母乳餵哺

收藏本版
回覆 發帖
返回列表
跳至頁

首頁
1

尾頁
   0
tallmama


別墅

積分: 549


1#
發表於 10-10-26 22:12 |只看該作者
我係十月媽媽，第二胎，將會響私家醫院開刀。上一胎餵人奶唔成功，主要因為唔夠勤力。但係今胎好想餵人奶。想請教下：
1.開刀後一日後先可以落床，住私家醫院又唔可以抱BB入房。睇書話BB出世後就要即刻埋身餵，刺激下乳房，仲要密密餵先至會上奶。咁遲左一日先開始埋身餵會唔會影響上奶？

2。 咁響未上奶之前比唔比BB飲奶粉?

多謝分享！今個禮拜五就開刀喇！
私人傳訊回覆 引用

Ericang


大宅

積分: 1931


2#
發表於 10-10-26 22:33 |只看該作者
我第一胎係私家開刀生,如果你想餵人奶,姑娘會抱入房比你餵。
你可以要求姑娘抱比你餵,而且醫院有電泵,你可以隨時入去泵奶。
私人傳訊回覆 引用

teresa_timothy


大宅

積分: 1452


3#
發表於 10-10-26 23:11 |只看該作者

回覆 1# tallmama 的文章

我兩胎都係開刀, 兩個小朋友都餵人奶大. 女女餵到一歲, 仔仔宜家六個半月都仲係全人奶.
開刀一樣都餵到人. 我都係第二日都落到床去餵, 當時未上到奶, 照俾BB啜, 跟住補奶粉. 第二胎上奶快左, 第三日就有, 不過奶唔夠, 都有補奶粉. 番到屋企密密餵, 不過仔仔大食, 初頭都要補奶粉. 慢慢就轉全人奶喇~

其實第二胎上奶會快啲. 所以你俾啲信心自己, 一定餵到架!
私人傳訊回覆 引用

OKb


大宅

積分: 4931


4#
發表於 10-10-26 23:15 |只看該作者
我係仁安開刀,第一日無得落床,姑娘唔會抱bb過黎, 第2日去育嬰室餵奶,其實都無咩奶,餵唔到幾多,不過都試下,餵完會補奶粉. 其實開頭幾日都無咩奶,um可以話係唔夠奶,但唔好堅持淨係俾人奶bb, 你要餵飽佢,補奶粉唔係問題, 我當時出院一路都無補奶粉, 佢成日喊,我密密餵,以為ok,之後去健康院俾姑娘話,而亞b仲輕左好多, 之後就有補番奶粉,慢慢多左奶就唔洗補, bb而家食得幾好.

私人傳訊回覆 引用

yumiee


大宅

積分: 3093


5#
發表於 10-10-27 00:02 |只看該作者
我的情況同okb媽差不多也是仁安.

我沒有補奶粉,bb廋好多,差d黃,但去到健康院姑娘同醫生都叫唔使補奶,叫我密密餵,每日10-12次. 7 日後再覆診. 佢話ok,所以都沒補.

嗰陣真係好堅持.睇住阿b瘦都相信醫生. 不過而家想番轉頭都唔知係係唔係要咁堅持. 好多補奶粉的人最後都ok呀.不過我又會為左我無補過奶粉自豪.

仲有話一出世就要啜都係理論.唔係咁快有奶. 我當初太信d資訊, 以為啜就有. 想得太簡單.全部仁安生都係第二日先啜,都無問題呀.

我覺得你而家最重要係同屋企人溝通好.到時堅唔堅持. 最辛苦係身邊人的說話.

好好享受醫院的日子. 在醫院的日子是天堂,出院後就是地獄. 好辛苦呀!

