呂先生一月初於淘寶售出一盒玩具模型,價值五千九百元人民幣,買家講明玩具及其包裝盒必須完好無缺才肯收貨,故呂先生特別以大紙箱包裝,再以報紙填滿空隙,才着順豐速運職員上門收貨,付四百零一元運費寄往天津。
惟貨到翌日,買家即投訴呂先生包裝馬虎令包裹損壞,呂先生查看買家提供的貨單,赫然發現玩具包裝已被拆走,貨單上運費更被改為一百六十一元。呂先生即致電順豐理論,職員始謂拆箱是幫事主節省運費,呂先生大怒:「我唔問佢佢都唔講,咁都話係幫我慳錢!而家佢淨係肯俾番二百幾蚊我,但我就要賠番七百幾蚊俾買家,好無辜囉!」
記者翻看貨單,發現拆去包裝的包裹,重量由原來的 11.5公斤減輕至 5公斤,運費亦減少二百四十元。記者再看呂先生提供的相片,包裹送出前是個大紙箱,送到天津後卻只剩下防撞膠紙,及印有順豐商標的包裝紙,玩具盒更已凹陷變形。
記者遂致電順豐與行政部高級經理梁淑萍對質,她堅持貨物「完整無缺」,只是「包裝有輕微損毀」。她又指拆走紙箱是要「令件貨保障得好啲」,因運送途中紙箱已損毀,公司照慣例整理包裝、改單改重量「並不出奇」,亦不是隱瞞事件,只是「遲咗通知呂生,最終都會話佢知」。
事務律師張世文指,速遞公司未經事主許可自行拆箱,造成貨件損壞,須承擔責任。「佢哋都認拆盒,明顯係速遞公司出錯,事主有權告佢哋,更可以要求速遞公司賠償損失,包括呂先生蝕俾買家嗰七百幾蚊。」
本刊將呂先生的個案轉介順豐速運,對方馬上向呂先生致歉,並按呂先生要求,加碼賠償四百五十元。(陳凱敏、周潔媚)
資料來源:一X刊
-------------------------------------------
呢間野既速遞員幾好服務態度KA,可惜收費太貴la,我冇用好耐。。。
BTW,唔知我咁樣C&P,算唔算犯法呢???