3個多月咋），不過也像跟大家很熟絡，因為大家也是同路人，人奶媽的路雖不好走，卻 ...

可以請教你用邊種餵奶巾嗎？

私人傳訊回覆引用