自由講場 今日: 1794 | 主題: 1301464

積分: 39036

陪月勳章

1^#

發表於 10-6-24 00:12 |只看該作者 |倒序瀏覽 |打印

細個老豆打得好厲害... 做咩都唔岩佢心意... 例如一個人想關房門都比佢鬧, 係屋企檯面放低任何一樣野係檯面行開左就話無手尾.... 當想解釋自己會轉頭用的話, 佢都話你駁咀開始打.... 家姐係佔有欲比較強既可人(可能小朋友爭寵啦) , 比佢搶左野如果同老豆或者媽投訴的話, 都會被人叫唔好嘈同搞事....

我估大約由7歲開始, 愈大就覺得愈大精神壓力, 日日都唔開心, 覺得做人好辛苦.... 屋企3個女, 我做中間果個... 家姐因為大d, 識野多d, 由細到大老豆好鍾意佢, 咩都覺得佢最好... 呀媽最鍚細妹, 覺得係弱者, 生活上細節到今時今日都好照顧... 好記得老豆返工, 媽帶我地三個出街時, 左拖一個右拖一個.... 我永遠都係背後跟住行... 好似比人遺棄咁... 當時大約10歲左右... 個心覺得好想離開, 試過企係商場欄杆邊空隙想跳落去... 無跳到, 因為已經知道三層高死唔去.... 試過特登行出馬路比車撞... 唔成功, 好記得比個客貨van 司機鬧"死就行遠d...
我以前成日都懷疑自己係咪有精神病? 成日都想死... 就算一個人訓係床上面... 自己都會向天祈禱帶我走... 唔想再留係度....

好多年之後... 讀完書, 一畢業就同男朋友出黎租屋住... 好好彩, 依家做左我老公... 到依家差唔多大10年啦... 搵到自己幸福, 同父母關係都因為大家少見d 而改善左... 但係, 童年既經歷係一個傷口... 我好想自己可以忘記以前唔開心既事... 但一直都做唔到...

有無人都有差唔多經歷?

0 0 0

私人傳訊

翔媽

洋房

積分: 299

2^#

發表於 10-6-24 00:13 |只看該作者

死羅我都系成日話我個仔無手尾，經常罵，有時唔聽話，頂下我嘴，我就大打出手架~
0甘對我個仔，到時麻俾他嬲死我？
你系咪諗多左？
我覺得父母永遠都唔會對自己仔女唔好羅~
因為我細我唔聽話老豆都會打我同罵我~
但系我都無嬲過~`

[ 本帖最後由翔媽於 10-6-24 00:15 編輯 ]

私人傳訊

積分: 39036

陪月勳章

3^#

發表於 10-6-24 00:16 |只看該作者

可能男仔無女仔咁計較多唔呎多人錫呢... 又或者係我太小氣?? 我都唔知.....

私人傳訊

alicemic

翡翠宮

積分: 92378

好媽媽勳章醒目開學勳章畀面勳章環保接龍勳章大廚勳章 BK Milk勳章

4^#

發表於 10-6-24 00:25 |只看該作者

唔洗咁唔開心，有我陪你！我幾年都無見過我爸爸，可能係人眼中我好不孝，但家家有本，唔通我要同每一個人講自己老豆有幾衰對我阿媽有幾差，對我幾兄妹有幾大陰影咩？有時做咩野都要講緣份，做朋友又好，做家人都係，只要問得住良心就得！

唔好成日諗返轉頭，根本果時自問都無能力改變，發生咗既已經發生咗，就算唔開心都要做人架，一日一日咁過，不如好好珍惜而家有既野，開開心心去過每一日好過啦！

私人傳訊

dj.hkhk

積分: 7563

好媽媽勳章醒目開學勳章

5^#

發表於 10-6-24 00:29 |只看該作者

我都係被爸爸打，仲想丟我落街。但媽媽錫，攪到佢地成日嘈。

不過我好細個就出國去讀書（小3），大個都同爸爸無乜兩句，真正如陌生人，後來我大個了，他生cancer，我有諗過同佢和好，但好難好似做戲咁突然攬住架嘛。

到佢走到差不多最後，佢都起唔到身了；佢話凍，我幫佢蓋被囉。除咗返屋企食飯要裝飯（裝晒全家的，因我最細）這是我唯一一件做過對他好的事了。

佢死咗後我有時都有諗，返得番轉頭我會唔會同佢和好呢？我都無答案，我仲記得佢秤咗我成個人仔喺窗口出面.....

THE CORDS ARE NEVER REALLY CUT.

