吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由報料› 大肚婆唔係大哂

自由報料今日: 3|主題: 292990

收藏本版

發帖

返回列表

跳至頁

樓主: Vincybaby

大肚婆唔係大哂 [複製鏈接]

3 456 7

Ksnoopy

男爵府

積分: 6730

好媽媽勳章

81^#

發表於 10-7-13 01:24 |只看該作者

haha, 我都試過個肚鑼咁大, 無人讓位比我, 到有人落車有位坐, 坐咗1個站有個腳震震的亞婆上車, 又係全車無人讓位, 結果我好唔情願底下(因為我都好辛苦), 我都起咗身讓位比佢...
我其實真係好唔明, 特別係果d後生細仔,坐足一日的白領, 坐少一陣唔駛死卦, 點解唔肯讓座比D有需要人士呢? 唔明...

原帖由 gracelam123 於 10-7-13 00:28 發表
我試過喺大肚讓位比亞婆(因為個亞婆真係震哂咁)唔係要讚自己.但有d人係唔讓位就唔讓位,不喜勿插--------------------------我都試過, 全車人無人讓個婆婆, 我個時大緊肚, 我見咁我就起身讓比個婆婆坐. 個亞婆話 ...

私人傳訊

Chamo

伯爵府

積分: 17461

82^#

發表於 10-7-13 01:34 |只看該作者

就係將自己既需要無限放大 (例子請參考 post #36), 所以認為人地要留意到你既存在去讓位.

人地無讓位, 就會話人地扮打機, 扮瞓教, 無公德心唔讓坐. 呢 d 唔係又係從個心諗出來鬧人既藉口?

我從來 (post #6) 都話: 其實我搭車好多時都見有熱心人讓位, 好少見有需要既人係無位坐.

我有個夏季不是大肚時, 只係穿娃娃裙都有兩次有人讓坐俾我. 我唔覺香港人係無惻隱之心, 無公德心 ……

見咁多人講到咁慘咁氣忿. 我今日搭地鐵昤順便觀察下. 今日個車箱無老人家, 無大肚婆, 無傷殘人士, 無人抱住 bb 無位坐. 而坐係度既六個人, 有三個係閉目養神 (唔通唔俾人好疲勞嗎?), 兩個打緊機 (唔通人地悶唔俾人娛樂下), 1個中學生把頭託在背囊上發呆. 他們有需要在扮嗎?

香港公共交通工具沒有為有需要人士而設的坐位. 無人讓位就簡單想是那些人一不留神或人多看不到自己. 點解要想到咁複雜話人地扮睇唔到專登唔讓位無公德心?
求人不如求己, 就是唔好老馮, 直接有禮貌地同坐著的乘客講你需要坐位! 其實只要自己肯主動禮貌地開句聲, 就唔使辛苦咁企, 個心又唔使係度話人無公德心唔開心. 我相信肯禮貌開聲, 無人會話你黑人憎, 乞位坐, 而且又不傷和氣.

要話別人無公德心既時候, 是否可以自己先顯視禮貌?

私人傳訊

Love111111

大宅

積分: 4177

83^#

發表於 10-7-13 02:10 |只看該作者

睇野唔好睇冰山一角,做井底之蛙,一班列車其實唔只一個車箱,一日都唔只一班車,又分繁忙同唔繁忙既時間，要留意就去跟樓主所講既時間地點,每日去做統計,攞個平均數,先返黎死雞燦飯蓋啦!

統計埋有幾多人會出聲請人讓位啦!我都想知會有幾多人會問有位坐既人讓出坐位丫!

讓坐要等人出聲問,我真係第一次聽到咋!點解學校無教過既!佢係邊度學返黎既呢?

私人傳訊

Sindy

珍珠宮

積分: 33488

好媽媽勳章

84^#

發表於 10-7-13 03:54 |只看該作者

原帖由 Chamo 於 10-7-13 01:34 發表
就係將自己既需要無限放大 (例子請參考 post #36), 所以認為人地要留意到你既存在去讓位.

人地無讓位, 就會話人地扮打機, 扮瞓教, 無公德心唔讓坐. 呢 d 唔係又係從個心諗出來鬧人既藉口?

我從來 (post #6) 都話: ...

有無睇到巴士有貼住"請讓位給有需要人仕?",佢地就以為,個個自律,唔設特別專坐比呢D有需要既人,夾硬規定咩位要讓,你都識讓,如果讓位唔係老馮,就唔會貼左紙出黎提我地,咁你都仲有得撐?

