嬰兒醫護今日: 1|主題: 79095

收藏本版

發帖

返回列表

跳至頁

查看: 651960 | 回覆: 5

積分: 3627

1^#

發表於 11-3-8 06:50 |顯示全部帖子

潮流媽咪:
很久很久沒見你上來了, 四年前的聚會, 你的兩位千金還是很少, 沒記錯, 你的小女兒當時還是手抱, 如今兩個都很靚女呀, 真是辛苦晒媽媽, 如今最難過的時候應該過去了, 希望她們愈大愈好, 我的大囝如今最差的就是手指, 因他常常搣, 痕又搣, 緊張時又搣, 於是有些地方就厚晒皮, 有些地方就薄晒, 你的女兒現在又如何呢?
珀珀慧慧媽:
你和你的小朋友也好嗎? 春天又來了, 以往我個囝在這些天氣相對又很易發, 你的小朋友近況又如何呢? 你的工作是否仍是咁忙碌? 希望大家都是愈大愈好, 健健康康.

私人傳訊

annpoon51

大宅

積分: 3627

2^#

發表於 11-3-10 07:39 |顯示全部帖子

潮流媽咪:
我記得以前聽過一個濕疹講座, 其中一位講者是瑪麗的教授, 所有醫科生都曾上過他的課, 我好記得他說, 要濕疹b好就是唔好比壓力佢地, 比他瞓多d, 唔好迫佢, 比佢悠閒d, 我當時心想, 在香港哪有人可以無壓力, 尤其在香港的教育制度下, 真的好難唔迫, 當然他的話我也記在心, 我阿囝現在k2, 今年要選校, 我都是為如何找一間校風好但又唔是咁迫, 而佢又要考到的學校而煩惱.

珀珀慧慧媽:
聽到你阿囡對抗生素敏感, 真的替你辛苦, 怎可以保住阿囝唔病, 哎, 濕疹b媽媽真的不易做, 我跟你一樣, 本來這兩年都有得瞓下, 點知個細囝半年前証實是個哮喘兒, 同大囝皮膚一樣, 都是嚴重個隻, 嘩, 真的要命, 上個月, 只上過一天學, 一個月有三個星期病發, 晚上尤其嚴重, 所以真的唔使瞓, 提心吊膽, 以前為了照顧大囝就成了半個濕疹專家, 我相信不久將來, 我就會成為半個哮喘專家, 當然現在還是摸索階段, 萬事起頭難, 很辛苦呢.

私人傳訊

annpoon51

大宅

積分: 3627

3^#

發表於 11-6-1 23:39 |顯示全部帖子

回覆叮噹小孩的帖子

我個囝都是對雞蛋敏感, 所以蛋糕就真是不可吃, 而麵包就要自己看清楚成份, 港式麵包多有蛋成份, 而方包就要看清楚, 嘉x出的麵包大部份都沒蛋成份, 麵包店內的就要看清楚, 因一間麵包店可能會出售不同種類的方包, 通常五穀類和全麥包類是沒蛋的, 白麵包便要看清楚, 非常軟熟的那些通常都有蛋, 硬磞磞的就較穩陣, 吃時蒸軟來吃, 所以早餐很多時都會吃中式包, 如饅頭, 荳沙包,又燒包...., 麵類要避免, 改吃用米做的粉類或通心粉類, 只要細心思考, 其實還有很多東西可以吃.