吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 朋友=????

心聲留言今日: 5|主題: 17334

收藏本版

發帖

返回列表

跳至頁

查看: 2619 | 回覆: 27

朋友=???? [複製鏈接]

whywhywhy

大宅

積分: 2099

1^#

發表於 10-11-25 11:44 |只看該作者 |倒序瀏覽 |打印

最近呢幾個月發生咗D事, 令我睇清楚一個我一直視為好姊妹ge最好朋友, 好心痛, 好難受, 可能係我太重視呢段友誼, 我真係有男女朋友分手嗰種心痛感覺

當佢未問清楚事情, 佢只憑佢自己ge猜測就認定我自私, 但其實另有內情, 以後我有問過佢係咪嬲我, 佢唔認, 但不斷冷言冷語對我, 我真係好難受, 我自問識咗佢咁耐一直都係真心同佢做朋友, 我亦有同佢解釋過件事, 但佢都係堅持信佢自己嗰個版本, 我只感無奈, 希望大家保持距離一排會好d, 但我發現佢將我哋呢件事同咗佢ge朋友講, 仲係facebook度不開名同佢d朋友攻擊我, 甚至話我係狗, 狗都不如, 畜牲都不如, 畜牲都唔會害主人等, 我超傷痛, 我根本冇做過, 解釋又解過, 無論發生d咩事都冇理由咁樣喺facebook同佢d朋友暗示話我, 佢d朋友又唔識我, 道理好似只係佢度咁, 佢明知我喺facebook一定會睇到佢d留言, 佢係專登去傷害我, 但我唔想同佢計較, 我好天真咁以為少d聯絡佢就算, 無須要搞到反晒面絕交丫, 大家都係成年人, 但佢一次又次傷害我, 當我有咩唔開心同我d朋友喺facebook傾訴時, 佢居然喺我唔開心ge說話度讚好, 我今次真係徹底失望透, 我對呢個好朋友死心喇, 我delete咗佢所有ge聯絡, 包括facebook, msn等等, 我唔係嬲, 只不過喺唔想再被呢個人影響到我, 一個你唔開心, 佢會讚好ge人, 真係連普通朋友都唔可以講得上, 甚至我覺得佢人格好有問題, 做朋友係亙相分担, 亙相扶持, 亙相分享, 無論你ge喜與憂, 可能係我太天真

有時諗起大家一齊相處ge時間, 真係好無奈, 由我屋企人有重病到後來離開咗, 佢一直都係我唯一ge傾訴對象, 當佢啱啱坐完月, 一返工冇耐老公就失業, 因為好多野令到佢有產後抑鬱, 我喊住求我老公幫吓佢哋, 咁我老公喺人事上做咗d野, 佢老公有咗份新工, 我唔敢講咩大恩大德, 但大家都喺大家最困難時幫過大家, 發夢都唔到會搞成咁....朋友究竟喺乜????

0 0 0

私人傳訊

Hopeful2010

複式洋房

積分: 469

2^#

發表於 10-11-25 17:19 |只看該作者

原帖由 whywhywhy 於 10-11-25 11:44 發表
最近呢幾個月發生咗D事, 令我睇清楚一個我一直視為好姊妹ge最好朋友, 好心痛, 好難受, 可能係我太重視呢段友誼, 我真係有男女朋友分手嗰種心痛感覺

當佢未問清楚事情, 佢只憑佢自己ge猜測就認定我自私, 但其實另有 ...

很明白你的感受,我都有位識左好耐的朋友,從前互吐心事,吾開心時會安慰我,到宜家有吾開,只會比佢踩多腳,就因為佢仔抽到間地區名校,語氣都吾同左,我領教過好多次,我有反省過是否得罪左佢?自已敏感左?係無囉.

