母乳餵哺 今日: 0 | 主題: 85693

積分: 5431

21^#

發表於 09-12-3 13:29 |只看該作者

噢,原來大家都係咁...我呢2晚都冇乜瞓過,BB日夜調轉,日頭瞓得好好,但夜晚就好精神.

我生完之後好耐都冇谷奶,所以都係食奶粉.直到尋日開始上奶先正式開始餵人奶,但剛開始D奶都唔夠,加上B女早產,好輕,護士叫我追返D體重,所以我都係俾佢啜人奶+奶粉,奶粉佔大多數.

唔好俾咁大壓力自己啦,最緊要BB健康嘛.我宜家要學既就係佢瞓時我都要瞓,唔係身心俱疲.

私人傳訊回覆引用

brainmama2009

禁止訪問

積分: 699

22^#

發表於 09-12-3 13:40 |只看該作者

提示: 作者被禁止或刪除內容自動屏蔽

私人傳訊回覆引用

LOVEBB88

積分: 1210

23^#

發表於 09-12-3 14:36 |只看該作者

回想返年多既餵奶經過，由谷奶痛到哭，BB初初又唔肯食，但因為谷得太犀利又泵唔出，成晚都瞓唔到。乳線塞、發冷、乳頭流血，泵完O左奶之後先知成樽奶都係粉紅色，忍痛掉O左。乳頭太痛比件衫"HIGH"到都痛，等等。好多好多講唔完既經歷，都係咁過左LA。雖然宜家返O左工小O左好多奶，餵到幾多就得幾多，唔好比壓力自己呀，我都餵O左14個幾月LA，各位人奶媽努力呀。

10w4d 3.99cm
12w6d 7.57cm
14w3d 約10.00cm

私人傳訊回覆引用

積分: 2094

24^#

發表於 09-12-3 17:28 |只看該作者

原帖由 Sugarbabegirl 於 09-12-2 23:45 發表

kristinecheng,
我睇咗你d posts幾個星期，覺得你成日都講得好好，雖然我開始睇時，我已經過咗最最最艱辛既時候，但都好有鼓勵性，亦好感動。

popo,
我條人奶路未必差得過你，但絕不容易，我係過咗兩個月至見到曙光，而家3個月多ｄｄ ...

hi sugarbabegirl,
好多謝你既支持同分享呀! 我都好有同感, kristinecheng既post講得好好呀, 俾咗我好大好大既鼓舞! 係喎, 我都好似你初頭咁諗, 諗住成屋都係人唔會好辛苦遮，又奶奶，老公，陪月，工人，點知人愈多，真係愈麻煩！陪月成日唔問過我就補奶粉俾亞b, 我叫補少少40ml, 又同我爭辯話亞b唔夠架, 奶奶又不停話我仔成日咀猛猛, 一定係唔夠食,
不論我講咩亞b有濕片有便便未得lor, 佢地都係話我..

不過點我都會堅持架, 希望我都可以快d見到曙光, 你都加油啊~~

私人傳訊回覆引用

Lamui

積分: 1150

25^#

發表於 09-12-3 19:19 |只看該作者

我細B都13日人仔，試過補奶粉。今次我儘量唔比太大壓力比自己，真係可以餵到人奶㗎！雖然我好羡慕可以比到全人奶嘅媽咪，但我亦明白自己嘅處境。我又要照顧兩歲嘅大B，成日都無一個鐘頭小休睡眠，唔夠精神又點造奶呢？因此我每日內規定凌晨12時會比一餐3oz明治細仔奶粉比阿B頂住3-4個鐘，偷阿B瞓得冧時就自己pump奶，pump 45分鐘都只得2oz奶，有時都好灰。但呢幾日阿B好似食極都唔飽，由2個鐘頭食30mins一次到現在一個鐘頭一次，真的很倦，唔知究竟她飽不飽。婆婆話我啲人奶好稀，所以她不飽，攪到佢cry得好勁又瞓唔冧，但亦深知不能每餐都另加奶粉？我可以點做呢？請指教！

原帖由 Popo^^ 於 09-12-3 17:28 發表

hi sugarbabegirl,
好多謝你既支持同分享呀! 我都好有同感, kristinecheng既post講得好好呀, 俾咗我好大好大既鼓舞! 係喎, 我都好似你初頭咁諗, 諗住成屋都係人唔會好辛苦遮，又奶奶，老公，陪月，工人，點知人愈多，真係愈麻 ...

