原帖由 pino 於 10-2-11 14:40 發表
mosski,
你點樣控制吾發火呢?我由朝到晚對住佢,真係覺得好辛苦,雖然明知佢仲好細,而男仔suppose又特別百厭(佢其實可能已經乖過好多男仔),但當佢真係無時停,又行到好快好似飄到就黎跌咁,攪到我神經好緊張(佢16個月先識自己行,有時行得太快都仲吾係好穩咁),跟住d玩具/書拎到出黎又吾要........我就真係忍吾住發忟,吾好聲氣+面口對住佢........雖然知道咁好吾啱,但.......... 好難頂......係咪仲有所謂Trouble Two呢樣野??到時點算好?
如果佢激你既時候,比大家有時間同空間去冷靜下,咁樣可能你會冇咁易忟,因為當佢發脾4時,我會自己都冷靜下~唔理佢,唔睬佢~因為佢唔知咁樣會令你好忟架~你原諒佢既無知~佢可能真係想你留意佢~你諗好既一面啦,你會開心好多~男仔真係百厭好多,但如果比你揀~你想你個仔活潑好動定粒聲唔出先~
我都唔知我個仔幾大先唔會再掉野架~有時仲掉倒人添~但有時要佢慢慢學會,迫唔到,咁既然你要做helper幫佢既~就要先平衡到自己心理~你成日發脾4都會影響到個仔既行為架~有時我個仔做衰野我都係得啖笑囉~一定會話佢,話返比佢知咩係岩同唔岩~但新一代小朋友用既方法唔迫得啊~佢衰時你諗樣佢既好啦~你自己會笑返~你要日日麻醉自己~哈哈~好快做到~
做人咁忟咁辛苦做咩~開開心心過啦~
我個仔都15個月先識行架~一識仲跑添~ 所以成日趺親~我地又要扶實佢~佢又要唔比喎~咁到佢趺到時我會話佢"係啦,係啦,叫左你唔好跑架啦,行都未行得好就跑,好啦,趺親啦,下次唔好行咁快同跑啦,mami錫返囉~"如是者好多次,到現在19個月,佢行得快or做衰野會整到自己我都會話定比佢知後果~有時佢真係諗諗下唔做架~ 多d同佢傾下計啦~你會有成績架~加油~
http://www.uwants.com/attachments/day_071009/20071009_ac433c37df94829a0fffH86bsiiFClBw.gif