吾明佢咩心態,吾通用踩低人地抬高自已去斷送一斷友誼值得嗎?做朋友係要相方付出的,我吾開心係冇左個朋友,但要繼續同佢做朋友會更加令我吾開心,尤其是聽到佢明踩,暗踩我既說話,而家既我只會緊張自己的家人和親人,朋友?好閑姐.

私人傳訊

Nancy20090615

瑪瑙宮

積分: 128879

3^#

發表於 10-11-25 19:15 |只看該作者

我都覺得有時 d 朋友識得耐會突然見其真面目, 平日果個係掩飾左o既, 咁清楚左係接受唔到, 分開係好自然o既事. 言語的傷害係最大的傷害, 公然奚落別人的已經唔當您係朋友. 佢一而再, 再而三都無尊重您, 您的選擇是無錯的. 比我都會咁做.

私人傳訊

whywhywhy

大宅

積分: 2099

4^#

發表於 10-11-25 22:07 |只看該作者

原帖由 Hopeful2010 於 10-11-25 17:19 發表

很明白你的感受,我都有位識左好耐的朋友,從前互吐心事,吾開心時會安慰我,到宜家有吾開,只會比佢踩多腳,就因為佢仔抽到間地區名校,語氣都吾同左,我領教過好多次,我有反省過是否得罪左佢?自已敏感左?係無囉.

吾 ...

我同呢個朋友都有呢種經驗呀, 佢買咗樓之後好似覺得自己UPGRADE咗, 不斷勸我搬, 又話我間屋要裝修過, 但我真係冇所謂喎, 我E+住緊嗰度一早已經供起咗, 我唔想再供樓, 況且我呢度有3房, 我覺得好夠住, 係就係十幾年樓, 但我已經好滿足, 佢就覺得我唔識享受, 喺佢心目中, 樓要買名牌屋苑, 有會所, 仔女要讀國際學校, 一年要去一兩次旅行, 咁先叫生活, 咁比起佢, 我真係生活得平淡, 但我由心的很滿足, 我成日都笑我哋倆公婆唔識追求, 唔上進架, 仔女讀國際學校係特別唔同D架喎, 連嗰度D家長都唔同D架喎, 我發現我哋分歧越來越大, 就算冇誤會呢件事, 大家都好難再做知心友, 因為大家價值觀唔同咗, 但我冇諗過會畀佢咁HURT法啫!

私人傳訊

whywhywhy

大宅

積分: 2099

5^#

發表於 10-11-25 22:26 |只看該作者

原帖由 Nancy20090615 於 10-11-25 19:15 發表
我都覺得有時 d 朋友識得耐會突然見其真面目, 平日果個係掩飾左o既, 咁清楚左係接受唔到, 分開係好自然o既事. 言語的傷害係最大的傷害, 公然奚落別人的已經唔當您係朋友. 佢一而再, 再而三都無尊重您, 您的選擇是 ...

好多謝你的回應, 因為我自己都真係掙扎咗好耐先DELETE佢CONTACT,連我自己都好懷疑自己咁做啱唔啱, 我唔想搞到件事咁"彊", 冇彎轉, 做到咁小家, 但當我發現佢係儲心積累去HURT我, 咁我AT LEAST都應該要保護自己免受傷害, SO THAT'S WHY我覺得佢人格有問題, 我自己覺得大家點唔啱傾, 有D咩分歧都好, 絶對唔應該有蓄意害人GE心, 而且呢個人仲要曾經同自己咁親厚, 亦曾經幫過自己, 得人恩果千年記, 唔報恩, 冇所謂, 我係真心真意去幫人, 冇諗過回報, 就算唔記得我有幫過都好, 我都唔介意, 我幫佢唔係要佢記住, 但我GE底線係----你點都唔可以蓄意去HURT我囉!