私人傳訊回覆引用

Sugarbabegirl

積分: 9460

26^#

發表於 09-12-4 14:59 |只看該作者

原帖由 Popo^^ 於 09-12-3 17:28 發表

hi sugarbabegirl,
....補少少40ml, 又同我爭辯話亞b唔夠架, 奶奶又不停話我仔成日咀猛猛, 一定係唔夠食 ...

我都係喇，係人見亞ｂ喊就話佢肚餓，我媽見我唔肯補奶粉，就對住我女單打我，話：BB你減肥呀？
陪月又係成日叫我補．．．

我女每次啜我都好似滿清十大酷刑咁，痛到吖！個nipples "high"一"high"都痛到ｃ! 我e+捱過咗喇! (touch wood!) 你都努力呀！

見到亞女啜啜啜，開始長肉，真係好開心架！！　

私人傳訊回覆引用

YUKIYAN

子爵府

積分: 13209

好媽媽勳章

27^#

發表於 09-12-4 23:21 |只看該作者

我個女而家27個月喇..仲係食緊人奶..
當初我年紀仲細,,,又冇人教我...我99又咩都話唔識..不過好在我生BB果陣,(政府)醫院姑娘好好...好耐心教我點餵...佢仲教我自己訓低...將BB擺上自己breast度..比佢自己吸...其實好得意嫁..佢真係會自己摸索...仲可以訓練佢頭仔~~雖然餵人奶真係好辛苦好痛..我當初真係佢吸一下就痛一下..係連隻手都扯到好痛...損完之後乾左,吸到仲痛..但你真係唔好淨係記住d辛苦...要多d想下點同呢個同你相處左唔耐既小bb增進關係.....雖然半夜我要起身湊佢..但一見到佢望住你..就咩痛都唔記得曬啦~~
至於你話最多訓3個hr..我相信每個人奶媽咪都一定會經歷過..我當時都係最多訓兩個hr~~但我一d都唔覺得辛苦..只有開心同幸福既感覺咋

~~仲有...我個女既生長線由5左右(佢出世得6磅幾)升到75...我辛苦d都抵番曬啦!..
頭兩個月係辛苦d姐...之後就好好多架喇!!!加油呀!!!要好好珍惜呢6個月淨係餵人奶既機會&時間..因為之後食solid food就有排煩呀...日日要煩煮咩比佢食..都搞到你頭都痛埋呀..

又要睇住佢..又要忙做家務..真係有排煩呀..不過你有工人就好好多~~所以其實你有人幫已經好幸福嫁喇!!

[ 本帖最後由 YUKIYAN 於 09-12-4 23:24 編輯 ]

私人傳訊回覆引用

積分: 2094

28^#

發表於 09-12-4 23:32 |只看該作者

終於有少少時間, 可以回覆返多謝各位俾我既支持!

睇到大家既留言, 心情已經好返好多, 無再喊咁多. 但係今日第二次去健康院見醫生, 話bb體重仍然未如理想, 出世3.16kg, 出院2.96. 但今日仍然drop緊, 得2.86kg. 要下星期一再見醫生, 睇返個情況. 姑娘話要再努力d, 再要密密啜多d, 希望bb可以開始重返啦! 希望好快捱過呢段日子, 見到曙光啦!

SyLpH, kiko_mami,
多謝你地既建議, 希望我可以好快學到訓係到餵啦! 但so far, 試過幾次, 但係未學到.
仲有, SyLpH, 多謝你介紹既dvd, 等我有時間睇睇先, 另外, 你個bb好得意呀, 笑咪咪!

Kristinecheng,
我真係好想再同你講多聲多謝, 你真係講得好好, 好好!! 俾咗我好大既鼓舞!!
係啦, 我都知生完情緒真係控制唔到咁波動, 成日都想喊, 有時諗真係好後悔生bb, 如果冇生bb, 而家未可以好悠閒, 去下旅行, shopping下. 點解要攞苦黎身呢?
你好犀利呀, 可以捱住痛餵奶, 如果我係你, 可能我真係一早就真係放棄咗架啦, 我真係要向你學習! 你好多精闢既句子, 令到我多咗好大既意決挨過去呢段日子, 尤其呢句 “呢條路，唔係你一個人行! 多啲上黎同我地傾! “ 我真係好感動, 多謝哂!

