老兄唔知你有無睇過《烈火情心》呢套電影(英文係Fireproof)﹐絕對推薦你睇下。做人好多野唔到你想唔想。有人話﹕"You do your best, God does the rest." 但計我話﹐係"You do your best, but everything is in God's hands." 好多野我地要到唔知將來幾時先會明白。點解神要何西亞娶個淫婦﹖娶完喇﹐佢又走佬去重操故業﹐神仲要何西亞搵返佢。點解呀﹖點頂呀﹖原來係神要透過佢來顯明佢不離不棄嘅愛﹐真係畀你估到就唔係神啦。
你禱告係啱﹐搵婚姻輔導係啱。不過你地兩個人之間嘅事﹐一定要兩個人去解決﹐好似佢話對你以往有好多野不滿﹐又話你令佢失去信仰。到底佢點解咁講﹐係你自己同佢先知。不論係你真係有做錯又好﹐係你做左D野令佢有籍口去賴你又好﹐你都要去反思同面對﹐唔可以只係站在一個消極嘅受害者嘅立場。
套電影真係好好﹐佢本書仲正﹐試試。