婆媳關係 今日: 0 | 主題: 27697

積分: 455

1^#

發表於 10-10-18 10:31 |只看該作者 |倒序瀏覽 |打印

唉......今日拎左假, 諗住琴日同老公入長州玩, 點知99又是失驚無神殺上來.......
佢又係來到我地屋企附近先打上來, 本來老公唔想佢上來, 同左佢講我地要出去, 99可能又係電話入面嘈老公, 咁雖然99打來時我同老公已經預備出發, 但因為佢已經來到附近又咁煩, 諗住同佢飲埋茶先出發........
點知冇耐99就係我地門口...........話同佢飲茶又唔駛, 原來佢食左早餐.......跟住自己拎埋佢自己買份報紙坐係沙發睇......
個刻真係勁無奈, 老公同佢講話我地陣間要入長州, 話佢一係而家食, 唔係陣間我地走.......跟住99係到問長問短, 又話我地浪費$, 突登走入長州過夜, 根本就係想我地係到陪佢.......
老公突然間發火 (我都估唔到), 話99過來唔早啲講聲之類, 又話我地去邊做咩唔駛佢理之類........
我99仲突然.....喊!!! 跟住話我地趕佢走..............又喊又鬧我老公........又扮晒野開門走.......我就走入房費事理佢地.......
因為62返左大陸拜山, 99又因為大煩關係同其他仔女一係嗌咬, 一係避開佢.........所以佢琴日冇人陪.......
最後老公先放棄, tum返99, 我都冇晒mood去長州.........冇耐99都走左............
不過老公都再次同99重申, 佢下次過來前一定要提早打電話俾我地, 我地唔得閒佢唔可以發難或死都要上來........
本來99諗住由早坐到晚, 想食完晚飯先返去 (62夜晚先係大陸返來)!!! 但搞到咁, 大家都冇晒心機........我同老公都冇去長州, 夜晚老公帶左我去我鐘意既餐廳食飯補數.......
唉, 希望有用啦~ 又睇下來緊呢個星期六日點.........

0 0 0

私人傳訊

積分: 5103

育兒性格勳章

2^#

發表於 10-10-18 11:03 |只看該作者

原帖由 asyura 於 10-10-18 10:31 發表
不過老公都再次同99重申, 佢下次過來前一定要提早打電話俾我地, 我地唔得閒佢唔可以發難或死都要上來........
本來99諗住由早坐到晚, 想食完晚飯先返去 (62夜晚先係大陸返來)!!! 但搞到咁, 大家都冇晒心機........我同老公都冇去長州, 夜晚老公帶左我去我鐘意既餐廳食飯補數.......
唉, 希望有用啦~ 又睇下來緊呢個星期六日點.........

重申過幾多次？我估你地都唔係第一次重申ga la.......今次咪又係咁!

睇到妳今日咁真係好無奈呀~ 天氣咁好明明可以去長洲二人世界~

無啦啦比個唔通氣 99 搞成咁~
(最討厭就係...d 6299 當正係自己屋咁, 話黎就黎, 仲要帶埋份報紙撻o係sofa 睇

諗起都....

當呢度社區中心咩, 完全無諗過呢度係 "人地屋企" 囉...~~ 我第日一定頂唔順!)

asyura, 妳99 係咪成日都咁

?
咁真係唔係辦法，我估你地開左個好壞既頭, 係咪?
每次佢

你地就

---> 咪就係好似今次咁囉........& ...之後只會繼續

比著我, 絕d~~ 當佢話o係附近, 我同c6 會即走~~~唔理佢~ (or...不如咁丫, 下次, 你地出門前, ignore 佢電話la)

雖然咁係絕d...
但......慢慢真係要set 番個"界線"ga, 不然, 你地的生活被打擾囉。好好地想去長洲，妳99 心情唔好 --> 又係咪真係別人的責任呢？佢咁樣, 咪令到囝囡更加dislike 佢和避佢囉~~

妳99 只係寂寞 (coz 62去左拜山)
但佢無尊重別人既 schedule, 覺得囝囡好似"隨時候命" 咁wo......
(佢上黎不是問題, 陪佢飲茶不是問題 (& 你地都有offer wo...只係佢扮大牌話自己食左早餐ja

)
但佢上黎

係問題!)

