由 ringoivy 於 2005-07-14 16:07:24
唔得架你比佢嘆慣到BB出世後佢忙到死會黑面架, 所以家陣你要習慣佢做下家頭細務先, 點會無野做架, 買餸煮飯洗衫熨衫, 抹地, 抺窗, 抺廚房, 執櫃桶, 抺鞋櫃同大門, 幾多野做都有, 再唔係你叫佢黎我屋企幫我執屋啦.
由 yy&bb 於 2005-07-15 12:37:13
我工人果時都係係我生之前一個月嚟到我屋企, 而我屋企又好簡單淨係得我同老公兩個人, 所以叫佢做完一輪大清潔之後, 真係冇咩野比佢做........咁我老公咪去圖書館借D育嬰書比佢睇囉, 不過其實佢初嚟報到, 都唔鍾意無野做, 咁佢就日日係屋企左摷右摷搵野做, 屋企D傢俬都差d比佢抺爛..................不過到BB出左世, 自然大把野等住佢去做, 你都唔駛咁担心喎!
由 ringoivy 於 2005-07-15 17:05:40
點樣安排工人工作好視乎你屋企多唔多人出入, 小朋友幾大等...!
for your reference, 我家有兩個小朋友最細既爬爬了, 所以我要佢一日抺兩次地, 朝早一次, 夜晚食完飯就要要綠水等清潔劑再用清水抺多次, 而換床單, 抺窗, 抺廚房, 抺.....等都係一星期一次, 例如星期一要換床單, 就每個星期一換唔使我次次講 (除潮濕天氣例外, 因為床單同衫好難乾), 其餘工作每日都要做既做係煮飯, 洗衫同熨衫呢d係基本工夫, 因為湊住兩個關係其他抺....等工作未必真係可以如期進行但眼見可以接受都算了.