懷孕前後 今日: 8 | 主題: 329718

積分: 839

101^#

發表於 11-4-28 17:35 |只看該作者

ryanne 發表於 11-4-28 16:16
今日心情已好多了，昨晚亦瞓得好好，因為太攰啦，加上頭痛，我丈夫話我尋晚超快瞓著，唔等佢……
已 ...

加油!! 比多D正量給大家，這個經歷都係讓人上了一課，雨過天晴的感覺係最好，最重要心情輕鬆和身體健康!

原來你係大廚，我整野食一般啦，有時請人上來屋企食飯，整來整去都係果D，要好好跟你學下野先。

我今日忙緊教會5月份的母親節PARTY，做MC要寫SCRIPT和流程，可能經歷左呢次事件，讓我更深深體會到媽咪的愇大，當年我媽咪陀我都好辛苦，成個月流啡訓床，之後生我又胎盤縮左入去要緊急產房，一命摶一命，很感激她，更加要對媽咪好D，每個媽咪都係好偉大。

私人傳訊

aj.bebe

積分: 1814

102^#

發表於 11-4-28 18:49 |只看該作者

回覆 ryanne 的帖子

ryanne, 你好勁呀, 你老公就有口福啦! 我整黎整去都係果d豆豉蒸排骨, 蒸水蛋咁咋, d餸重覆又重覆, 一個星期仲要食幾次tim 呀~~~

私人傳訊

積分: 3274

103^#

發表於 11-4-28 22:40 |只看該作者

回覆 aj.bebe 的帖子

hehe~~我整嘢食都係麻麻地，可能之前一直都自己住，所以習慣咗自己煮飯啦！結婚頭一年真係煮嚟煮去都係嗰啲：雞翼、排骨、肉餅、水蛋，一來工作時間長，二來放工好攰啦！所以都係以簡單，快為主，不過仍然都會堅持一個星期要煮4餐。
到而家，自己食得多都悶啦！所以有時都會搞搞新意思，搵啲易煮嘅食譜，又唔麻煩。
我都係一個懶人嚟架！所以屋企有焗爐、蒸籠、萬能電飯煲，一來慳時間、二來慳工夫，如果次次都要開鑊蒸嘢，我應該唔會蒸。

唔知你哋會唔會自己煲湯呢？我只係會滾湯或者用湯包，一來屋企用電爐，二來發覺而家買湯包同買材料自己煲都係差唔多價錢，分分鐘仲貴，所以如果要飲老火湯，多數都係飲湯包，真係好方便。haha~~

私人傳訊

積分: 839

104^#

發表於 11-4-29 11:41 |只看該作者

回覆 ryanne 的帖子

哈哈，我煮飯的次數一個星期1,2次咋,好多時候工作忙,放工好累就出街食,或者去左99度，因為我同99住得好近，不過星期六日有時間都會煮下飯仔,同老公上網睇下有咩易學的新菜式，增加夫婦情趣，又可以嘗試新野，我老公係一個好鐘意食野的人。我們有時煮西式野多，煮下意粉，焗下雞，煎下牛. 羊扖咁呀。

我煲湯都多數買超市的湯包，經濟得來方便又分量夠，自己買料都幾貴呀，我就少D滚湯呀，如果滚湯咪煮下雞蛋玉米湯咁呀。

私人傳訊

積分: 3274

105^#

發表於 11-4-29 23:25 |只看該作者

啲人話小產完之後都要好似坐月咁補身。最近開始研究補身嘅湯水and家常菜，今日亦都去過書店睇過啲食譜，發現主要食材都係嗰幾樣：紅棗、花膠、雞、薑、奶……聽日會再去買本坐月食譜，研究研究，遲啲再提供俾大家。等大家平日都可以補下身。^^

私人傳訊

積分: 839

106^#

發表於 11-4-30 15:16 |只看該作者

Ryanne
等你的分享,我想學下野，第日坐月都可以知點補身。幫下自己和就來生的朋友呀。
終於都清晒D惡露了，星期二再去婦科醫生照多次，就可以開始中醫補身了。

私人傳訊

積分: 839

107^#

發表於 11-4-30 15:19 |只看該作者

RYANNE

期待你的分享，等我都學下野，第日幫自己補身，又可以幫下身邊的人。

我的惡露終於都清晒了!!星期二照婦科查下，就可以開始補身了。

私人傳訊

Luenluendau

民房

積分: 6

108^#

發表於 11-5-1 13:53 |只看該作者

我的BB(14週)於個多星期前離開了我,真的很傷心, 但都要繼續生活, 看中醫養好身子, 希望下次能夠成功

私人傳訊

helenmelody

積分: 3843

109^#

發表於 11-5-1 16:04 |只看該作者

回覆 Luenluendau 的帖子

好好休息, 不要想太多, 大家都話胚胎會自然淘汰, 好好休息, 半年後調理好身體, 飲下中藥, 又可以再試過, 我舊年都小產, 現在正努力造人...!
祝福你~!