你話叫有需要人仕開聲問人拎位座,咁仲會大大聲比人話乞位坐添...你叫佢地開聲,全車咁多人,同邊個開聲,開左聲,到時佢地又會話蝦佢,點解個個都唔問,係要問我,真係唔識點答,咁既野你都會講得出,你好野

[ 本帖最後由 Sindy 於 10-7-13 03:55 編輯 ]

私人傳訊

我愛Corina

瑪瑙宮

積分: 134463

2024年龍年勳章 2024勳章好媽媽勳章醒目開學勳章環保接龍勳章

85^#

發表於 10-7-13 06:33 |只看該作者

做人唔可以將心比己,唔可以己所不欲,勿施於人咩?

我而家陀緊第2個...其實我就好少係香港搭公共交通工具,就算搭,我都會揀唔BUSY既時候,因為我唔洗返工...我唔寄望人地會讓位比我,但如果有人咁做我會好開心+感動....但事實上,讓過比我既,不過3次...有一次係一位國內男士,而後生的,可以當見我唔到...不過我媽話我,可以自己渣車/搭的士,唔好諗住人地讓比你,你tired,人地都會tired...

另外,我好多時都會摸肚,係屋企會,行行下街會.....乜原來咁,係咁克人憎?咁樣都會另人不滿,我覺得真係好可憐,可憐既係點解有人講得出呢D說話,自己都係人母,點解個心態咁唔要得,如何教導下一代?

不過我試過讓位比一位伯伯,伯伯竟然拒絕我後,佢仲係MTR到打千秋,可能佢想我知,佢仲好健康...

私人傳訊

klm402

伯爵府

積分: 15837

86^#

發表於 10-7-13 09:29 |只看該作者

略略睇哂咁多個post, 其實樓主讓座與否大家可作評論, 但到底個人覺得評論既人都唔應講咩...咁多人死唔見你死...又咩送個小朋友去保良局..呢d說話真的太難聽而且惡毒.
我自己大肚時巴士好地鐵好都好少有人讓位比自己, 地鐵時我通常都係企係門位挨住玻璃的, 就係唔想好似企入去等人讓位, 因我知道依家既人唔會因你大肚而讓位.
有次係旺角巴士返大埔, 巴士冇人企, 我以為有位就照上, 上到先知道冇位坐(因我行過最入睇), 好多人都見到我大緊肚, 而且當時已8個幾月了, 但d人都冇理, 結果我由旺角企返到總站大埔先落車, 真的好辛苦, 我b又重, 肚又大, 腰骨又累, 腳又腫, 將心比己唔明點解d人見到個大肚婆都唔讓位, 但讓位又唔係必然既事, 我只打比老公同老公講, 叫佢如見到大肚婆一定要讓位比人, 因要咁企真的好辛苦, 老公仲話唔洗我講都一定會讓位比有需要既人.
見到依家既人大多品德唔好, 可以做的只係心中暗問...唉...依家d人....同埋提醒自己好好的教導自己既小朋友, 但我絕唔會咀咒人家, 呢個就係大家講緊德行既問題.
所以到底大家同意唔同意樓主行為都好, 都唔應口出毒言吧.

私人傳訊

Laughing

別墅

積分: 963

87^#

發表於 10-7-13 09:35 |只看該作者

我都大緊肚都有讓位比一個阿婆抱住瞓著左既孫女, 因為我覺得佢更加比我需要個位. 所以樓主都唔駛諗得太複雜, 就算樓主搭下一班車又如何, 我地應該慶幸自己可以幫到人而唔需要人幫, 咁你就唔駛咁唔開心. 每個大肚婆都有唔同既唔舒服情況, 你都大過肚唔使話到人地咁衰既.

私人傳訊

奇蹟

禁止訪問

積分: 434

88^#

發表於 10-7-13 10:48 |只看該作者

提示: 作者被禁止或刪除內容自動屏蔽

私人傳訊

寵壞了

珍珠宮

積分: 31070

好媽媽勳章

89^#

發表於 10-7-13 10:48 |只看該作者

以後有陀住BB既媽媽呀,入到車廂一定要搵個隱蔽D既地方企係度,唔好隨便摸個肚,唔好掃個肚,唔好周圍望,個頭一定要向住個天花板直到落車為止,唔係會比人話乞位坐架

私人傳訊

emmypun

珍珠宮

積分: 37585

畀面勳章大廚勳章

90^#

發表於 10-7-13 11:26 |只看該作者

乞位坐

樓主你把口都好衰下.
你其實識唔識字ga? 車箱內寫到明啦, 唔明小朋友都識睇圖. 依遍野你搵人幫你打定係用"語音輸入法"?

mouth:mouth:" />

女人是很脆弱, 但媽媽卻很堅強:)

私人傳訊

fleshmoon

伯爵府

積分: 15190

91^#

發表於 10-7-13 12:33 |只看該作者

人地咁正經/閙到咁激, 你咁好笑既! 我覺得好攪野囉!!:>
大家凡事平常心面對啦, 人都開心d.
cheers,

原帖由 寵壞了 於 10-7-13 10:48 發表
以後有陀住BB既媽媽呀,入到車廂一定要搵個隱蔽D既地方企係度,唔好隨便摸個肚,唔好掃個肚,唔好周圍望,個頭一定要向住個天花板直到落車為止,唔係會比人話乞位坐架 ...