如果你看到面前的陰影，別怕，那是因為你的背後有陽光!

地球是運動的，一個人不會永遠處在倒楣的位置。

人不能太方，也不能太圓，一個是會傷人一個是會讓人遠離你，因此人要橢圓!

別再用0.5的思維管理這個2.0的世界了!

[強國]搞笑+發人深省的句子
http://forum5.hkgolden.com/view.aspx?type=EP&message=2706370&highlight_id=0&page=1

私人傳訊

積分: 5103

育兒性格勳章

3^#

發表於 10-10-18 11:06 |只看該作者

同埋我真係好頂唔順 d 6299 拎住份報紙撻o係sofa 當係自己屋企咁..... 真係好怕....大佬, 佢地唔覺得自己係"客" ga wo.....

sofa睇報紙, 自己屋企都有得睇la!

真係好攞命~~ 咩心態呢？宣示主權? "我係大晒"?

私人傳訊

積分: 455

4^#

發表於 10-10-18 11:37 |只看該作者

我地入左伙兩年, 最初99唔會架, 因為個時佢幫我姑9湊女, 最近呢一年佢同姑9關係開始轉差 (因湊女關係吧?), 多左星期六日過來, 直到姑9請埋工人唔俾佢湊, 佢就幾乎個個星期六日來 (通常來其中一日....好少來足兩日, 或者佢自己有野做咪唔來咯)

開頭我有同老公嘈, 我唔介意佢過來, 但我介意佢唔講聲一來就已經話係我地屋企附近, 試過晨早嘈醒我地, 試過我地趕返去開門, 試過我地約左人搞到我地遲到..........

我係呢一個topic都有講過後尾我等老公自己感受, 因為之前老公覺得冇問題的, 話佢媽不嬲係咁............結果慢慢我老公都開始唔耐煩......

以前同老公嘈完後, 99又咁老公都會輕輕講句來之前打個電話嘛, 但99一話打左啦 (佢係來到先打.......), 老公就唔再出聲的了, 老公未試過好似今次咁認真咁大脾氣咯

本來我應該開心的, 但琴日見99咁, 我知佢冇得救的了.........除非真係同佢反面......因為佢真係好"文"塞, 講極都唔明.......

例如老公話佢做咩又唔打電話講聲就自己過來?
99: 我咪打左咯 (佢係到我地屋企附近先打.....)

又例如老公話我地要出去呀, 你來到我地唔係到點呀?
99: 你地唔得閒我咪自己四圍逛咯 (但佢根本唔想我地過長州, 以前亦試過我地係街催我地返屋企, 又試過搞到我地約左人遲到, 根本佢就係來到就要我地係到陪佢........)

仲有好多........根本同佢講就係對牛彈琴, 唔知佢真唔明定假唔明啦.......佢完全唔覺自己有問題, 佢返屋企之後仲要係62, 姑9佢地面前話老公鬧佢.....想趕佢走........好彩姑9佢地身受其害, 打來安撫左老公兩句都冇怪我地........

私人傳訊

irisflower

積分: 2093

5^#

發表於 10-10-18 11:47 |只看該作者

深深明白樓主o既感受,我99都係咁,星期一至五趷上o黎仲唔夠,星期六日放假仲要走o黎睇雜誌報紙,真係當我屋企係圖書館!!!

佢連中藥都要o係我屋企煲,跟住o係度飲埋,扮Q晒o野大嗌"好苦呀好苦呀"!不過連c6都唔問佢做乜,正一白痴婆!!!

