原帖由 stkyo 於 11-2-20 01:38 發表
其實我都好羡慕人地D兄弟姐妹咁好感情,我自己個D就。。。
我家姐好憎我咁,成日係都要講D野迫到我同人鬧交為止,好多時我同緊第2D人講野,佢又加把口埋黎,我都已經唔理佢,佢仲繼續。。。
佢同之前個老公擺酒個陣,竟然 ...
我地幾姊妹細個成日打交架, 大左感情都好好, 雖然各有各家庭, 不過成日都會趁小朋友生日, 過時過節攪聚會。我地屋企好窮, 由細到大乜野都要分黎食, 一個芒果切3份, 荔枝就每人幾粒!!
除左我之外, 佢地個個都有份唔錯既工。我有病, 我對落個妹成日車我去醫院覆診, 見人地話乜野對癌症有幫助, 佢就即刻去買, 營養奶粉(每包成40蚊, 我一日要飲3包), 冬虫草, 雲芝, 全部買晒, 我諗佢起碼洗左幾萬蚊, 我話比返佢, 佢話唔洗, 仲同大姨婆話, 如果我個病要洗好多錢, 佢賣左層樓搬返去同大姨婆住喎!!
最細個妹本應有筆錢去供樓, 佢兩公婆話唔供住, 可能怕我要用錢, 留返先!!
每逢出去食飯, 如果有雞食, 佢地會夾雞脾比我, 話我細個冇得食(因為雞脾係細個D先有得食, 大係冇份既)
我成世人最好彩係有班好姊妹同埋大魚腸成家都對我好好!!
謀事在人,成事在天,個天先係最終揸"fit"人!!
你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。