Baby Kingdom - 親子王國 香港 討論區 › 首頁 › 論盡家傭› 比我呻吓...

論盡家傭

收藏本版
發帖
返回列表
跳至頁
比我呻吓... [複製鏈接]

首頁
1

尾頁
   0
jwmae


大宅

積分: 1999


1#
發表於 10-7-8 00:10 |只看該作者
2年前請咗呢件完約印,諗住佢响附近做咗兩年,見工時好似識講廣東話,又話會買餸煮飯,又好笑容,以為執到件好嘢,

上工先知佢D廣東話原來係有限公司,你問佢D係唔係,佢就話係,知唔知,佢又話知,但如果你問佢其他嘢,佢根本唔知你講咩,佢唔識應你就一味响度笑,初初就以為佢好笑容,冇耐先知原來係以笑遮醜,當你問咩佢都一味係响度笑真係想打巴佢

做咗半年見佢冇咩改善,做嘢又求其,本來想請過件算,但逢過年又難請人,過完年冇耐自己又有咗,然後又要搬屋,執屋,跟住又話生得嘞,生完要湊,大女就旨意隻衰嘢跟出跟入,搞搞下又一年,再過幾個月佢就約滿嘞,我本來唔想同佢續,但老公又話做生不如做熟,就問佢仲做唔做啦,佢話做咪做囉,當時仲有成半年先完約。

過兩個月我再問佢係咪真係做,諗住佢唔做我都有時間搵人,好在我再問下,佢今次話唔做,佢要返印尼,OK,唔做我咪搵過個囉,點知我老公同奶奶講起,奶奶話係咪多咗個BB佢多嘢做咗,提議不如加佢人工,叫佢唔好走啦, 我聽到真係O晒咀,心諗我唔炒佢都算啦,仲要加錢比佢,冇嘢呀,咩多嘢做呀?BB 係100%我自己揍,個衰嘢每日起身整早餐比大女送返學返嚟求其執下屋沖杯奶比我送麥皮做早餐,買餸,接放學,去課外活動,煮晚飯,洗衫熨衫,有幾多嘢做呀?多嘢做嗰個係我,加錢比我就差唔多!:

件衰嘢同奶奶講佢返印尼會男友,但佢唔係結婚,不過聽到加錢又話OK喎,

冇耐佢走嚟同我講如果佢續約呢,年尾佢要返印尼一個月結婚,問我得唔得,我話得,而家你話咩都得架啦

之後佢又走嚟同我講佢老豆同阿媽都病咗,要佢返去,所以都係唔續啦,嗰時係五月尾,我聽完火都嚟,比佢拖下拖下我得返個幾月去搵新工人同做VISA

另外我五月頭己經定晒機票酒店全家連工人7月去旅行,奶奶個工人知我哋去旅行就問衰嘢做到6月30號係咪冇得去,我去問隻衰嘢係咪同人講佢就到6月30號,佢同我話七月中完約扣埋假唔係6月尾咪走得囉,
你買咗機票未?
未買,
我冇話你可以早走。
6月機票平D。
我定晒機票酒店7月去旅行.
咁買幾時的機票?
你唔洗買,我會搞。

第二日佢走嚟問我係咪七月帶佢去旅行時佢就嚟完約,會唔會入唔返境,佢有朋友試過,我話冇問題,叫佢攞個護照出嚟,佢死死哋氣話佢護照响另一間工人公司度,佢其實搵咗新僱主!

跟手嗰日佢唔知做錯咩我話佢兩句,佢就一路行一路咀藐藐,比我响鏡度睇到,咪的佢出嚟鬧囉,順手同佢講唔洗諗住扣假,我唔會比佢早走,咪諗住搵咗新僱主就大晒,咁多大話,扭晒屎忽花,拖爆晒D時間,新人未到咋,如果唔係我宜得你即刻走,你想早走你咪辭工賠錢比我囉,不過我唔志在你D錢,你精精地就醒醒定定做到完約,如果唔係我實告爆你,你想同我打官司你就玩嘢!

下個禮拜佢就走嘞,本來諗住好嚟好去,點知隻死嘢今日又嚟料,叫佢好多次D湯要放入雪櫃,唔可以放响爐頭過夜,尤其而家天氣熱,會壞,今晚食飯時,我習慣餵完BB先到自己食飯,攞咗D煲完湯的節瓜壓爛比BB加落糊仔食,食完到自己飲湯先知D湯酸咗,D瓜就冇咩味,但BB食咗兩大舊,我咪又的佢出嚟鬧囉,佢一味話D湯熱,所以冇放入雪櫃, 嬲嬲哋我帶埋D細路去酒店住幾日,炒鬼咗佢,等佢要返印尼等VISA!




私人傳訊

hahaha2009


複式洋房

積分: 330


2#
發表於 10-7-8 00:38 |只看該作者
你俾個工人拖到錯失時機啦！因為最後一個至炒佢，都當佢完約，唔係斷約工人，更何況佢已經搵到新僱主添，你倒不如為難下佢，令佢自己提早辭職走人仲好啦！


原帖由 jwmae 於 10-7-8 00:10 發表
2年前請咗呢件完約印,諗住佢响附近做咗兩年,見工時好似識講廣東話,又話會買餸煮飯,又好笑容,以為執到件好嘢,

上工先知佢D廣東話原來係有限公司,你問佢D係唔係,佢就話係,知唔知,佢又話知,但如果你問佢其他 ...

[ 本帖最後由 hahaha2009 於 10-7-8 00:45 編輯 ]
我們愛因為神先愛我們。(約壹四︰19)
私人傳訊

sophielau


禁止訪問

積分: 3915


3#
發表於 10-7-8 00:41 |只看該作者
提示: 作者被禁止或刪除 內容自動屏蔽
私人傳訊

chaklongma


男爵府

積分: 5958


4#
發表於 10-7-8 01:03 |只看該作者
你工人同我工人一樣~~~
interview & 初初黎簡直100% 一樣
我果個就新請的
黎咗幾個月
不過咩都無唔掂
仲話向hk 做埋4年
超簡單廣東話, 英文都唔識
only 明白我地20%
我62又係慢慢教, 做耐d就ok
最弊到而家4個月都搞唔掂個仔
完成唔可以自己 take care 小朋友, 日日要我6299黎幫佢
做家務, 唔叫唔做, 兩個幾月都無抹吓牆d mold, 咩都要叫先做, 仲要慢動作
煮飯好難食, 試過蒸minced beef, 搞到好似爛屎咁, d味又難食
要我自己煎午餐肉
唔好講 multi task, single task 都唔合格
不過我好d
我唔會拖, 我已經搵到工人喇
工人8月中 - 9月到我家, 到時送佢一程~~

私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見