私人傳訊

kgiconnie

複式洋房

積分: 428

110^#

發表於 11-5-1 16:34 |只看該作者

回覆 ryanne 的帖子

無錯~仲要經歷兩次呢d事真係令人好傷心難過~你真係好勇敢呀~

你倆係呢兩次傷痛既事上處理得好好呀~好勇敢好正面面對~雖然好難過~但可見你夫婦二人感情更好更了解更有默契.

我都好明白你感受因我都經歷過~我要係屋企厠所拿番起嚟包比醫生睇.睇住捨我而去又有哂清楚人既身體既親生子女身軀.真係唔知喊咗幾多晚.

我到而家都仲記得.我把去世既bb交比神,係天父懷內得平安得安息.求神寬恕我&我既身體健康未為bb作好準備.求天父拿走我倆既傷痛難過.求神賜喜樂既靈充滿我倆.使我倆回復精神身體健康.
就係梗倚靠神先走過這難過既日子.

做好準備年幾後,我求神賜bb.我就當日既月底就懷孕啦~今年暑假後同bb見面.願愛我們既主同樣賜福予你.你唔好難過&喊啦~天父可能幚你湊住bb先呢~

你倆做我準備又比以前更健康,神覺得係時候就會出手賜bb比你家啦~愛我們既主一定賜最好既比你們~

祝福你有完美快樂既家.蒙主恩寵~

私人傳訊

積分: 839

111^#

發表於 11-5-1 22:33 |只看該作者

回覆 Luenluendau 的帖子

希望你可以盡快收拾心情，積極面對。很明白你當时的感受，相信BB下次會帶一個健康的BB給你。

私人傳訊

積分: 3274

112^#

發表於 11-5-7 15:50 |只看該作者

本帖最後由 ryanne 於 11-5-7 16:37 編輯

update on 7 May 2011

今個星期專心醫感冒，食咗一個星期西藥，瞓到不知何年何月……亦都趁呢段時間搵工，之前返嗰份工只係返咗3日就請咗3個星期假 (真失禮！)我都唔寄望間公司會繼續請我，所以都係再去搵工。
呢2日都瞓得唔好，可能下午瞓得多，夜晚食咗藥都唔係好舒服，又可能擔心星期一覆診呱，幾乎要天光先瞓。
星期一早上要覆診了，希望呢一場夢星期一可以完結啦！^^

最近食緊西藥所以未睇中醫住，不過而家都keep住整啲驅風補血嘅食物，呢排整咗薑汁撞奶，大家都試下啦！

薑汁撞奶食譜

材料：(一碗份量)
屋仔純牛奶 X 一盒 (任何脫脂、高鈣……都唔要)
老薑(汁) X 1舊/2湯匙 (一定要用老薑)
糖 X 2湯匙 (可多可少)

做法：
1) 先將老薑磨汁，大概要2湯匙，放入碗內備用。如果想要薑味重啲可以放多少少，不過放太多會好辣呢！
2) 再將牛奶用慢火煮熱，加入糖，煮至出煙即熄火。
3) 然後用拉茶方法將牛奶拉10~12次，A 碗倒去B碗為一次，B碗倒去A 碗為第2次，如此類推。(目的係想牛奶降溫，如果有溫度計，可煮至80~85度左右。)
4) 牛奶降溫後/ 溫到降至75度，先用湯匙再攪絆一下薑汁，然後用拉茶方法倒入放有薑汁碗內。倒入牛奶後切勿移動碗或再倒入牛奶。
5) 用碟蓋上碗後，等5~7分鐘即可食用 (可放湯匙喺面做測試，如果湯匙係浮的話表示成功！)

提示：
1) 這個甜品，必須用老薑，成功機會會較高。
2) 牛奶溫度好重要，所以如果有溫度計，最好用啦！
3) 牛奶撞入薑汁之後必須用蓋蓋好，而且勿再移動，否則就唔成功囉！

亦可以去呢到睇睇：
http://hk.myblog.yahoo.com/lovely_ryanne/article?mid=4955

私人傳訊

jbread

積分: 666

113^#

發表於 11-5-7 16:43 |只看該作者

加油!保重身體!

私人傳訊

rabbit333

積分: 832

114^#

發表於 11-5-8 16:55 |只看該作者

看完你的經歷，我的眼淚己流得滿面皆是！
我的bb在5月4日離開了，她只有9wks大，我很掛念她……
由我流啡日開始，我己不住的向神禱告，可否拿走我面前的苦杯……
可惜bb都走了……
我知道這是神的安排，但我真的很捨不得她……

私人傳訊

積分: 3274

115^#

發表於 11-5-8 23:36 |只看該作者

回覆 rabbit333 的帖子

傷心係無可避免的，因為是自己的孩子，我第2次聽到自己又小產初時，完全冇喊過，反而令我覺得自己有點冷血呢！><"

有件事我一直都深信的：神有祂的計劃，所以我只要憑信心順服；神亦會為我預備最好的，因為神愛我，祂的恩典必夠我用。
所以不論結局係點，我仍會感恩。縱然失去係心痛的，但從另一方面睇，我每次都會有所得著：讓我更懂得倚靠神；因為生命得來不易，所以我要更珍惜，而且要喺尚有生命氣息時，努力地事奉祂，愛身邊嘅人。

