近排 細仔又病 冇返學 請病假響屋企休息
我叫左個工人 唔好帶細仔出街
到我返到屋企 佢先好落街買菜
有一日 我同事響我屋企附近間麥當勞食lunch
見到我工人 同發緊高燒既細仔響麥當勞食緊野
細仔仲食緊漢堡包
因為個時我有野做 所以冇即刻落去麥當勞睇下係咪真係
但同事有相為證 好難唔信
我返到屋企問細仔 今日有冇去邊度黎
細仔話冇
我再問多次, 細仔知衰 唔出聲
我見細仔玩緊個happy meal玩具.問佢係邊個俾佢
細仔話: 唔講得
我同細仔講 唔准講大話 今日係咪去左麥當勞食野
細仔先話 係 , anita姐姐帶佢落去食happy meal
佢話唔好同媽媽講 因為媽媽會angry
要keep this as secret
when mama asks you, don't tell Mama
搞錯! 做野唔上心 又照顧不周 仲要教我仔講大話
最後 唔知係咪因為食完麥記 定係出左街吹風
細仔發左好多日高燒 依家入左醫院 接受抗生素治療
跟住我問個工人 做咩帶BB出街
佢答我話佢冇
我俾埋張相佢睇, 問呢個係咪佢黎既
佢先話帶左BB出街買魚煲粥俾BB
個朝我煲左粥俾BB先出去返工 份量都唔少 細仔一個人一定食唔哂
而且我見到個煲度仲有一半我個朝煲既粥
講大話都作個好D既黎聽
我問佢: 乜BB咁hungry咩? 要煲多煲粥?
佢話: Oh no, I bought the fish for dinner
佢真係當我懵既 個晚條魚係我之前個日買