吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 強烈抗議k11商場育嬰室俾清潔阿姐霸住嚟呑pop ...

母乳餵哺今日: 0|主題: 85694

收藏本版

回覆發帖

返回列表

跳至頁

查看: 2422 | 回覆: 11

強烈抗議k11商場育嬰室俾清潔阿姐霸住嚟呑pop [複製鏈接]

冰糖小圓子

大宅

積分: 2301

1^#

發表於 10-10-10 22:24 |只看該作者 |倒序瀏覽 |打印

話說上個星期六同屋企人去尖沙咀k11商場食飯，期間阿b要食奶，就急急腳去搵育嬰室，終於响1樓搵到育嬰室，點知扭一扭度門，發覺上左鎖，一定有其他mami用緊啦，於是就企响門口等啦，我一般都唔會敲門，因為好似催人咁，唔係幾好意思。
等左大約3分鐘左右，有人開門，竟然係一個清潔阿姐响裡面，佢話：俾你用吖﹗我心諗你响入面搞乜呀，段估你個年紀都唔會响裡面pump奶吖... ... 於是我就入左去，唔駛5分鐘，有人扭我度門，又敲門，我就聽到有人話：哎唷，有人用緊呀？
我無理到，阿b果日食得唔係咁好，再過多2-3分鐘我就搞掂出去了，一出去就見到另一個清潔阿姐企响門口，佢揮手向對面另一個阿姐話：喂，得啦得啦，入得啦﹗
我好肯定佢地唔係响入面清潔，第一，清潔唔駛鎖門，第二，點解d清潔阿姐要輪住咁入育嬰室，仲要咁密？肯定唔係清潔啦....
已經唔係層層有育嬰室啦，仲要得一間咁大把，仲要俾d唔係餵奶既人霸住，勞氣呀﹗一出來已經想搵商場管理員投訢，但係一個職員都見唔到... ... 無奈..

0 0 0

私人傳訊回覆引用

K11MSO

民房

積分: 1

2^#

發表於 10-10-12 20:34 |只看該作者

K11 回覆

K11 回覆：

對上述女士在尖沙咀K11商場使用育嬰室時所遇到的不便，本公司謹此致歉，亦已作出以下安排：

1.
清潔育嬰室時會在門外掛上告示牌。

2.
加派人手巡查育嬰室，有需要時為顧客提供即時協助。

K11 企業傳訊部

私人傳訊回覆引用

冰糖小圓子

大宅

積分: 2301

3^#

發表於 10-10-15 13:31 |只看該作者

你地知道呢件事就最好,最緊要係用俾到有需要既人用law...我地有時搵地方餵奶都好辛苦架!

私人傳訊回覆引用

NickBB

子爵府

積分: 12453

4^#

發表於 10-10-15 16:05 |只看該作者

K11都好吖，禁快回覆！希望奧海城果邊都改善下就好啦！

私人傳訊回覆引用

zxyggp

公爵府

積分: 26701

認識瑞士牛牛第二回認識瑞士牛牛第一回想生BB熱投

5^#

發表於 10-10-17 10:50 |只看該作者

有時見到啲學生走入去鎖門,你更無奈,試過佢地出黎有煙味,你都唔知入唔入去好

大女4.5歲啦，努力成果胎兒5個月啦，10月可以見

私人傳訊回覆引用

mrschoy

大宅

積分: 4166

6^#

發表於 10-10-18 10:07 |只看該作者

唉, 有時育嬰室真係會被人濫用

我記得之前去朗豪坊
個房係lock左, 要搵counter開門
雖然係麻煩d, 但係我覺得好似好d...

~~ 祂不應許天常蔚藍, 但應許祂的慈愛常在！~~
~~ 願我們常存感恩的心去讚美上主！~~

私人傳訊回覆引用

Tazman

複式洋房

積分: 453

7^#

發表於 10-10-18 14:51 |只看該作者

唉...講起商場既育嬰室, 就真係把幾火. 我個 b 快七個月, 我係在職媽媽, 所以一個星期有五日, 要用公司附近既商場育嬰室泵奶, 真係見盡唔少自私既人. 唔係商場職員, 係 d 使用既人, 即刻都係為人父母既人.

首先講下, 育嬰室一入去有一排換片bench, 仲有一排有兩個洗手盆既bench. 另外有兩間獨立餵奶房, 房入面有一張椅, 洗手盆, 換片地方.

係呢四個月既汞奶生涯中, 經常見到:

1) 商場附近有好多幼稚園, 有幾個 "常客" 會霸佔獨立育嬰室比小朋友食飯. 唔知點解唔可以係food court / 商場其他地方食, 而要霸住個餵人奶既獨立房食.

2) 見過有幾次有 d 大 b (著住kinder uniform) 入黎, 之後話要小便, 個亞媽居然比佢企上個bench, 痾落洗手盆到, 個 d 係百份百香港人, 所以唔好話係disney 入面痾尿落面盆 / 係商場到隨處大便既大陸人, 其實人一自私起上黎, 就唔分咩人同咩人.

3) 又有一個婆婆 / 女麻女麻, 跟個印傭, 我撞過四次, 次次都係會攞晒兩間獨立房既椅出黎, 用一張椅黎放佢既袋等等, 而另一將就會佢自己坐, 然後個小朋友瞓起佢大脾到. 第一次我見到以為佢同小朋友換緊片. 我無理佢, 一心要泵奶, 入去獨立房, 見到無左張椅, 就再去另一間, 又係無, 出番黎, 佢完全無意欲想比番一張椅我, 要我開聲佢都唔比, 淨係話好快, 叫我等. 但我唔明, 佢放袋個張點解唔可以比我. 咁我就問佢, 叫佢拎起 d 袋, 放係個換片bench 到, 佢好大反應話唔得, 要我等.