私人傳訊

fleshmoon

伯爵府

積分: 15190

92^#

發表於 10-7-13 12:39 |只看該作者

我都坐個mtr返深圳數次, 他們現在比香港人禮貌, 不單不掙住上車, 而且我都時常見有人讓坐的情況呀. 我們真的要檢討下了.

原帖由 karlilau 於 10-7-12 21:16 發表
唔好笑人地係大陸人!老實講我4-6個月期間,返過廣州一次,深圳一次,岩岩見肚ja,坐地鐵好多次都有人主動讓位我坐,我仲要企係門口位(因為唔想畀人覺得我想人讓位)
我老公同我朋友都好估唔到佢地咁好人!
反而8-9個月,個肚 ...

私人傳訊

21g

男爵府

積分: 7450

93^#

發表於 10-7-13 12:59 |只看該作者

原帖由 fleshmoon 於 10-7-13 12:39 發表
我都坐個mtr返深圳數次, 他們現在比香港人禮貌, 不單不掙住上車, 而且我都時常見有人讓坐的情況��. 我們真的要檢討下了.

都係睇咩區,好似有人話香港島d人斯文d,衣著光鮮d,
深圳二線,3字頭公巴,東莞仲係唔係好得,有服務員賣票跟車,就好小小

私人傳訊

Gar

大宅

積分: 3744

94^#

發表於 10-7-13 13:05 |只看該作者

其實除左車上要讓位外, 連排緊隊都應該讓有須要人仕先登車. 巴士站好似有寫呢 D 標語 wor. 另外講到而家 D 後生, 讓位已經唔洗講, 我曾經見過通街吐痰, 大講粗口, 成條路好似佢行晒. 真係唔知點解.

私人傳訊

lamlonglong

別墅

積分: 641

95^#

發表於 10-7-13 13:27 |只看該作者

因為自己都大過肚，有時企一陣都好辛苦，所以唔理果個大肚皮咩咀臉，我都覺得應該讓座....

私人傳訊

Vincybaby

別墅

積分: 521

96^#

發表於 10-7-13 13:28 |只看該作者

開le個topic並不是想同人嗌交, 當然有人認同及反對, 但見到D咁惡毒留言, 都要表態, 我並非針對大肚婆, 而係個別大肚婆, 自己都大過肚, 亦好明白大肚婆的需要, 磋肚係好正常, 但並非不停手係咁磋, 可況佢重好精神, 你地睇唔到佢當時有幾老馮, 有D人唔在場就憑幾隻字就話哂我錯, 我自問心地不差, 而le件事只係針對嗰別人事啫, 唔係個個都係咁, 有D大肚婆很有禮貌, 平時我亦都會讓坐予需要的人坐, 新聞都有講過啦孕婦公主病, 我只係想講你大肚唔係個個要就哂你, 正常人都可以唔舒服架, 就因為人地唔係大肚, 唔係老人, 就唔可以坐? 唔通正常人要同D有需要坐的人講我唔舒服唔好意思讓唔到個位比你咁呀?

我亦重申講一次le件事只針對個別人事, 並不是針對大肚婆, 如這個topic 令到一些大肚婆火遮眼, 我講聲唔好意思, 我亦不會再在這topic留言, 因在這裡及post#1已講得好清楚, 香港有言論自由, 你仲意點講你自己的事, 請你們睇清楚D字先再作評論!

另外, 估唔到有D咁惡毒人兄:(奇蹟 & noddynoddy) 講: "咁多人死唔見你死", 唔讓坐就叫人去死, 咁D殺人放火嗰D咪要死好多次, 點解識話人唔識話自己呢? 就算我心地幾壞, 我都睇唔出你心地會好得過我囉, 就算人地點得罪我我都唔會咒佢去死, 因為我唔想有報應&折福, 我亦都睇唔出佢地D仔女將來會有幾好人囉, 個亞媽竟然叫人去死, 香港就係多咗你D咁偏激的人, 而令咁多人要跳樓......

私人傳訊

Love111111