私人傳訊

積分: 5103

育兒性格勳章

6^#

發表於 10-10-18 11:49 |只看該作者

回覆 5# irisflower 的文章

仲要上黎煲中藥

我唔會容許有咁既事發生

[ 本帖最後由 jesuslovesyou 於 10-10-18 16:13 編輯 ]

私人傳訊

積分: 5103

育兒性格勳章

7^#

發表於 10-10-18 11:52 |只看該作者

回覆 4# asyura 的文章

哇...妳99 真係完全disturb你地既生活....... 搞到你地約人遲到, 去唔到街etc. 已經不能接受la...

"咪打左囉"--> yup..真係吹脹

妳99 今年幾大呀? 點解會咁"寂寞" 既？

....下次同佢講明，係要一日之前打黎預約! ok 麼？不然, 恕不招待~

私人傳訊

積分: 455

8^#

發表於 10-10-18 11:53 |只看該作者

原帖由 irisflower 於 10-10-18 11:47 發表
深深明白樓主o既感受,我99都係咁,星期一至五趷上o黎仲唔夠,星期六日放假仲要走o黎睇雜誌報紙,真係當我屋企係圖書館!!!

佢連中藥都要o係我屋企煲,跟住o係度飲埋,扮Q晒o野大嗌"好苦呀好苦呀"!不過連c6都唔問 ...

圖書館!!! 形容得好呀!!! 我99走上來睇報紙雜志架!!!! 再唔係攤沙發睇電視訓覺.........

佢又係成日來到就同老公話呢到痛個到痛, 又呢到病個到病.......

不過你仲慘......咁你咪一至日都要對住佢咯? 仲要煲中藥......成間藥都嗅死........

咁你老公有冇諗住開口話佢?

私人傳訊

hellomag

侯爵府

積分: 20620

9^#

發表於 10-10-18 11:54 |只看該作者

比著我，我就話已經出咗街，吾係屋企，費事煩。

私人傳訊

積分: 455

10^#

發表於 10-10-18 11:56 |只看該作者

一係你聽錯, 一係佢講漏左個字, 係一年唔上來一次.......

之前聽你咁講, 我唔覺你未來99會一年先上你地個到一次........

私人傳訊

積分: 455

11^#

發表於 10-10-18 12:07 |只看該作者

原帖由 hellomag 於 10-10-18 11:54 發表
比著我，我就話已經出咗街，吾係屋企，費事煩。

試過係街啦......跟住佢會問長問短又呢又路搞到我地要返去........應該話.....我地唔返佢就會死等.........

同埋佢又會話呢到個到又病又痛又唔舒服, 因為我地個區佢冇定去......所以令你唔忍心佢一個係街, 又會返去.........

私人傳訊

積分: 5103

育兒性格勳章

12^#

發表於 10-10-18 12:07 |只看該作者

回覆 10# asyura 的文章

[ 本帖最後由 jesuslovesyou 於 10-10-18 16:12 編輯 ]

私人傳訊

irisflower

積分: 2093

13^#

發表於 10-10-18 12:19 |只看該作者

嘩我o地呢兩件極品99簡直係孖生姊妹呀!佢又係走上o黎睇報紙雜誌,再唔係攤o係梳化度訓覺!!!

我仲傪過你,星期一至日都要對住佢呀!一至五扮晒o野走o黎幫手湊細路兼煮飯,但其實我屋企有工人,佢又成日投訴話個工人乜都唔識做喎,即係話冇咗佢我o地全家就餓死喇,仲唔快d o黎叩謝皇恩啦!痴Q線!!!

c6開頭唔覺得有問題,因為係佢阿媽丫o麻,但呢排都睇得出佢唔耐煩,但佢唔識點開聲同佢講,如果叫佢唔好o黎,隻99咪又扮可憐o羅!!!其實我姑仔(即係佢個女)未結婚都自己搬開住,唔同佢住,之前住附近,但最近搬遠咗,放假都唔返o黎搵佢,佢咪唯有死where住我o地唔放o羅!!!