Yanlongma, crystalpui, nicksonma,
多謝你地既建議, 我聽你講我今日去健康院請教咗姑娘再指導一下bb既咀形, 原來真係bb咀形未係咁理想, 所以因為咁食得唔好. 我會繼續學習.

Jenniecatcat,
係啦, 原本咁多mami係抱住BB瞓, 其實我都想bb習慣訓床仔, 但係一放低就”嘩…嘩…” 其他人話咁唔得, 唔可以抱慣姿勢, 但係我啱啱睇完一個post, 原來都好多媽咪贊成抱, 話bb冇安全感, 而且bb抱得幾耐呀, 第時你想抱都抱唔到啦, 所以我覺得我都唔係特別既一個呀!
你既建議, 我有用緊啦, 我用緊六甲村餵奶枕, 叫做有野枕下唔死咁倦啦!

Stliu,
多謝支持, 我聽你講有盡量冇喊咁多啦, 而且同兒科醫生同健康院姑娘傾過計, 佢地話我現階段咁食法, 算做得好好架啦, 叫我加油, 心情總算好返d. 而且傾完計, 我放開咗心去接受補奶粉. 希望偷到少少時間, 可以等自己抖抖氣.

Sugarbabegirl,
係啦, 有時真係俾身邊d人激死! 好似今日, 我叫陪月開40ml, 等我抖一抖, 點知又唔問過我補70ml, 我訓咗個半鐘起身餵奶, 佢先話佢俾咗成70ml喎, 叫我唔好餵住, 點知亞b真係係咁訓, 點攪都唔醒啜, 成3個鐘先喊肚餓!

太多不能盡錄, 總之真係無言感激你地打咁多字黎支持我! 謝謝!!

私人傳訊回覆引用

onionpig

積分: 7393

我的育兒心得勳章 hashtag旅遊勳章 DHA勳章好媽媽勳章畀面勳章 wyeth冷知識勳章陪月勳章環保接龍勳章親子達人勳章 BK Milk勳章 hashtag影視迷勳章

29^#

發表於 09-12-5 23:45 |只看該作者

原帖由 Sugarbabegirl 於 09-12-4 14:59 發表

我都係喇，係人見亞ｂ喊就話佢肚餓，我媽見我唔肯補奶粉，就對住我女單打我，話：BB你減肥呀？
陪月又係成日叫我補．．．

我女每次啜我都好似滿清十大酷刑咁，痛到吖！個nipples "high"一"high"都痛到ｃ! 我e+捱過咗喇! (touch wood!) 你都 ...

最煩真係BB一喊D人就話佢餓~好煩好煩...仲要到餵到阿B喇~去健康院姑娘都話阿B重得好好~跟著都仲要比人話我D奶唔夠營養果下野~真係啤一聲~不過最重要都係自己堅持

睇番樓主既經歷諗番起岩岩生完阿仔時~果種餵奶苦況...真係好辛苦~最重要係身邊既人支持自己~同埋要學識點樣搵方法訓同餵奶~我岩岩生完果陣~醫院住左4日~番到去揍B揍左兩日左右~就自己搵方法訓同休息~因為好重要~樓主都係因為休息唔夠所以好辛苦呢~其實好多媽媽都有講左好多建議點餵點訓~係真架~要係阿B訓左既時候你就要襯呢個時間訓同休息~餵就訓係度餵~咁你揍B餵奶可以舒服好多~只要夠精神~其他既辛苦你都會挨得過架~好快阿B就好精靈活潑~成日對著你笑~你就會知道辛苦係值得架
果陣時我都係好堅持~必定要全人奶~咁樣真係令自己好痛苦~上黎BK求救~有個媽媽講左句「補奶粉唔係罪」咁我就放開左心情~自自然然仲可以全人奶~心情都好重要架~嘗試去搵你既方法啦~加油呀~好多奶媽支持你的

私人傳訊回覆引用

onionpig

積分: 7393

我的育兒心得勳章 hashtag旅遊勳章 DHA勳章好媽媽勳章畀面勳章 wyeth冷知識勳章陪月勳章環保接龍勳章親子達人勳章 BK Milk勳章 hashtag影視迷勳章

30^#

發表於 09-12-5 23:53 |只看該作者

原帖由 Lamui 於 09-12-3 19:19 發表
我細B都13日人仔，試過補奶粉。今次我儘量唔比太大壓力比自己，真係可以餵到人奶㗎！雖然我好羡慕可以比到全人奶嘅媽咪，但我亦明白自己嘅處境。我又要照顧兩歲嘅大B，成日都無一個鐘頭小休睡眠，唔夠精神又點造奶呢？因此我每日內 ...

