話說我坐企呢個阿姑旁邊睇D宣傳單,你知啦坐巴士碰撞係難以避免,係
我不知情下, 我碰到她, 當時我不為意就繼續睇,呢個阿姑就特登碰左我三吓, 而我就好大動作咁避開,呢個阿姑就細細聲話我撞到她,我好嬲,於是罵她
(A 代表本人, B代表呢個阿姑)
A: 唔知係你撞我, 還是我撞你
B: 係你撞到我先,仲係度咋咋帝,扮唔知,扮無野!
A: 我撞你係冇心,你撞我係有意
B: 我唔理係有心定冇心,總知就撞到我,所以就回敬你,係呀!我係特登撞你呀!
A: 坐巴士撞係難以避免,你唔洗咁呀!
B: 你撞到我仲鬧我, 一睇你就覺得你忔人憎啦!
A: 如果係個男人撞到你,你實唔
敢鬧佢啦!
B: 我人格不知幾高尚, 我忍唔先至鬧你咋!
A: 你人格咁高尚, 你不宜坐巴士同地鐵,你坐的士就唔會有人撞到你啦!
<阿姑開始有D話無論似>
B: 坐的士都會比人撞,仲有呀,揸的士D人都可能係衰人,我D仔女個個係碩士生,佢地都唔會咁做啦!”
<我完全唔明佢講乜>
A: 咁即係話你有D錢啦!咁你唔坐的士,咪司家車啦,洗乜要逼巴士!
B : 坐的士OR司家車唔代表有錢同人格高尚,坐巴士唔亦代表冇錢,睇你穿條裙靚D,學人扮細個,睇你個樣以五十多歲的師乃"
(其實我只係三十多歲,而呢位阿姑就似係四十多歲的師乃,而且動作及說話都係有D問題)
A : 我係師乃,你咪係阿姑囉!之前就有個巴士阿叔,而家就有個巴士阿姑
B : 你就係巴士阿姑,睇你就知道你好窮啦!要坐巴士,你唔會有錢坐的士啦!
A : 大家咁話啦!你咪同我一樣坐巴士,係度扮高尚,我EQ高,費事大聲鬧你,D人唔小心撞到我都唔會鬧人,你就EQ低啦
B : 我EQ不知幾高,係我忍唔住先至鬧你,平時D人坐巴士撞到我,都唔好似你咁,扮無野,你都傻傻哋!
A : 通想話人傻傻哋嗰個人,先至係傻,你都巔巔哋,不如你睇吓醫生CHECK啦!仲有呀,你咁講即係話有多人都撞到你啦,你咪成日發巔一鬧人
B : 係我忍唔住先至鬧你,一睇你就知你個格衰啦!你就巔巔哋!
A : 呀!可能你今日比人激親,而家想揾人發(薛)吓!鬧啦!鬧啦!
B : 我費事同你講!
(隔咗一陣)
B : 一睇你就知,你個人好衰格啦!
A : 又話費事同你講,而家又係咁鬧!
(佢繼續話我傻、巔,而我的回應係"吓"、"係呀!"、繼續鬧呀!",佢就越講越嬲)
B : 我日日都坐呢班巴士,第我認住你個樣先!
A : 真係唔好意思啦!我今日遲咗先至坐呢班車,仲有呀,我見到你,都會掉頭走,費事你巔巔哋,攞把刀嚟插我呀!
B : 你就巔巔哋,我驚你攞把刀嚟插我先真!
A : 係呀!我巔巔哋,你小心我攞把刀嚟插你呀!
B: 我影你相,然後放上網
A :你咪影啦,!我會告你侵
犯私隱!
B: 你點會告得入,好多人都放上網啦!
A : 你咪試吓影囉!
(大家靜咗一陣,我又繼續睇單張,呢次我好小心就住嚟睇,費事唔小心撞到佢又發巔)
B : 咁咪好啦!係要人話你先小心D
A : 阿姑,我驚撞親你又發巔鬧人呀!
B : 仲以為你有改進,仲係度惡人先告狀!
(於是佢繼續話我傻、巔,而我的回應係"吓"、"係呀!"、繼續鬧呀!")
(我見到佢好似想落車咁樣,我就話)
A :你要落車呀!等我坐另一個位,讓條大路比你行呀!
(佢唔出聲,我又話)
A :小心D行呀!
(佢終於忍唔住)
B : 你恐嚇我呀!
A : 唔係恐嚇,係叫你小心D行,免得被人撞又鬧人啦!