原帖由 asyura 於 10-10-18 11:53 發表

圖書館!!! 形容得好呀!!! 我99走上來睇報紙雜志架!!!! 再唔係攤沙發睇電視訓覺.........

佢又係成日來到就同老公話呢到痛個到痛, 又呢到病個到病.......

不過你仲慘......咁你咪一至日都要對住佢咯? 仲要煲中藥. ...

[ 本帖最後由 irisflower 於 10-10-18 12:21 編輯 ]

私人傳訊

積分: 5103

育兒性格勳章

14^#

發表於 10-10-18 12:26 |只看該作者

回覆 13# irisflower 的文章

妳姑仔自己住都唔肯住近佢...

睇黎妳99 真係唔太得人心 (coz我覺得，囡多數痴阿媽......)

私人傳訊

irisflower

積分: 2093

15^#

發表於 10-10-18 12:33 |只看該作者

係呀因為佢間屋好似狗竇咁!佢成日咁得閒死o黎我屋企坐,都唔執吓佢自己間屋,姑仔頂佢唔順,兩年前已經搬咗出o黎,不過都係住附近,平時都會返吓o黎食飯,不過最近話業主賣樓,佢寧願搵過間屋再搬遠d,都唔返去同99住,你話我99份人係幾咁好呢?

同asyura個99一樣,連佢姑9都唔想俾細路佢湊,自己個女都頂個阿媽唔順,更可況我o地呢d"外人"呢?

原帖由 jesuslovesyou 於 10-10-18 12:26 發表
妳姑仔自己住都唔肯住近佢...

睇黎妳99 真係唔太得人心 (coz我覺得，囡多數痴阿媽......)

私人傳訊

crystals

積分: 3762

畀面勳章

16^#

發表於 10-10-18 14:22 |只看該作者

我6299之前都係咁~o黎到附近就話"咁arm行開呢頭"就咁就中左上o黎~
因為我係餵人奶~試過我餵緊奶時一個電話都冇就上到o黎門口~搞到我要走鬼衝入房~c6都知我辛苦就叫佢地落樓下商場行陣先等通知先上o黎~同埋下次上o黎前打個電話~到左下次咪就係o黎到樓下打電話上o黎囉~
好幾次plan好schedule都告吹~次次上到o黎就係睇碟~搞到bb訓唔到覺~我同c6講叫佢地要上o黎就早一日打電話~c6話已經講過都係咁~
後來有一次本來我地打算執屋洗地等bb可以落地玩~佢地又話一陣要上o黎~c6話唔得~要執屋又要洗地好亂~99話"係咪上o黎一陣睇下bb都唔得？"c6唯有俾佢地上o黎~(但當時佢地仲係九龍區, 我住新界~)我一聽到就同c6講：佢地係邊？我地出去搵佢地~橫掂都執唔到屋~無理由洗洗下地停哂工招呼人~c6就同佢地講話我地出去搵佢地~收線後我就同c6講："我可以好尊敬佢地~但如果有任何人擾亂bb作息時間,我唔會同佢地客氣~"
之後一次又係到附近打電話話上o黎~咁arm我同bb去左婆婆屋企(只隔一條馬路)~我之前同c6講明果日bb要陪公公~所以c6只係同我講佢地上左o黎冇叫我返去~佢地上到o黎見唔到bb就話不如今晚同襯家食飯~其實咪又係想見個孫~我覺得佢地好唔尊重我阿爸阿媽~食飯其間我就出聲同佢地講"下次你地上o黎早一日同我地講~費事咁arm我又約左公公婆婆啦~"臨走前再講多一次~自此之後佢地就會早一兩日約~

由原產地直接進口~純天然~無添加~日日新鮮製造~
BB的最佳食糧......母乳~

私人傳訊