人奶當然係會希過奶粉~但係營養好過奶粉好多~因為奶粉有其他雜質所以會濃D飽D
果陣時都有聽D健康院姑娘講~餵人奶唔好餵過半粒鐘~開頭都好聽話~但係到最後發覺頂唔順~無得休息~所以聽阿媽同奶奶講~果陣佢地餵人奶唔會睇時間~總之佢一喊就餵人奶室著佢把口~所以BB好少喊~咁我都索性咁做~訓埋係度餵~之後阿B仲一齊訓埋覺~都唔知自己餵左幾耐...可能呢個方法唔係太正確~但我自己起碼有得休息同阿B都有得食先~哈~你睇下你會唔會試下啦....呢個時間唔會好耐~過一兩個月大~阿B就唔需要咁嚕

[ 本帖最後由 onionpig 於 09-12-5 23:55 編輯 ]

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

31^#

發表於 09-12-6 07:54 |只看該作者

如果屋企冇腳踏, 就快d 去雜貨舖買張矮橙仔啦, 今日可以用黎做腳踏, 第日可以用黎同bb 玩時你坐低, 再遲d 俾bb 坐, 跟著bb 就會用黎企響上面, 偷台上既糖食. 而家要路係難行, 但到你見你個bb 響一年之後可以企上張橙仔時, 就會覺得時間過得好快.

如果到而家都係餵唔到, 或你極需要休息, 咁到夜晚補一次奶粉都無妨. 當然埋身越多就越好, 但你都要主意bb 既健康同埋你自己既健康. 我初初仲響醫院時, 又係勁累, 姑娘都叫我補奶粉, 咁自己可以有一覺好訓. 訓咪又繼續埋身餵. 我要補奶粉都係只限夜晚至去補, 補左1-2個月後, bb 可以專做全人奶.

你有工人幫手, 已經比其他人好好啦. 到時到侯叫佢幫手拖bb 俾你, 其他事唔好諗啦. 冇得去旅行好小事o者, 到你上晒奶果陣, 有機會你都未必想走去旅行呢!

私人傳訊回覆引用

sheepdog

積分: 2519

32^#

發表於 09-12-6 08:54 |只看該作者

我都係新手人奶媽媽, 樓主的經歷我都經歷過(經歷緊), 我阿b出左世26日啦, 而家食量突然增加, 仲正值我上星期患左乳腺炎, 又發燒又食藥, 身體虛弱, 奶量急跌, 要追返阿b個食量, 呢幾日我經歷緊馬拉松式的餵哺, 真係食到兩邊乳房乾晒, 即使身邊有好多聲音叫我補奶粉, 但係我都仲堅持緊, 都只係一個信念....想將最好的俾bb. 奶粉只係for emergency only, 只要自己仍然堅持到, 我都唔會用奶粉

餵人奶係最自然不過的事, 但不代表簡單, 對媽媽黎講係信心同耐性同意志的大考驗, 樓主要加油呀~

[ 本帖最後由 sheepdog 於 09-12-6 08:57 編輯 ]

私人傳訊回覆引用

jenniecatcat

水晶宮

積分: 56409

33^#

發表於 09-12-6 14:46 |只看該作者

如果冇生bb, 而家未可以好悠閒, 去下旅行, shopping下. 點解要攞苦黎身呢?＞＞＞＞＞我以前都係咁想，所以都冇話要生B。但依家生左就後悔點解咁遲生，BB 俾到既開心真係冇野可以代替！！！依家仲想生多個！！！！！

我的最愛: 老公, 仔仔, 同來緊既女女, 老豆

私人傳訊回覆引用

iris-eddie

洋房

積分: 93

34^#

發表於 09-12-6 18:34 |只看該作者

原帖由 Lamui 於 09-12-3 19:19 發表
我細B都13日人仔，試過補奶粉。今次我儘量唔比太大壓力比自己，真係可以餵到人奶㗎！雖然我好羡慕可以比到全人奶嘅媽咪，但我亦明白自己嘅處境。我又要照顧兩歲嘅大B，成日都無一個鐘頭小休睡眠，唔夠精神又點造奶呢？因此我每日內 ...