我第一次小產之後嘅禮拜日返崇拜，我聽到1首詩歌，當時俾我好大嘅感動，令我哭了：主的恩典乃是一生之久 (讚美之泉)。
到第二次小產之後嘅禮拜日前，我一直都冇喊過，直到當日返崇拜，我聽到首詩歌：緊緊抓住你 (讚美之泉)，我終於哭了。

傷心的時候不妨聽下詩歌吧！除咗可以安靜自己，可能又會有所得著呢！
神係愛你架！因為祂曾經也同樣都失去祂的兒子呢！

私人傳訊

babyonla

複式洋房

積分: 254

116^#

發表於 11-5-10 16:57 |只看該作者

Ryanne:
我唔係教友, 所以唔識用聖經入面既例子黎安慰你, 我只可以係度同你分享一下我自己既經歷 & 當中既個人領悟。
我上個月尾 (4月26日)剛剛經歷了第三次小產, 三次懷孕都唔過8 週就自然流產, 第一次因為係意料之外, 所以只係傷心左一段好短既日子, 第二次流產, 因為預先有準備, 所以傷心左足足一年, 當一人獨處時, 就控制唔到自己既眼淚, 成日覺得係自己唔好, 不斷怪責自已。到第三次, 都係計劃之下有左, 不過又係保唔住, 有左冇幾耐已經放假, 休息訓床安胎, 但都係唔得。今次知道唔得既時候, 當然都有難過 & 哭, 不過今次反而理智左, 唔會再不停自責, 因為今次流產另我明白到, 我身體可能出左d 問題 or 欠缺左d 野, 所以先會成日早期流產, 第三次流產另我知道, 我唔可以再盲目嘗試, 我要正式去搵醫生 check 下我出左咩問題, 要正面去面對呢年事, 因為喊係解決唔到問題既。

我之前以為係份工有壓力, 以為自己身體唔好, 所以係有第三胎之前, 已經有一段長時間食中藥調理身子, 但結果話俾我知, 我唔可以好似其他人呾只係靠食中藥就可以安到個胎, 我知道我一定要搵專科醫生幫我。

見到你話 "有d 人好唔識趣", 我好有同感, 今次除左我父母& 一兩個親戚, 我冇同身邊任何朋友講, 費事成日問返問去, 我只係想做到 "淡淡然來, 淡淡然去", d 人一日到黑想八掛 or 問候, 反而另我諗起一d 不必要既傷心事, 個b 對我有縛重要我自己知就得啦, 唔使佢地不停remind 我d 唔開心既經歷lor, 真係好唔識趣 & 好唔 considerate!!!!

私人傳訊

babyonla

複式洋房

積分: 254

117^#

發表於 11-5-10 17:09 |只看該作者

ryanne:
而家我反而有種解脫 & 鬆一口氣既感覺, 因為我會將我交俾專科醫生, 希望係佢地既專業資識下, 可以解答到我既疑問, 搵出點解我有慣性流產既原因, 睇下有乜解決方法, 係專業人士既指導下, 我先考慮再嘗試, 而唔需要盲目咁去睇中醫 & 嘗試懷孕。
係排隊 & 未見到醫生之前, 我可以好好享受生活, 做自己喜歡既事 (e.g. 運動, yoga, 跑步, bellydance or take a academic course to upgrade myself, etc). 其實上天俾生命我地, 我地要珍惜 & 好好地活, 活得開心都好重要, 予其日日愁眉苦臉, 憂心忡忡地過, 我選擇開開心心咁過每一天。
我媽咪見到我之前不斷為"生仔" 既事而煩, 佢都有d 唔開心, 而家我諗通左, 暫時放低左, 做返原本既我, 佢覺得自己個女終於返左黎。

私人傳訊

積分: 3274

118^#

發表於 11-5-10 19:49 |只看該作者

回覆 babyonla 的帖子

好開心你終於諗通咗呢！專業醫生有冇俾任何建議你呢？

唔使擔心我，我已經冇事。我係一個理性嘅人，亦因為自己獨立嘅性格，知道喊或者長時間喺負面情緒下係冇任何幫助。
當我知道自己再次小產時，我第一個念頭就係：我會唔會有慣性流產，或是身體上有其他問題呢？不過醫生話3次或以上先算係有慣性，而且醫生幫我檢查時，醫生話我基本身體上冇大問題 (例如：子宮上問題等)，其實已經令我放心不少。
2次懷孕都可以話係一個意外，最少對我嚟講係，我亦知道自己係需要好好調理才可預備有BB，因為我本身身體太差了，所以除咗而家要好好調理外，喺計劃要BB之前，亦都會加倍留意。(醫生仲建議我要BB之前2~3個月可以食葉酸呢！)^^

私人傳訊

積分: 839

119^#

發表於 11-5-10 20:00 |只看該作者

無論有無宗教信仰也好，都有機會面對這些事情，傷心難過的日子總是難免的，始終是一個生命,曾經住在自己的身體，一種血濃於水的感情，最重要是傷心過後，依然會對未來都有一份盼望和積極的信心，我相信每個人都有自己的際遇和命運,只要自己活得開心就可以。

私人傳訊