我奶奶對我都唔係好好, 入門前發生左好多野, 媽咪同家姐直頭要我再讀書唔比我嫁.
入門後點都好, 過時過節無一個新抱會斟茶比佢地飲, 得我會咁做, 當住成班親戚面前敬茶比佢地兩老, 我只係覺得佢地年紀咁大, 重會擺得幾耐, 不如做阿 Q 唔好再諗, 反而舒服好多.
我老公搵得唔多, 我重有做野時見到面咪比錢佢地買野食, 個個月定額咁比家用真係無可能, 間唔中一二千我都重拎到出黎, 早排佢地係澳洲玩完返黎, 我都有問老公比唔比錢佢地, 老公話唔比, 但我唔理照比, 今次咪用個孫女名義話係孫女請爺爺麻麻食野, 總之唔想搞到難得一見連買野食錢都好似唔比咁.
我有同過佢地住過架, 真係好辛苦, 放左工重要返去做屋企野, 但我同佢地住, 真係覺得無可能做大帝乜都唔理乜都唔做, 唯獨佢地房廁所我唔會搞, 其他乜鬼做得都做晒.
我同奶奶既恩怨可能比婆媳版入面既重大, 但早早阿 Q 左, 假若我無做到阿 Q, 今時今日老公都唔會對我地頭家付出咁多同對我咁好.
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
返回列表