私人傳訊

happywhale

大宅

積分: 2058

6^#

發表於 10-11-25 23:36 |只看該作者

順其自然啦

有d野勉強唔黎或者係整定

平常心就ok

私人傳訊

Nancy20090615

瑪瑙宮

積分: 128879

7^#

發表於 10-11-26 11:01 |只看該作者

我最近都有一件事, 有個朋友今年無咩聯絡, 因為之前有 D野唔夾, 我生日佢 send 電郵祝我生日快樂, 及叫我打電話比佢. 咁我過兩日打比佢, 電話裏面無咩話題, 佢話我無野講, 之後話收線. 喂, 電話我打左, 又話我無野講. 對住呢 D 人都無癮有野講啦.

原帖由 whywhywhy 於 10-11-25 22:26 發表

好多謝你的回應, 因為我自己都真係掙扎咗好耐先DELETE佢CONTACT,連我自己都好懷疑自己咁做啱唔啱, 我唔想搞到件事咁"彊", 冇彎轉, 做到咁小家, 但當我發現佢係儲心積累去HURT我, 咁我AT LEAST都應該要保護自己免受 ...

私人傳訊

Hopeful2010

複式洋房

積分: 469

8^#

發表於 10-11-26 12:19 |只看該作者

原帖由 whywhywhy 於 10-11-25 22:07 發表

我同呢個朋友都有呢種經驗呀, 佢買咗樓之後好似覺得自己UPGRADE咗, 不斷勸我搬, 又話我間屋要裝修過, 但我真係冇所謂喎, 我E+住緊嗰度一早已經供起咗, 我唔想再供樓, 況且我呢度有3房, 我覺得好夠住, 係就係十幾年 ...

心同感受,我覺得真心既朋友係吾會hurt 對方,你朋友跟本吾當你係朋友,正如我一樣,可能識耐左呢個先係佢既真面目,又或者我朋友一直都在妒忌我比她好,但係我吾知,我自問真心對佢好,如果吾係我解釋吾到佢仔抽到間地區名校後突然轉變咁大,我而家係漸漸疏遠佢,有時工作吾開心都吾想搵佢呻,因為我感到佢聽到會很開心,吾會開解我,又要問我仔成績,知道左又吾抵得,硬要踩下佢,想點姐?佢跟本吾係我朋友.我個心仲有”銀”住”銀”住,但我相信總有一日會放得低呢段友情.

私人傳訊

whywhywhy

大宅

積分: 2099

9^#

發表於 10-11-26 15:26 |只看該作者

原帖由 Nancy20090615 於 10-11-26 11:01 發表
我最近都有一件事, 有個朋友今年無咩聯絡, 因為之前有 D野唔夾, 我生日佢 send 電郵祝我生日快樂, 及叫我打電話比佢. 咁我過兩日打比佢, 電話裏面無咩話題, 佢話我無野講, 之後話收線. 喂, 電話我打左, 又話我無野 ...

我唔係好明白佢用意, 叫你打畀佢, 但又話你有野講, 咁奇怪??

私人傳訊

laamling

水晶宮

積分: 73457

10^#

發表於 10-11-26 15:41 |只看該作者

好多嘢都好講緣份, 緣盡就要放手~~~

私人傳訊

whywhywhy

大宅

積分: 2099

11^#

發表於 10-11-26 15:50 |只看該作者

原帖由 Hopeful2010 於 10-11-26 12:19 發表

心同感受,我覺得真心既朋友係吾會hurt 對方,你朋友跟本吾當你係朋友,正如我一樣,可能識耐左呢個先係佢既真面目,又或者我朋友一直都在妒忌我比她好,但係我吾知,我自問真心對佢好,如果吾係我解釋吾到佢仔抽到間地區 ...

