頭先朋友講先知呢單新聞, 乜原來補選經費無限制點用架?! 用唻交違泊罰款都得?! 仲要係1.1萬喎! 陳偉業一日用10.5萬請食飯, 有1千人都每人可以食成百蚊啦! 公帑可以咁豪請食飯?!?!
長毛被罰萬元 補選食37張牛肉乾
(明報)2010年7月21日 星期三 04:40
【明報專訊】5區補選嗰陣,公、社兩黨都做咗好多宣傳工作,5個當選嘅議員先後交咗選舉開支,原來5個人喺今次補選度,總共用咗超過687萬,當中亦有好多騎呢選舉開支,包括社民連[url=]梁國雄[/url]([url=]長毛[/url])喺選舉期間,申報單係違例泊車嘅罰款,就已經用咗超過1.1萬蚊,如果以違例泊車每張320蚊計,佢就已經食咗成37張牛肉乾!
為方便亂泊車 理直氣壯
Emily問過長毛點解會咁樣,點知佢理直氣壯咁話自己無車牌,相信都係司機為咗方便做口野亂泊車,仲話好多香港人都係咁。話晒長毛都係議員,點都應該守吓規則,但長毛竟然反問Emily「你係咪傻㗎」,完全覺得違例泊車好正常。佢仲話一張罰款要幾百蚊,「罰萬幾蚊都唔係好多啫」,相信呢個觀點,都冇咩人會認同。
和尚打傘造型花198元
長毛報名參選嗰日,打扮成和尚打傘嘅造型,諷刺政府無法無天,原來都用咗198蚊,因為把油紙傘就要100蚊,而佢個光頭頭套就要98蚊。
長毛黨友[url=]陳偉業[/url]申報嘅選舉開支係眾人之冠,可能因為佢選舉團人數多,飲食開支大過人,單喺投票當日,佢就申報咗10.5萬膳食費,選舉事務處噚日睇唔到參選人提供嘅單據,唔知佢口地係去食鮑參翅肚,定係宴請咗成千人食飯;喺九龍西參選嘅林依麗,當日只係用咗300幾蚊請助理食魚蛋粉,真係相差好遠。選舉後嘅慶功宴,大嚿亦申報用咗1.28萬。
大嚿同Emily解釋,話投票當日佢喺選區內嘅票站同街頭擺成百幾個站,有過千人幫佢手,所以當日膳食開支達呢個「冧巴」十分正常。
講野唔好笑又唔識講爛gag
上forum只為吹水唔好同我認真