私人傳訊

積分: 39036

陪月勳章

6^#

發表於 10-6-24 00:35 |只看該作者

呢幾年, 老豆身體好差... 好多時都要我地幾姐妹幫手出入或者睇醫生.... 我都有幫手... 但每次我都好怕走得好近 (佢曾經係我訓覺時摸我, 以為我唔知) ... 知道自己心裹面仍然唔可以原諒佢.... 但見到佢老左身體差... 覺得自己到依家都唔原諒佢好似好唔岩.... 內心既掙扎, 我都唔知點講出黎....

私人傳訊

dj.hkhk

積分: 7563

好媽媽勳章醒目開學勳章

7^#

發表於 10-6-24 00:43 |只看該作者

摸你？Sorry，親生的？那你真好好慘，

過去咗，我覺得都無謂特登要原唔原諒，放低，放過自己過好生活好了。

THE CORDS ARE NEVER REALLY CUT.

私人傳訊

nikinokb

公爵府

積分: 29922

醒目開學勳章畀面勳章

8^#

發表於 10-6-24 00:47 |只看該作者

當你人大多,自己開始老,你會明白
每個人都會做錯事,佢地可能做完後會知錯

好似我甘,我爸成日打我個仔,我好唔開心嫁.
我有時會同佢打過,因為我得呢粒仔,
我唔容許佢比人打,仲要係小事

但每一次我爸爸打完佢後都會好後悔
會偷偷地錫返呀仔,細細聲同佢講頭先公公真係好嬲嘛
仲會好小心甘睇下呀仔有無傷,佢又會好緊張同佢查返藥

大我地一''背''既,講真好多都無咩好既教育
所以動不動就動粗,爆粗,但其實佢地心地好好
只係唔識表現同表達,,

當然,真係有家人係超賤,無人性等,真係唔同個案

私人傳訊

babyvince

積分: 5912

好媽媽勳章

9^#

發表於 10-6-24 00:47 |只看該作者

樓主, 我好明白。細個時我媽咪打到我飛起, 曳固然打, 成績低過90分打, 學唔識自己開煤氣爐一巴打過嚟, 佢兇神惡殺行過我閃開佢又兜巴星我, 又試過撕爛我習作薄、剪爛我課外活動制服, 令我喺學校好難堪... 好多好多... 我記左咁多年都放唔低, 好憎佢。

但我無同佢講, 重對佢幾好。不過有時同佢鬧下交, 我鬧佢鬧得好恨, d說話都好難聽, 可能心裡面始終嬲佢, 有一道不能癒合嘅傷口!

算啦樓主! 可以相處倒嘅, 咪好好對佢地囉。唔得嘅, 都唔駛勉強, 客客氣氣咪算囉!

私人傳訊

積分: 39036

陪月勳章

10^#

發表於 10-6-24 00:50 |只看該作者

好想好想放低... 咁多年都做唔到.... 每一次諗起, 眼淚就控制唔到...

依家每次一家人食飯我都會表現好開心.... 其實佢地唔知我心裡面既感覺... 當然都無諗過講比佢地知啦...

私人傳訊

瑪利2006

子爵府

積分: 11349

11^#

發表於 10-6-24 01:04 |只看該作者

我也是老三,覺得最不被重視的一個,可能兄弟姊妹多(六個),父母要搵食,成長過程常常也覺有欠缺,從小要幫手做家務,去工廠,上學,揍弟妹,父母爛賭,常常半夜三更仍在打牌,而小朋友們則睡在閣仔,跟本不能睡,常常也在麻雀館找爸爸,爸爸也暴力,一有少少不如意,便向仔女們出氣,也會踢抬踢椅,若是管教時,更會用濕了的毛巾和籐條打我哥哥,長大後也沒有說是否原不原諒,只是感情不太好吧了!

私人傳訊

WChan

水晶宮

積分: 69092

牛年勳章 hashtag影視迷勳章

12^#

發表於 10-6-24 01:26 |只看該作者

細個都同爸爸好多爭吵, 總係有好多地方覺得爸爸唔明白我, 佢做得唔夠好, 屋企既野佢又唔多理, 對亞媽又唔好. 宜家大左, 回望返轉頭, 可能做男人既壓力真係好大, 成頭家都係佢一個人擔起, 返到屋企真係咩都唔想做, 唔想理, 唔想煩. 所以長大左我地關係好左, 有時見到佢老左好多, 諗下仲有幾多日子可以陪佢, 以前D野都忘記左佢LOR.

私人傳訊

babych