其實你依家有呢個情緒已經有影響! 平常心去睇件事, 唔好諗太多!
我姑奶當年有左未夠3個月間漏水樓高價賣出, 6299極力反對搬屋, 而佢地又真係等左呢個小朋友好多年, 所以心大心細, 點知又畀佢地搵到價錢合理自己又鍾意既新屋, 於是就決定搬, 開頭樣樣都ok, 點知開始執野就見紅, 6299梗係鬧到死啦, 查實佢只係太操勞, 我同老公接手幫佢搞搬屋d野, 搬果日佢都在場, 正式移床移櫃時佢先落樓下麥當奴等, 依家bb都半歲喇, 不知幾精靈!
你問我就覺得搬屋主要係太操勞, 太多煩惱, 大肚婆情緒唔好, 只係做下聯絡都可以好激動, 為左置傢俬, 為左上屋搬下屋邊D穀要邊D唔要又可以同老公嘈, 太多濕星野要顧好煩, 所以真係要搬就旨意老公同搵信得過既朋友幫手, 好似你依家d負面情緒要放開, 樣樣事睇開D就無問題! 果時姑奶執野就叫我同老公做, 我地無加意見, 佢話搬乜就乜, 置傢俬佢老公就儘量聽晒佢話, 所以後期都好順利完成!
不過當然啦, 一動不如一靜, 如果業主可以體諒, 咪同佢傾傾, 租多一年再搬囉!
講野唔好笑又唔識講爛gag
上forum只為吹水唔好同我認真