你真係講得啱, 真係心同感受, 終於有你同NANCY20090615明白我感受
我都有好似你咁諗佢, 我同佢一直咁好朋友, 點解佢會因為一D咁少GE誤會而去傷害我呢? 我唔知我咁諗啱唔啱, 我自己都真係好唔想呢樣野係真, 同我都覺得我咁啱係好衰, 但除咗佢妒忌我之外, 我諗唔到點解佢要去HURT我

回想起之前同佢相處, 佢成日都同我講覺得佢條命生得唔好, 佢同佢老公讀書成績好過我同我老公, 但我老公就比佢快升職高級過佢老公, 我買股票賺咗筆錢, 咁我好好彩喺海嘯前放咗, 仲喺海嘯利用呢筆錢買咗層樓收租, 佢知我買股票賺咗, 咁佢又買, 喺嗰時我自己放咗我就不斷勸佢賺到多少就好走, 但佢以為我自己早咗放就唔抵佢仲有得賺, 唔睬我, 後來真係海嘯, 佢有好大筆錢到E+都未返到家鄉, 佢見我買咗樓, 佢都有住屋需要, 咁我勸佢如果AFFORD到海嘯係個好機會, 但佢哋覺得低處未見低, 可以等吓TIM, 咁一等個市又再升返, 終於佢都係要買, 但比我買時貴咗一百萬, 佢成日都話我傻人有傻福, 我諗係啩, 但我無論買股票同買樓, 放股票我全部都有同佢講, 都有勸佢, 佢做出黎個效果同我唔同, 佢反而妒忌我, 真係奇怪, 朋友唔係你快樂佢會戥你高興, 你唔開心, 佢會戥你唔開心架咩??? 運氣GE野我控制唔到, 但起碼我會戥佢開心同唔開心, 點解運氣都會係佢嬲我GE原因???

私人傳訊

angelaJJ

大宅

積分: 3675

好媽媽勳章

12^#

發表於 10-11-26 16:08 |只看該作者

睇你同佢全部是是非非都係d女人鍾意比較, 小氣, jealous果d野....ai, 其實真係女人性格個個都係咁, 就算朋友, 姊妹, 媽媽, 囡都係敏感d...要小心經營....我都睇得好開....

算啦, 睇開d啦, 緣盡都無法....

私人傳訊

Nancy20090615

瑪瑙宮

積分: 128879

13^#

發表於 10-11-26 16:37 |只看該作者

係囉, 佢出口, 叫我出手, 我要扲起個電話打您個冧把假, 又要有野講, 總之人地滿足晒佢至安樂嗎? 我都無咁好氣, 算吧啦.

原帖由 whywhywhy 於 10-11-26 15:26 發表

我唔係好明白佢用意, 叫你打畀佢, 但又話你有野講, 咁奇怪??

私人傳訊

Hopeful2010

複式洋房

積分: 469

14^#

發表於 10-11-26 18:41 |只看該作者

原帖由 whywhywhy 於 10-11-26 15:50 發表

你真係講得啱, 真係心同感受, 終於有你同NANCY20090615明白我感受
我都有好似你咁諗佢, 我同佢一直咁好朋友, 點解佢會因為一D咁少GE誤會而去傷害我呢? 我唔知我咁諗啱唔啱, 我自己都真係好唔想呢樣野係真, 同我都 ...

好明顯佢係妒忌你,同意朋友係會分享你的喜悅,分擔你的煩惱,如果當你跌到時佢會拍手掌,仲點可以繼續做朋友?朋友點會想你衰?

其實我朋友在未發生呢件事前,曾經講野hurt我,我當時有D嬲,後來佢知自已講錯野,我都冇放在心,可能佢一直在比較,到今日佢仔抽到地區名校,佢覺得我仔學校點都比吾上佢間,就算我仔名次點前都冇可能入到出名中學wor.我知難,但佢學校曾經有人入到,又踩我仔間小學,點解要咁?既然咁睇吾起我仔間小學,佢考得好都吾關佢事,對佢仔冇威脅,又吾同級.我直覺佢好想聽到我仔成績退步law.

你開呢個topic,簡直係我心底裏好想講出來,我而家都耿耿於懷,比朋友hurt真的很傷,友誼是經得起考驗,有妒忌之心即是友誼吾夠穩固,時間可以沖淡一切,忘記佢吧.

私人傳訊