我想問你pump 45mins 係一次過pump or 停一陣又pump 下咁, 我pump 15mins 到(10-20ml only)就開始冇乜奶, 唔知係咪要等一陣再pump(我用手jit, 手&電泵唔work), 我奶量唔多, 因比bb啜得少, 晚上飲奶粉, 日頭食得唔多, 是否每3hrs pump 一次會刺激多d???

37weeks 6lbs

私人傳訊回覆引用

積分: 2094

35^#

發表於 09-12-6 20:40 |只看該作者

我都想知呀, 我都係咁, pump 15mins 到(10-20ml only)就開始冇乜奶, 都係用手jit, 手&電泵都唔得, 可能未係好多奶..

所以我會亞b餐與餐之間jit一陣又停一陣, 但又怕jit咗, 亞b又唔夠食, 係咪應該唔泵住呢?

私人傳訊回覆引用

積分: 2094

36^#

發表於 09-12-6 20:45 |只看該作者

原帖由 bosch 於 09-12-6 07:54 發表
如果屋企冇腳踏, 就快d 去雜貨舖買張矮橙仔啦, 今日可以用黎做腳踏, 第日可以用黎同bb 玩時你坐低, 再遲d 俾bb 坐, 跟著bb 就會用黎企響上面, 偷台上既糖食. 而家要路係難行, 但到你見你個bb 響一年之後可以企上張 ...

係喎, 多謝你建議! 等我買張先! 不過我而家踏住工具箱, 高度都幾好, 仲唔會踢郁添..

私人傳訊回覆引用

stliu

積分: 2647

37^#

發表於 09-12-7 09:14 |只看該作者

泵奶, 我之前係泵成45分鐘架, 我用電雙泵, 好得意, 開頭10分鐘多D奶, 跟住冇乜, 但係等約10分鐘倒又會再有奶陣. 如是者, 會有幾次. 其實也有方法自己製造奶陣, 可惜我唔係太曉, 但我咁樣等下又一次, 等下又一次. 都可以多D奶. 泵的時候又用手輪流按摩兩邊, D奶又係可以出多D. 泵完熄左機, 我再用手擠, 都仲有少少, 咁樣應該係可以刺激多奶.

私人傳訊回覆引用

yanlongma

積分: 5016

38^#

發表於 09-12-7 09:50 |只看該作者

你媽媽同奶奶係非常正確！

真係要唔睇時間，bb一喊就俾佢食。
唔好成日睇住個鐘，諗：對上一次離現在只有一個鐘都未夠喎，係咪唔夠飽呢？<<<<咁就會好無謂地嚇親自己！
你真好！有兩個有經驗的人在身邊！

原帖由 onionpig 於 09-12-5 23:53 發表

人奶當然係會希過奶粉~但係營養好過奶粉好多~因為奶粉有其他雜質所以會濃D飽D
果陣時都有聽D健康院姑娘講~餵人奶唔好餵過半粒鐘~開頭都好聽話~但係到最後發覺頂唔順~無得休息~所以聽阿媽同奶奶講~果陣佢地餵人奶唔 ...

私人傳訊回覆引用

yanlongma

積分: 5016

39^#

發表於 09-12-7 10:05 |只看該作者

要有奶出，係要引發有噴奶反應。所以如果泵奶，係要無奶都照泵，泵多幾分鐘，就會有第二次的噴奶反應，就會再出到奶。
之但係，最容易引發噴奶反應的，bb的哭聲、bb的樣子、bb陣"除"、乳頭被bb溫柔的咀吸吮(與奶泵的拉扯差天共地！)、你與bb的肌膚之親！
因此，要排空乳房(>>增加奶量)，最好方法仍是埋身餵！

至於餐與餐之間泵，我就覺得未必有需要。
只要密密埋身餵，對乳房的刺激是足夠的。
而且，bb細，食的密。媽媽已好累了，仲要拿出時間泵奶，實在太累人了！
例不如爭取多點時間

，然後用最efficient的方式餵奶(埋身餵)吧！

原帖由 Popo^^ 於 09-12-6 20:40 發表
我都想知呀, 我都係咁, pump 15mins 到(10-20ml only)就開始冇乜奶, 都係用手jit, 手&電泵都唔得, 可能未係好多奶..

所以我會亞b餐與餐之間jit一陣又停一陣, 但又怕jit咗, 亞b又唔夠食, 係咪應該唔泵住呢? ...

私人傳訊回覆引用

kristinecheng