4) 之後再撞過呢個亞婆幾次, 佢又係咁, 攞左張椅出黎, 坐係到, 地下有條片, 原來係 "豆" 個小朋友大便. 覺得佢好自私, a) d 人一入黎就見到佢同個小朋友; b) 佢個小朋友都4 - 5 歲, 如果要大便, 應該同佢去廁所, 而唔係係育嬰室比佢痾, 好唔衛生 c) 個房抽風唔強, 好臭, 有 bb 係入面食奶架麻. 即係如果佢去餐廳食飯, 隔離個人係到坐馬桶大便, 咁你又點呢.

5) 又有 d 小朋友, 望落去都最少4 -5 歲, 係個育嬰室入面大叫, 個媽媽又唔阻止佢. d 育嬰室一般都好應聲, 回音好大, 又有bb 係入面食奶, 佢地咁叫法 (由入去到走, 唔停), 好多bb 比佢地嚇到喊.

寫出黎一係想呻下, 二係想大家為人父母都反省下, 有時會唔會都唔覺意做左 d 自私野呢.

[ 本帖最後由 Tazman 於 10-10-18 14:57 編輯 ]

私人傳訊回覆引用

冰糖小圓子

大宅

積分: 2301

8^#

發表於 10-10-19 11:17 |只看該作者

嘩?你邊個商場呀?咁都得既?可能我唔係成日去育嬰室, 最多見過係一家大細鎖自己響餵奶房度換片同用用樽餵, 唔明出面有時位又唔用, 反而要餵人奶果d企響出面等佢餵埋支奶囉... ...

不過比起你見果d極品真係小巫見大巫. 最搞笑係響入面食飯, 可能個細路揸住支維他奶飲, 不過搭多碟飯啫.... haha

私人傳訊回覆引用

fanniec419

複式洋房

積分: 296

9^#

發表於 10-10-19 11:51 |只看該作者

我都覺得有啲父母好自私,有一日我去葵芳新都會,成個商場只有一間育嬰室,超細,換片同餵奶喺埋一齊,果日我要餵仔,見到出面排晒隊,有個媽媽仲坐喺入面(只可以一個人餵)慢慢餵奶樽,嘩好心去商場餵啦,唔好阻住啲有需要既人.
我自己餵奶如果有媽媽拍門,如有位可以容納多個人同bb,我都會唔mind比埋個媽媽入來餵,將心比心,我都唔想個仔餓住等,反正大家都係人奶媽媽,應該互相幫忙丫嗎.

另外,好多商場育嬰室換片同餵奶喺埋一齊,其實對餵奶唔係咁好,通常你喺入面餵緊,出面換片既好嘈,真的幾騷擾,太嘈我亞仔食兩食就唔食.

原帖由 Tazman 於 10-10-18 14:51 發表
唉...講起商場既育嬰室, 就真係把幾火. 我個 b 快七個月, 我係在職媽媽, 所以一個星期有五日, 要用公司附近既商場育嬰室泵奶, 真係見盡唔少自私既人. 唔係商場職員, 係 d 使用既人, 即刻都係為人父母既人.

首先講 ...

私人傳訊回覆引用

Tazman

複式洋房

積分: 453

10^#

發表於 10-10-19 13:28 |只看該作者

可能我一日一定要去 1 - 2 次泵奶, 一個星期有 5 日, 所以好覺. 係九龍塘某大商場...之前暑假就好少少...少 D 人...不過一到8月中左右...D 幼稚園開始番適應班...就見好多幼稚園 D 小朋友入去換衫, 食飯, ETC.

個個亞婆就可能係附近出入, 所以成日都見到.

真係成日都見有父母叫 D 細路痾係片到, 真係唔明, 點解唔去TOILET. 雖然我都覺得同小朋友去TOILET 係好麻煩, 又污漕, 因為我都有個大B, 不過都唔可以自己方便就人地受苦架麻.

原帖由 冰糖小圓子 於 10-10-19 11:17 發表
嘩?你邊個商場呀?咁都得既?可能我唔係成日去育嬰室, 最多見過係一家大細鎖自己響餵奶房度換片同用用樽餵, 唔明出面有時位又唔用, 反而要餵人奶果d企響出面等佢餵埋支奶囉... ...

不過比起你見果d極品真係小巫見大 ...

[ 本帖最後由 Tazman 於 10-10-19 13:40 編輯 ]

私人傳訊回覆引用

Tazman

複式洋房

積分: 453

11^#

發表於 10-10-19 13:36 |只看該作者

我都發覺好耐, 所以反而如果BB 同我一齊, 我唔會入育嬰室餵的. 又要等又剩, 入到去可能又臭又污漕, 又嘈. 一條餵奶巾我已經行走天涯好耐.

不過你話泵奶就無計, 因為有野 "特" 出黎, 好怪相咁.

真係好多商場育嬰室換片同餵奶喺埋一齊, 真係嘈少少 D BB 都唔肯食, 我都好明. 我講緊個 D 係: 尖叫, 大叫, 大喊, 大聲講野, 大聲唱歌...我係大人, 對耳都覺得受罪, 唔好講話 D BB, 真係會比佢地嚇親囉~