[ 本帖最後由 yumiee 於 10-10-27 00:12 編輯 ]



私人傳訊回覆 引用

kristinecheng


大宅

積分: 1805


6#
發表於 10-10-27 12:02 |只看該作者
我上胎係浸會生，佢地係限時限刻餵，一日4次，每4小時一次。

上一胎未生之前，我冇諗住餵人奶，所以所有餵都人奶既「best practice」我既唔知亦無理會。因為係緊急開刀，上下有傷口，加上生完好似未同bb有bonding，一直冇入餵奶房見bb，直至生完第3日早上。

因為姑娘頭10分鐘唔俾奶樽我地餵奶粉要我地學餵人奶同掃風，我見冇咩做，見人地餵，自己又試餵吓，當日入咗去4次，每次都俾bb啜10分鐘（每邊）左右，當晚個胸就谷。我係醫院住咗5日4夜，bb同我齊出院，期間佢大部份時間都係用樽餵奶粉。

即使係咁，滿月後bb都全人奶了，在6個月開始引入固體食物下餵至宜家快17m。

作為過來人，我既建議係即使做唔到「best practice」，唔好耿耿於懷，做到幾多得幾多。餵人奶既要訣係「bb多啜（姿勢正確下feed on demand）﹑多飲水﹑多食白飯﹑多休息﹑同埋最緊要有信心」。你講得啱，餵人奶係冇得懶，亦要好有毅力同堅決，不管面對任何閒言閒語既壓力同埋遇上任何困難，都要相信自己同bb搵到解決既方法。唔輕言放棄，唔急進（全人奶），有充足餵奶知識同埋心理準備，就會提昇成功機會。

仲有記得一出院，立即返健康院book人奶姑娘幫你﹗

私人傳訊回覆 引用

寶寶龍


男爵府

積分: 5884


7#
發表於 10-10-27 13:21 |只看該作者
我同okb同yumiee既情況都係差唔多, 亦都係仁安.

我覺得最緊要個心放鬆d會好d. 總之盡力餵密d, 如果開始餵密d都未滿足到佢, 就唔好介意補d奶粉, 等佢飽左先, 之後佢啜得多, 自然奶多, 咁補既奶粉就越黎越少. 我覺得最緊要餵得開心同舒服^^
私人傳訊回覆 引用

tallmama


別墅

積分: 549


8#
發表於 10-10-27 16:44 |只看該作者
多謝你地o既意見呀，我會嚮仁安生，真係好希望呢胎可以成功餵人奶。大果個呢排係咁咳，驚bb一出院就比佢傳染！ 一定要增強佢o既免疫力！
私人傳訊回覆 引用

fanniec419


複式洋房

積分: 296


9#
發表於 10-10-27 16:59 |只看該作者
我喺法國生,唔準抱bb入自己房,只可以限時(日間3小時,晚上7時後無得餵)到育嬰室餵bb,由於我係開刀,第2日先落倒床去餵仔,法國只準你比bb吮十幾廿分鐘,最後佢要你餵奶粉比bb食㗎,我住5日4夜,日日如是者,我返到屋企就2-3小時餵bb食人奶,不過我奶水少,頭頭我堅持唔補奶粉,後來bb黃唔退要入院,啲e生姑娘猛叫我比多啲奶粉bb食呀,"佢食唔飽唔去黃要照燈出唔倒院仲慘呀!""你寧可遲啲慢慢餵番人奶啦!",我聽到咁又擔心咪餐餐補奶粉囉!結果過左6-7日,bb啲黃落留,我咪又唔補咁多.

我係果隻"窮"媽媽,其實無得話勉強,唔夠奶就唔夠奶,當然決心係好緊要,如果唔係我死堅持同我老公支持,真係唔可以捱到而家(bb而家仲有幾日就5個月,一日五餐人奶,只係晚上最後果餐補奶粉),我當時次次餵夜奶,我老公都會起身幫我,陪我,後期亞仔唔洗食夜奶,我自己起身出廳泵奶,我老公都起身support,幫我開吓燈同冷氣呀,感覺唔孤單,
我就快捱唔住--啲奶,因為實在泵得太少了,而家只係希望可以有奶餵到bb起6個月.
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見